السلام عليكم وأنا ابحث في موضوع الوظايف لقيت هذه القصيدة الصادقة والرائعة التي تتحدث عن مشكلة البطالة ياليت تستمتعون بقراءتها وتعطوني تعليقكم عليها:
الشقاء عذب قلوب الناس واسرف فـي ألمهـا
والدموع الي على اوجـان الفقـارى مستهانـة
يستشفـون السعـادة والامانـي مـن عدمهـا
والضمير الي حكولـه ماتحـرك مـن مكانـة
دوروا حل المشاكـل والمشاكـل وش رسمهـا
غير تغييب الضميـر وغيـر تضييـع الامانـة
مشكلتنـا فالبطالـة قالهـا الــي مافهمـهـا
لا وربـي الـي خلقنـا مشكلتنـا فالبطـانـة
بالقصـور وبالتغاضـي والتـهـاون نتهمـهـا
من طيوف الشعـب كلـه يستحقـون الادانـة
ناس عاشت فـالنعيم وربـي بفضلـه كرمهـا
بالوسايط والرشـاوي وصلـوا ذيـك المكانـة
غيبوا شمس الحقيقـة وابدلونـا فـي وهمهـا
وصارت احلام السعادة في عيون النـاس دانـة
قل حال الناس زاد وقـام ينهـش فـي لحمهـا
ومجلس الشورى يناقش كيف تخفيـف الاعانـة
والاعانة وش تسوي وش تسوي لـو خصمهـا
لو خصمها وش تسوي افهمو يا اهـل الفطانـة
يا الـي تحـط المبـادي والمبـادي تحترمهـا
اسئلـك بالله ليـه الضلـم هــذا والخيـانـة
ياخي ناضر فـالألوف الـي جنابـك يستلمهـا
ليش مايخصم معاشك او على فلوسك حصانة!!؟
حط حيلك فالضعوف وصد عينك عـن قممهـا
وانت تاكل وآنا آكل واتـرك السـارق وشانـه
قاعده عمت علينا خـاب حـض الـي نضمهـا
وخاب حض الي تبعها وارتضى درب اللعانـة
ذي بلدنـا ذي بلدنـا كيـف بيدينـا نهدمهـا؟؟
كيف نرضى بالفساد وكيف نرضـى بالأهانـة؟
اشتكـوا خـل الحقيقـة ترفـع يديكـم علمهـا
زلزلوا من عاث فيهـا زلزلـوا كامـل كيانـه
والأمـل بعـد الله بليـثٍ تولاهـا وحكمـهـا
ذاك ابو متعب عسى الله ينصرة ويعـز شانـه
قالـه الـي مابدتلـه كلمـة الحـق وكتمـهـا
شاعر ٍ لأصعب قضايـا امتـه سخـر لسانـه
وانا داري هالقصيدة الف واحـد مـا هضمهـا
لكـن الباقـيـن قـالـوا الله يسـلـم بنـانـة
مشكلتنـا فالبطانـة مشكلتنـا فــي قيمـهـا
بـس ماهـو كلبوهـم فيـه قـلـة للأمـانـة
ومن يقول بغير ذالك الـه نضـرة واحترمهـا
المهم الي بقولـه صـار واضـح فـي بيانـه
والمشاعر لو تخير كـان هجـت مـن قلمهـا
وكـان ماقالـت قصيـدة فالحريـم وفالبطانـة
وسلامتكم