بسم الله الرحمن الرحيم

اول حاجه سمعي قصتي بطول شوي بس سمعوني وباركو لي

انا ياشباب تخرجت من الثانوي الصناعي بنسبة 96.11% وقلت الحمد لله رب العالمين وكان عندي طموح والله العظيم اني اكمل دراستي
قدمت في المعهد الجبيل التقني ولم يتم قبولي قدمت بالكليه التقنيه ولم يتم قبولي
طبعا وعندي قياس نسبة 65%
ومره قدمت على ارامكو وتم قبولي واختبرت بالظهران وكانت المصيبه حنا مادرسنا رياضيات وختبارهم رياضياات بحت بحت جتا وضتا ومدري وشو واضلاع وزوايه قلت يااقلب لاتحزن الظاهر يفكرون فيثاغورس جاي يختبر والانجليزي والله ثم والله يفكرون جايين نقدم على اختبار التوفل المهم الخلاصه ماطلع اسمي
واقدم بسكيكو شركة الكهرباء ويطلع اسمي واطير من الفرح وفي الاخير نظامهم زي ارامكو قلت صبح صبح ياعم الحج
وقلت ياولد مالك رزق لا بالشركات الكبار ولا بالدراسه يازين السيكورتي في بنك الاهلي
خخخخ المهم قدمت على شركة مقاوله مع ارامكو والحمد لله مشيت فيها سنتين اشتغل اسبوعين واجازه اسبوعين اول مادخلت راتبي 3200 لين ترقيت وصار 4800
وتعبت تعبت من جد يكفي النفسيه دوام 12 ساعه نوم 12 ساعه مدة 14 يووووم فصلت منها وانا كنت خاطب وملكت واجلس بالبيت حوالي 6 شهور بدون وظيفه ولا شغله ولا مشغله واقدم من هنا وهنا ويوم شفت اعلان حق شركة نسما ورحت الخبر وقدمت واشتغلت بمشروع رأس تنوره بالشرقيه والحمد لله راتبي حلو ويمشي 4300 مع الاوفر تايم يوصل 5 الاف وشوي
ويوم طلعت من الدوام ومعاي واحد من المدينه بالغرفه معاي الروميت حقي
اسميه بووجي ههههه الله يذكرك بالخير رجال شهم ونعم فيه والله
طبعا بالموت بالترجي بالكلام الطيب عطاني الاب توب حقه لان كان مشترك كونكت الرجال
واتصفح النت واشوف تقديم بالسجون قلت ورى ياولد ماتقدم
والله قدمت والحمد لله قبلوني مبدئي واروح الرياض واسوي الكشف الطبي والبصمات واستلم الدفتر الاحمر واعبيه واخلصه من اختااام واسلم لهم
والله ثم والله واللي نفسي بيده اني نسيت موضوع السجون وقلت ماعاد فيها نفسها نفس غيرها وجاني يوم اتصال وانا اوقع نهاية الدوام
وبحكم اني اعرف شباب بالرياض شوفو المحادثه كيف ويكون بعلمكم مادري منو متصل اوكي لان الرقم يبدا بــ 01 قلت الشباب اللي اعرفهم

السجون/ الوووو
انا / هلا والله هلا
السجون / انت فلان
انا / هلا ومرحباااااا كيف حالك ياحبيب قلبي
السجون / ماشاء الله عليك عرفتني يعني
انا / لا والله ماحصل لي الشرف
السجون / ههههه معاك المديريه للسجون لجنة القبول والتسجيل
انا / هلا والله هلا ويــــنك يااخوي من زماااان مادقيتوو عليناااا
السجون / هههه هذا اتصلنا المهم تعال حضر يوم الاحد بنعطيك خطاب تخلصه من جهة تخرجك
انا / ابشر طال عمرك
السجون / طووط طووط طووط
انا / :tsf iq: والله مادري وش اسوي من الفرح
ورحت والحمد لله خلصت الخطاب والمقابله وانقبلت فيها ودورتي بالجوف في 1/3
وسحبت سيفون على الشركه
والله ثم والله ياشباب زواجي في تاريخ 1/3 وحجزت كل حاجه والحين اجلت كل الحجوزات الى وقت غير معلوم

الخلااااصه
اشكر القائمين على هذا المنتدى الاكثر من رائع والله يجعلهم في ميزان حسناتهم ولا انسى اشكر كل المشرفين والمشرفات اللي حقا قدمو للمنتدى اللي يشكرون عليه واشكر الاعضاء فردا فرادا واشكر كل الزوار <<< حتى الزوار مانسيتهم يحليلي
والحمد لله كل هذا بفضل الله سبحانه ثم بفضل هذا الصرح الشامخ
والله يعطيكم العافيه يارب
وان شاء الله عقبال كل عاطل


مايستفاد من القصه
ياشباب الصبر ثم الصبر ثم الصبر والله ثلاث سنوات وانا متمرمط من مكان لمكان بس الحمد لله احسن من غيري في شباب هنا تعذبو اكثر مني واللي لهم 5 سنوات بدون وظايف اوصيكم بالصلاه والصبر والاستغفار وقراءة القران الكريم والله يفتح ابواب الرزق عليك
واخيرا الله يوفقكم يارب ويوفقنا معاكم
سلااااااااام

ماشاء الله

مبارك يارب
وإن شاء الله التوفيق حليفك دائماً

مبروك يابطل وعلى فكرة ليه ماعزمتنا على زواجك

وربي فرحت لك اسال الله لك التوووووفيق ...

الف مبروك

الف مبرررروك تستاهل والله

مبروووووووووووك
بالتوفيق ان شااااء الله

الف مبرووك

مبروووووووووووووووك بتوفيق للجميع

[align=center]ألـــف مبـــرووك

.. الله يجعلها باب خيــر وسعاده عليك .

ونسأل الله لك التوفيق في كل دروب حياتك ..

وعقبـــال البــاقي ان شاء الله[/align]