ســـلام ... كيفكـــم ؟
أنــا شوي خايفه وماني عارفه أيش أســـوي !!!
زميلتي أمها موجهه كبيره في التوجيه وتعرف عن الوظايف اللي بالخــش والـــدس ... واتصلت علي زميلتي أمس وقالت لي فيه مطلوب أحتياج تخصصك بالمدارس الحكوميه بالرياض روحي لمبنى أدارة التربيه والتعليم وقدمي ...! وأنا ماصدقت خبر ورحت ودخلت القسم النسائــي وقالوا لي مافيه عندنا تقديم ولاشي
وقلت لزميلتي وقالت لي روحي للقـــسم الرجالي وقدمي أوراقك عند المدير ... بس طبعا لازم محرم . . . وأنا ماكان معي محرم ورحت للقسم الرجالي ورفضوا أدخل طبعا !!! وكان فيه حارس أمن عند الباب سألتــه عن الوظايف قالي حاليا مافيه قلت بس أنا بقدم أوراقي ألحين لأنـــي سامعه أنو فيه وظايف ومدري أيش
وقالي خلاص طيب عطينـــي أوراقك و أنا بشـــوف لك أذا فيه قدمتهـــا .. وسألنـــــي أذا أنا حاطه أيميـــلي أو رقـــم وأنـــا بـــكل سذاجـــه قلت له أيه فيه رقمــي وايميـــلي وعطيتــه كل أوراقـــي على أساس يقدمهـــا لي ..
وقبل شوي لما فتحت الماسنـــجر حصلـــت طلب أضـــافــه من واحــد ورفضت طبعا وحضـــرت هذا الشخص .. وأنا متــأكده أنه هو اللي طلب الأضــافه !!!
ألحيــــــن أيــش أســـوي ؟ ؟ ؟ هالشخـــــص مو قد الثقــــه وشكــــله موش مضبــوط !!!
وأنا خايفــه لأنــي عطيتـــه كل أوراقي نسخـــه طبعــا وبعد كاتبه في السي في كل معلوماتي ورقم جـــوالي ... وخايفه يزعجنــــي وينشـــب لي ...
و وأفكــــر لو أقول لأخواني أو خوالي يرحون له ويتفاهمـــون معه ويقولون له عطنا الأوراق وحنــا بنقدمهــا وشكـــرا لك ... بس هم شباب ومندفعـــين أخاف يتمشكـــــلون معه
وش يقدر يســـوي بأوراقي اللي معه أخاف يبتـــــــــزنـــي ولاشــــي << وســـوست

رووعة

تأكدي انه هو قبل كل شئ

ولك الحق بأنك تقدمي شكوى عليه بإدارة التعليم عشان يتأدب

فيه طريقة بأنك تروحي بمحرم لقسم الرجال وتسأليهم اذا اوراقك وصلت أو لا

اذا لا , قدمي شكوى عليه ^_^

سؤال لأهل الرياض بس << سامع يادنياي حلم


انا نقلت للرياض وماأعرف شئ بالرياض

اعرف اشياء بسيطة بس

مقر عملي الجديد بحي الريان , ع الدائري الشرقي ( مخرج 14 و 13 )

وناوي ان شاء الله استأجر شقة عوائل

فيه كم حي سكني طاحت عيني عليهم << الله يخلي قوقل ماب

وناوي تكون الشقة في وحدة من هالاحياء

عشان كذا ابي مشورتكم

وش افضل حي للسكن العائلي ( عرسان )

حي الريان - حي الأندلس - حي القدس - حي الحمراء - حي غرناطه

بإنتظاركم

أحد يعرف لمشكلتي يجيني هنآ

قبل كم يوم قفل النت عندي مايفتح المواقع
بس المسن ادخله عادي
البارح انقلبت السالفه
صار تفتح معي المواقع بس المسن غير متوفر
حدثت التاريخ و حذفت المسن وحملته من جديد نفس السالفه
وش السواه

تمشكلت والله كل قشي فيه

هذا حل سويته انا ونفع معي من فتره وهالايام صارلي نفس المشكله ما اقدرافتحه بسهوله اذا بغيت
البريد اروح من المفضله والمسن بصعوبه يفتح.
اول شيء روح على الماسنجر الي موجود في شريط المهام واضغط رايت كليك يطلع كلمة انهاء (Exit)
ثاني شي اضغط على رمز الماسنجر الي سطح المكتب كمان رايت كليك يطلع قائمة في اخرها الخصائص (Properties) رح تطلع قائمه مكتوب فوق (عام - الاصدار -التوافق) اضغط على التوافق (Compatibility) وبعدها تلقى فوق تشغيل البرامج في وضع التوافق لـ ويندوز 95 غيرها وحطها ويندوز 2003 بالانجليزي .أنا عندي 2002.
وهنا شرح للاخ رامي لكن الصور ماتطلع مدري ليه يمكن يفيدك شيء
https://www.btalah.com/showthread.php?t=133631

والخطاء عندك مايطلع له رمز الخطاء يعني ارقام تجي بجنب بعض ..

__________________
"لله دُر أمي إذا ابتسمت
تهادت جروح قلبي والتئمت"

السلام عليكم

عندي مشكله في شريحة جوالي سوا
اول مره تصير معي

من كم اسبوع شحنت بـ 20 استخدمتها كم يوم ومو كثير وفصلو الخدمه عني على طول
وبعدين شحنت بـ 10 بس نفس الشي كم يوم ومو استخدام كامل انا متاكده وأيضا فصلوه عني
مع العلم إني استفسر عن رصيدي ويطلع لي رصيدك 30 ريال
يعني الرصيد ثابت العشرين الاولى والعشره الثانيه ولو اشحن كمان بـ 10 مثلا راح يثبت الرصيد على40 ريال
وراح يفصلوه
ماني عارفه المشكله اول مره تصير معي
ولو اتصلت عليهم ماراح يفيدوني انا متأكده لانهم اصلا مايردون
أو راح يتعللون باي شي
لأنها صارت مع واحده اعرفها

ان شاء الله فهمتو قصدي

ماني عارفه ممكن احد يفيدني
ولا خلاص على شريحتي السلام !!!!

وعليكم السلام

كذا انتهت الخدمه عندك بيكون استقبال بس ما يدق لو كان فيه 100 شحن من بطاقات ابو 10 و 20

اشحنيه ب 50 وبيكون معك 3 شهور اظن وب 100 يكون 6 شهور

المهم يعني اشحني الجوال ب 50 ريال وبتنحل مشكلتك اما على 10 و 20 نفس الشي ما بيتغير شي 10 يرجع جوالك 3 ايام و20 يرجع جوالك 6 ايام

اتمنى اكون افدتك