على فكره
خذ اوراقك ودور بالمستشفيات واترك عندهم نسخ
افضل من جلستك بحيث اذا احتاجوا يكون عندهم اسمك

السلام عليكم ورحمة الله وبركآته
صبآحكم | مسسآئكم
جوري ويآسمين


آتمنى الموضوع مآينحذف إلا بعد مآخذ رآيكم

بصراحة حيل محتآره ومعرف شنو اسوي آوافق او لا ؟
آنعرضت عليّ وظيفه في شركة وطبعا في تخصصي
( مختبر )
رآتبها مآكنت اتوقعه وخاصه اني ماعندي خبرات عمليه
آلراتب 5000 .
ودوآمها بعد مقبول طبعا بعد التغيير , وماكنت اتوقع انه بيتغير
بس شئ محيرني ومخوفني

اول ماجيت اعمل الانتر فيو قالولي دوامي لـ 10 في الليل ,
خفت اول شئ من وقت الدوام واللي خوفني اكثر انه
المختبر فيه رجال واحد مافيه بنت غيري
ترددت وكملت الانتر فيو

ونسيت اجيب معي السي في وطبعا اعطيتهم صور
من شهاداتي واخذوها ورجعت البيت ارسلت
السي في ع ايميل المدير وماجاني خبر منهم
حوالي اسبوعين , رجعت دقيت
ع الشركه ابغىااستفسر شنو صار ووظفوا بنات او لا
لاني شفت بنات كثير وقت التقديم والانتر فيو
قال الموظف انتي اللي جيتي مع ابوكِ ؟؟
قلت يب انا قال زين انك اتصلتي تعبت وانا ادورلك
ع شئ يوصلني لكِ , قلت والسي في ارسلته ع الايميل
قال ماعندي خبر المهم عطيني رقم اقدر اتواصل
معك فيه , ومن فهاوتي اعطيته رقمي
مآني حافظه غيره وماتوقعت بيصير شئ


المهم بعدها بفتره اللي هو قبل اسبوع اتصل وسآلني اذا توظفت
او لسى قلت للحين ماتوظفت قال زين
بحولك ع المدير وكلميه عشان الدوام وكذا
قلت معليش مابغىا قال ليه ؟؟
قلت وقت الدوام صعب عليّ شنو يرجعني الساعه 10
بالليل قال تيب اغير الوقت ويصير في الصباح ؟
استغربت يعني تغيير الدوام بالسهوله ذي ؟؟
بعدين رجع سآلني كم تبغين راتب ؟؟؟
استغربت اكثر وقلت في الانتر فيو قالولي
4000 للبكالوريوس
قال بالعاده البكالوريوس نعطيهم 3000 بس بزيدك
واوصلها 5000 ؟؟؟
سكت وقلت لازم اخذ الاذن من ابوي قبل ماسوي شئ
قال انتي كلمي المدير وبعدين شوفي ابوك
كلمت المدير وربي انه زاحف ؟
يسولف معي ويضحك ع باله اخته زاد استغرابي اكثر
سآلته إذا وظفتوا بنات قال ايه وظفنا 6 بنات وباقي انتي
بعدين قفلت منه ورحت كلمت ابوي وقلت الشركه دقت
وتقول انتظري منا تلفون عشان تدوامي الاسبوع الجاي
ششرآيك ؟
قال قلبي قارصني منها معرف ليه بس انتي مو صغيره
وتعرفي الصح من الغلط وسوي اللي تبغيه
ماراح احرمك من شئ تبغيه


وهنا خفت اكثر خاصه ان الموظف كل يوم يتصل
ومآرد عليه

احيانا اقول لنفسي من ترك شيئا لله عوضه الله خيرا منه
ارجع اقول الفراغ بيذبحني وماني متعوده ع جلسة البيت ؟







قولولي شنو اسوي

الرزق عند الله اتركيهم واضحة لعبتهم

وعن قريب انشألله راح يكون في توظيف في موبايلي بنات كول سنتر

راح اجيب رقم الفاكس وارسله لك

اماااااااااااااااااااا الموظف اللي يدق عليك

هاتي رقمه اقلد عليه واخليه يشحن الكونكت لي كل شهر 350 الامحدود

والله افلسعبه

والله ذا باين انه وااطي درجه اولى كل يوم يدق عليك دقو وجهه << اعذروني تفاعلت مع السالفه

وزاد الراااتب عشااانك >>> وين الكيتن يصرف من جيب ابوه يحط الراتب بكيفه

ربي يعوضك بوظيفه احسن منها ..

وانا من رأيي تتركينها لأن عمره ماصارت انه يطرد صاحب عمل المتقدمين له بالطريقه هذي ..

لاويزيد الراتب 2000 ريال بكل سهوله ويتصل يوميا ويصرّ اصرار ملحّ على توظيفك الا ان وراهم شبهه ..

وانتي عارفه مجتمع الشركات وبعض اللي يستغلون مناصبهم في حاجاتهم الدنيئه صراحةً ..

ربي يوفقك ان شالله ويفتح لك ابواب الرزق الواسعه ..

وعليك السلآم ورحمة الله وبركآته

ترى قريت نص الموضوع ومآكملته لآنه مآيبغآله تفكير ولآتحتآرين

من ترك شئ لله عوضه الله خيراص منه

ومآانصحك بوظيفه فيهآ إختلآط

الله يرزقك الرزق الحلآل

تنطيلآتي

وعليكم السلام ورحمه الله وبركاته ..
وصباحكزهرة النسرين

انتي قلتي بالنهاية من ترك شيئاً لله عوضه الله خير منه ..

واضح من طريقتهم بالتعامل شئ يعور القلب وانا مو صاحبه السالفه الموضوع يخوف ..
انتي انسانه تميزي الصح من الغلط استخيري الله والافضل انو تبطلي من وجهه نظري ..
الله يوفقك باللي أفضل منها ان شاءالله ..

كل الووود لعيونك ..

في بيت شعر للشاعر ياسر التويجري

قرأت في ما قرأت عن بلوغ المرام ....
اللي ترك شي لله عـآضه الله بخير

وما أقول ألا حسبي الله على كل واحد خاين لمنصبه



وسوالم ,,