07-02-2010, 01:13 PM
|
 |
عضو نشيط
|
|
تاريخ التسجيل: Jun 2009
المشاركات: 151
معدل تقييم المستوى: 32
|
|
|
توني جاي من مركز آمن المنشآت -بمكه
السلام عليكم ورحمة الله وبركاته
مسسآء الخير ...
انا دوبني واصل البيت من مركز آمن المنشآت في مكه
والحمدلله ضبطت اموري تمام
بس والله زحااااااااام ،خنقه،
والطوابير اللي قبل لاندخل المركز حووول ال ٥٠٠ شخص ويمكن اكثر
وفوووق هذا كله يجيك واحد بواسطه ويتجاووز العالم اللي تنتظر < غبنه قسم بالله
وتراهم قايلين اللي نسبته اقل من ٨٦ لايتعب نفسه وينتظر الاحتياط
واكدوا انه فيه احتياط عشان كذا اصحاب النسب اللي تحت ٨٦ لايخافون بإذن الله مقبولين في الاحتياط
.. ويبدا فرز الاحتياطين بعد انتهاء الفرز من المقبولين المبدئيين ..
بعد كذا جلسنا تحت المضله ننتظر الدخوول عند لجنة الطوول والوزن تقريبا ساعه وشويه جالسين ننتظر من كثرة الموجودين
يوم دخلنا على لجنة الطول والوزن اخذوا منا الاستماره وبطاقة الاحوال وتجلس تنتظر الى ان ينادون بأسمك
بعد كذا اذا نادوا على اسمك تروح تقيس < اقولها ونا كلي آسف على ولد خالي اللي انطرد امامي بسبب طوله ١٦٧ يعني اللي اقل من ١٦٨ ارجوا انه لايتعب نفسه ...
بعد قياس الوزن والطول ترجع تنتظر < ويبدو انه اهم شي في المراجعه {الانتظار} 
بعدها ينادون على اسمك واما الختم بالقبول او بعدم القبول وإن شاء الله الجميع يختم لهم بالقبول ياررب
بعدها لجنة الطول والوزن اتجهنا الى اللجنه المجاوره وهي لجنة التدقيق
ياخذون الاستماره واصل الشهاده ويدققون البيانات ويشوفونها تمام او يعدلها هو بالقلم ..
بعدها سلمنا الاستماره لعسكري مقابل للعسكري الآخر اللي دقق البيانات
بعدها نجلس حوالي العشر دقايق او الربع ساعه وعطونا اوراق فيها المستندات المطلووبه اللي نحضرها اذا جتنا رسايل على الجوال وبعد الرساله نراجع الموقع على طوول ونشووف المووعد اللي هو في الرياض
< لازم التأكد من ارقام الجوالات حتى توصل الرسايل
.... في الورقه اللي يسلمونها لكم فيها العنوان بالرياض للمراجعه وهم يحددون مكان الكشف عندهم
وان شاء الله نبارك للي قدموا بالقبول يارب ...
واتمنى اكوون افدت اللي باقي ماجاء مووعدهم
اللي عنده استفسار لايرده الا الكيبوورد ...
|
العرض الشجري
