افتح مؤسسه بي 2000 ريال لا غير

قصه قديمة · #1 (**permalink**) 20-06-2007, 02:18 AM

السلام عليكم ورحمة الله وبركاتة

كيف حالكم ان شاءالله بخير؟

خليني اخش بالموضوع على طووول

ابغي اعرف هل اقدر افتح مؤسسة وانا طالب جامعي وايش شروطها ؟؟؟

لانه تعرفون الان الاجانب ( اليمنية و الهنود و و و و) يدورون اي واحد سعودي يثقون فيه ويفتحون باسمه محلات (( جاني عرض من يماني يفتح بقاله في محطة باسمي ويمشيلي راتب بي 2000 ريال بس انا اكووون صوره فقط لاغير )
فا ايش رايك بالموضوع وهل له مضار وايش هي المضار؟؟ وياليت احد يفيدني مجرب

ولانه تعرفون اليماني الي سوالي هذا العرض راح يجيب يماني ثاني وثالث وغير كذا انه الي اعرفه انه اقدر اطلع فيزتين وابيعها على 8000 او 7500 على العمال وهاه مكسب وانت ببيتك

الملخص
ايش رايكم بالفكره وهل انت مع او ضد مع التعلييل<<< احلى مدرس العربي

والله مالكم مني غير الدعاء

شاعر بلا مشاعر · #2 (**permalink**) 20-06-2007, 02:38 AM

انا مع الفكرة

بس بشرط

يكوون اليماني على كفالتك

وان تبين للموزعين والمندوبيين ان اي مستحقات مالية يتحملها اليماني

لانة بصراحة صارت مع اكثر من شخص يفتح موسسة اوبقالة ينزل باسمها بضاعة بمبالغ كبيرة وبعدين صاحب البقالة يتورط والعامل ينحاااااااااااااااااش

قصه قديمة · #3 (**permalink**) 20-06-2007, 03:05 AM

اشكرك اخوي شاعر بلا مشاعر

على الرد السريع والجميل والتنبيه

ممكن توضحلي اكثر(( كيف ابين للموزعين والمندوبيين ان اي مستحقات مالية يتحملها اليماني ))

وانا انتظر اهل التجارب

شاعر بلا مشاعر · #4 (**permalink**) 20-06-2007, 03:16 AM

تتكلم مع المندوب شخصيا طبعا ارقامهم في الفواتير الى يعطيها العامل

وتعلمة ان اي مبلغ يتراكم او يتأخر العامل في سداة لا دخل لك فيه او انة انة يعلمك من بدري عشان تدخل في وقت مبكر...

فتى نجد · #5 (**permalink**) 20-06-2007, 09:13 AM

السلام عليكم
ــ نعم تقدر تفتح مؤسسة وانت طالب , ويكلفك السجل التجاري كاملاً مبلغ ( 1800 ريال ) وانت جالس بالبيت .
ــ عرض ممتاز واتكل على الله , وما فيه أي مضره عليك خصوصاً من الموزعين لأن النظام والقانون ما يلزمك بشيء طالما انت ما عطيت الموزعين خطاب خطي بتنزيل البضاعه او وقعت انت على فواتيرهم , يعني انتبه تعطي اليماني خطاب تفويض موقع منك يخوله انه يتفق مع الموزعين انتبه انتبه انتبه , وغير كذا ما احد له حاجه عندك نهائياً , وبعد فتره اذا بغا يسافر اليماني نزل اعلان ابراء ذمه في احد الجرايد قبل سفره بمده للأحتياط .
ــ بالنسبة للتأشيرات ااااااااااااانس الموضوع ومافيه امل .

لاتنسى قل لليماني يفتح لي حساب بالبقاله ههههههههههه ...

دموع شايب · #6 (**permalink**) 20-06-2007, 02:48 PM

ما يحتاج تفتح مؤسسه اذا كنت بس بتفتح بقاله ما يبيلها غير رخصه من البلديه وتطلع عليها الفيز وبالنسبه للمؤسسه تكون للمقاولات ولا مكاتب الخدمات وما انصحك بالمؤسسه لانها صارت خساره الحين اسال مجرب شفها عندي من ستة اشهر ولا اقدرت اطلع عليها سوى ثلاث عمال وكل عامل من دوله

heavenmoon · #7 (**permalink**) 21-06-2007, 01:13 PM

الموضوع مغلق

منتديات البطالة تريد زيادة السعودة في جميع القطاعات و محاربة العمالة الوافدة و البطالة ....... و هذا الطرح لايخدم القضية ....... لذا سيتم الاغلاق .... و اتمنى من جميع الاشخاص الذين قدموا النصح بشان هذا الطرح ..... ان يراجعوا انفسهم ... على ما كانوا ينصحون ..... و ان يقدمون نصحا يهدي لاحد الحسنيين : اما زيادة السعودة و القضاء على البطالة ... و اما التقليل من العمالة و الوافدة ..

افتح مؤسسه بي 2000 ريال لا غير

قسم مشاريع وأفكار

السلام عليكم ورحمة الله وبركاتة كيف حالكم ان شاءالله بخير؟ خليني اخش بالموضوع على طووول ابغي اعرف هل اقدر افتح مؤسسة وانا طالب جامعي وايش شروطها...

افتح مؤسسه بي 2000 ريال لا غير

تسجيل الدخول

افتح مؤسسه بي 2000 ريال لا غير

قسم مشاريع وأفكار

السلام عليكم ورحمة الله وبركاتة كيف حالكم ان شاءالله بخير؟ خليني اخش بالموضوع على طووول ابغي اعرف هل اقدر افتح مؤسسة وانا طالب جامعي وايش شروطها...

افتح مؤسسه بي 2000 ريال لا غير