ياسعـود قلبـي لفـه الهـم لفـا
لف الهوى لاطراف غصن السياله


غصنا نبت للريح في راس شفـا
تو ميبة الحاية جنـوب وشمالـه


يابوك دمـع العيـن عيـا يكفـا
كنـي غريـرا ناهبينـا ريالـه


ولاغريب الـدار بالسجـن دفـا
قالوا حرامي والحرامي جزا لـه


دفـوه عدوانـه وقالـوا تـدفـا
دونه بحر يامـن يخبـر عيالـه


همـي ثقيـل ولاهقيتـة يخـفـا
أثقل عليه مـن رواسـي جبالـه


أكبر مصيبة يـوم خلـى تخفـا
وأنا من اول مثل عمـة وخالـه


نسي الصداقـة يـوم كفـة بكفـا
نجلس سوى والناس كـلاً بحالـه


عشـرة عمـر وراينـا مختلفـا
ناخذ ونعطى والسوالـف طوالـه


بعد ثمـان سنيـن ليـة انحرفـا
وده يحـل حبالنـا مـن حبالـه


لو يجمعون البيض تسعين صفـا
ماحد سكن جوف الضماير ابداله


الله يرحـم حبـي اللـى تـوفـا
حب الشرف حرام يذبـح غيالـه


ذباحـه اللـى راح عنـي وقفـا
وأنا أحسبن احوالنا مـن حوالـه


باح الكنين اللى مـن اول مخفـا
تحت الضلوع العوج مامن دراله


تمت وصلوا عـد مالحبـر جفـا
واعداد ماخـط القلـم للرسالـه


علـى نبيـاً قـام داعـي وكفـا
قوم عمود الدين مرسـل وقالـه




الشاعر/مرزوق الذبياني ابو طلال
من المدينة المنورة
وللجميع خالص تحياتي