20-06-2007, 06:22 PM
|
 |
عضو ماسي
|
|
تاريخ التسجيل: Dec 2006
الدولة: أمــي كلــي فــــــدااااااااهـا
المشاركات: 1,473
معدل تقييم المستوى: 896148
|
|
جميع طرحك لهذا الموضوع اختي جوري،، وان شاء الله يكون مرجع لكل المقابلات،،
خاصة وان فيه اختلاف في بعض مقابلات الاخوان ممكن يستفيد الباحث عن معلومات عن المقابلات ليتهيأ لتجاوز هذي المقابلة بسلام،،،
والمعروف ان اغلب المقابلات فيها نوع من التشابه،،، سواء في طريقة الاسئلة او طريقة المقابل،،
فهذا اللي ودي من اغلب الاعضاء ما يكرروه،، يعني يجيب ابرز ما حصل معاه في المقابله،،
يلا انا فيه اشياء استصعبتني في المقابلات،،، برغم اني عملت اكثر من مقابله،، وواجهة بعض الصعوبات،، لعل وعسى ان اتذكر هذي المواقف وتفيدكم،،
مثل ما تعرفون ان بعض المقابلين عندهم قوة في النباهة ودقة في السؤال خاصة اذا كان السؤال حساس،،
ولكن انت كمتقدم حاول ان تبرز او تطلع من هذا الموقف او السؤال المستعصي بطريقتك الخاصة،،
نبدأ في الايجابيات والسلبيات،،
اغلب المقابلين يقولون لك وش ايجابياتك طبعاً تجاوب وانت مرتاح يعني تقدر تسرد لهم ولا مليون ايجابيه ماعندك اي مشكله،، ولكن تتخوف من السلبيات،،
في احدى المقابلات قال لي وش ايجابياتك،، توقعت انه ما يسال عن السلبيات وسردت له ايجابيات تكون من صالح العمل يعني صبور وغير ممل.. الخ
قال طيب وش سلبياتك..؟
هنا تورطت ولكن بسرعه قلت له فيه عندي سلبيه وحده ممكن تكون ايجابيه بنفس الوقت،، هنا قدرت اطلع من الموقف هذا لان هنا بقول لهم كلام واجد وبنفس الوقت ما راح يكررون السؤال واكسب السلبيه تصير ايجابيه،،
قلت انا عندي سلبيه اني احب اعاون او اشتغل مع زميلي لو شفته منزعج من العمل،، قال طيب هذي ايجابيه،، قلت ممكن ايجابيه ولكن بعض الاحيان تكون سلبيه،، شلون سلبيه.؟
ممكن لو ساعدت هذا الزميل بيتضايق،، يقول ليش هذا احسن مني,؟ ممكن يفهم اني انا حاب اعمل كذا عشان ابين لمديري بالعمل اني انا افضل منه.. او انه يتضايق اني انا افضل من كفاءاته وهو اقل مني مستوى.. بعض الزملاء يفكرون بهذي الاشياء،، فربما تكون هنا سلبيه،، ولكن في معظم الاحيان تكون ايجابيه وتندرج تحت عنوان (التعاون مابين الزملاء)
هنا طلعت من هالموقف وافتكيت من هم السلبيات،،
الموقف الثاني،، في احد البنوك،،
انا كاتب في السي في حقتي عن خبراتي،، وهو دقق في الخبره هذي لانها مهمه بالنسبة لهم لانها نفس القطاع اللي هم فيه،،
قال انت سبق وان عملت في بنك (..) قلت ايه نعم،، طيب وش سبب تركك لهذا العمل،،
قلت هذا العمل جيد ومستقبله جيد والعمل طبعاً مريح جداً والمسؤولين بعد ماشاء الله اخلاقهم ممتازه ومتعاونين معانا،، والعيب مو من العمل ابد ولا مني انا،، (لازم تمدح العمل السابق ركز على هالنقطة حتى ولو كان العمل السابق منافس للعمل اللي انت مقدم عليه)
اكمل الموقف،،
قلت ولكن حصل ظرف اجبرني على اني اترك العمل،، قال وش الظرف قلت فيه احد اخواني تعبان واضطريت اروح معاه برى المملكه لاجراء عمليه (ترى هذا صحيح مو نصب)،، هنا هو ذكي،، بيقول اها طيب ويسالك،، كم عدد اخوانك ،، وكم لك اخو موظف..
قلت ان فيه اخوي موظف في الحكومه،، والثاني في قطاع خاص،،
قال كم لهم.؟ قلت له واحد سنتين والثاني سنة ونص،،
قال زين وانت اخذت اجازه من البنك لما بتسافر.؟ قلت جيت باخذ بس رفضو قالو لانك جديد لازم تتجاوز كم شهر عشان نقدر نعطيك اجازه،، قال بس هذي اضطراريه،، قلت ايه قلت لهم بس هم رفضو قالو اضطراريه يعني انت مريض او حصلت لك مشكله.. الخ
هنا هو بدأ يحشر،، يقول زين حلو طالما ان لك اخوين موظفين وكلهم متجاوزين سنه،، اعتقد ان كلهم يقدرون ياخذون اجازه شهر ويروحون مع اخوك،، ولكن انت اخذت واهملت عملك،، قلت له لا بالعكس،، كان ودي ولكن اخواني الاثنين كلهم وقتها واحد منهم كان بعثه برى السعوديه،، والثاني متزوج وزوجته تعبانه وماخذ اجازه عشان زوجته،،
قال اهاه وسكت،،
لاحظو كيف هو ذكي سالك عن اخوانك وكذا وبعدين يسال عن العمل .. عشان ينسيك انه سالك عن اخوانك ويرجع يسالك ليش اخوانك ما راحو عنك.. الخ
قال طيب ولما رجعت ما فكرت ترجع للعمل،، قلت الا رجعت للعمل بس رفضو قالو ما نقدر لان مكانك كان شاغر وحطينا واحد مكانك ولكن لو صار فيه شاغر بنتصل عليك،، والى الان ما كلموني،،
قالو ان شاء الله تكون معنا،، والله يوفقك،، وانتظر اتصال،،
وبعد يومين اتصلوا علي وتوظفت عندهم،،
بس هذا ابرز موقفين،، ماحبيت اكثر عليكم عشان اترك المجال لباقي الاخوان،،
وبنفس الوقت لو تذكرت ابرز واهم المواقف ما اتردد في طرحها،،
واكرر شكري لك اختي جوري على طرحك لهذا،،
وعسى الله ان يوفق الجميع يارب،،
|
دخلت إي مقابلة تعال و خبرنا عنها
العرض العادي
