هذا ما قاله موظف قسم التوظيف في الخدمه المدنيه

السفير عاطل · #1 (**permalink**) 09-02-2010, 09:49 PM

السلام عليكم ورحمة الله وبركاته

مسسسسساء الخير جميعآ ان شاء الله تكونو بخير وبعافيه

ارجو انه ما يكون الخبر ذا صدمه لكم...اولا ابدا بموضوعي من حيث ضاع رقم الطلب

ابتلشت وينه انفض الشنطه السريه الخزنه <<<< الدروج يمين يسار ماخليت محل الا

فككته تفكيك مدري وين راح رقم الطلب قلت مالنا غير الشباب في المنتدى قلت نسالهم

ونشوف يوجهونا اما نروح للخدمه او انه فيه احد بسنعنا ويطلع الرقم كتبت لاكن مامن

مجيب((الشكوى لله ما تنفعون))

المهم قلت مالنا غير الخدمه واقوم الفجر واصلي وارجع للوالده الله يخليها لي والقاها

مزينه ذيك الدله المبهره والفطور ...طالت السالفه صح << المهم شقحنا للخدمه

جينا للاستعلامات قلت سلام عليكم قال وعليكم السلام قلت ياعزيزي انا من ضمن اللي قدموا

للخدمه من حملة الدبلوم وضاع رقم الطلب ونبييك توجهنا من وين نطلع بدل فاقد

قال مالك الا التسجيل في الدور الثاني ..نقزنا الدور الثاني جينا قسم التسجيل سلام عليكم

قال وعليكم السلام قالت له نفس ما قلت للي قبله قال ذي مو من عندنا ذي في قسم التوظيف

الدور الثالث..ونقزنا الدور الثالث جينا قسم التوظيف سلام عليكم قال وعليك السلام المهم

سالته نفس السؤال حاول يصرفني بس حشرته قال عن طريق الموقع قلت حاولت الموقع

مقفل مدري فيه خلل قام يضغط في الكمبيوتر والله مدري وش يسوي هو داخل ع الموقع

يشوف الخلل والا جالس يقرا رسايل الاميل الظليمه شينه المهم يمين يسار قال مالك الا

تجينا بعد 3 اسابيع او 4 يكون قد سجلوا بيانات المقدمين قلت يمكن يعلنون عن الارقام

ثم بعدين من اراجع قال الاعلان توه مو الحين قلت كم يبيله...قال يبيله شهور ما فيه شي

قريب قلت اكيد قال اكيد قلت ان كانا من الحيين 3 اسابيع وانا عندكم ونشوف قال حياك الله

ادري طولت عليكم بس مو مشكله بس وش رايكم في كلامه هل يصرفني والا كلامه واقعي

ياليت اللي عنده اي خلفيه لا يبخل علينا باي معلومه والله يوفقنا وياكم وجميع المسلمين

وشاكر لكم حسن المتابعه..ولكم خالص تحياتي

الزيزفوني · #2 (**permalink**) 10-02-2010, 12:39 AM

حالتي نفس حالتك بس انا اخذها من قاصرها ولارحت لهم ...تنصحني أروح ولا استنى زي ماقال لك؟

الحين مو النتائج يعطونا خبر بالايميل والجوال فليش رقم الطلب مهم لذي الدرجه؟

بالتوفيق

آه يازمن · #3 (**permalink**) 10-02-2010, 12:48 AM

شوف ياحبيبي

انا انسان قلق
مقدم بكالوريوس وطابقت بياناتي من اخواني اللي طلبوهم للمطابقه

المهم

كل شوي اسأل موظف واتلقف على هذا وذاك

تخيل

يقولون مافيه الا خمس وعشرين وظيفه يااهل البكالوريوس الحاسب الالي

!!

قلت طيب وليش طالبيننا مطابقه
قال الاحتياج بس خمس وعشرين
والمفروض ماطلبناكم كلكم علشان ماتتأملون !!!!!!!!

طيب بالعقل

يطابقون بياناتنا

والتقديم راح يبدء بعد شهرين من الان للبكالوريوس
وش هم مستفيدين

يعني حب تعب وشغل على الفاضي!!

ومن خلال مامريت به

ومن خلال ماكتبته انت هنا

تأكدت انهم

حسده

نصابين

والله يغنينا عنهم كلهم

سطل كوسه · #4 (**permalink**) 10-02-2010, 01:28 AM

طبيعي
ماراح تنـزل إعلانات المرشحين إلا بعد فترة بالشهور من غلق التقديم
هذي وزارة الخدمـة المدنيـة وهذي طريقتهـا
وصارت حاجـة طبيعيـة

السفير عاطل · #5 (**permalink**) 10-02-2010, 01:33 AM

الزيزفوني حتى لو يرسلو ع الجوال لازم اذا جيت تطبق بياناتك تكون عارف رقم الطلب
وعشان الروحه انا راح استنى زي ما قال 3 اسابيع وابجيهم وان شاء الله اخبرك

. . .
آه يازمن والله وش نقل غير الشكوى لله التقديم ذي اغلبها صوره بس عشان يقولون
فتحنا تسجيل واخذنا الافضل واخرتها 25 وكلهم واسطات

فساد في جميع الدوائر الحكوميه والرقابه ما عندك احد

شاكر لكم حسسسسسسن المتابعه
ولكم خالص تحياتي

الفني الكيميائي · #6 (**permalink**) 10-02-2010, 03:50 AM

قالك الترشيح بعد شهور هع هع هع ناقتي ياناقتي لارباع ولاسديس خخخخخ اقول شباب
قفلوا الموضوع وخلونا نفتح موضوع جديد عن الوظائف انسوا امر هذا التقديم وارجو منكم فتح مواضيع عن الوظائف في القطاع الخاص لان الدعوه مطوله وتدخل فيها الواسطه الحكومي ياجماعه واسطات

عاشق وهم · #7 (**permalink**) 10-02-2010, 03:59 AM

الله كريم

بالتوفيق للجميع

محمد غامدي · #8 (**permalink**) 10-02-2010, 04:03 AM

شي يرفع الضغط

أحلى عالم · #9 (**permalink**) 10-02-2010, 06:25 AM

اتوقع ثلاث شهور إلى أربعه .. توقعات فقط

مثل كل مرة .. أنا شايفه معظمكم خلاص ماعاد بيقدر ينتظر أكثر من إللي أنتظره

وما تنلامون أكيد .. لكن إن شاء الله راح يتعينون ناس كثير .. بإذن الله

ولكن وسعوا صدوركم .. وأنا أعرف خياط مرة كويس للي بالرياض <<< إحلفي ؟

أصبروا وصابروا إن الله مع الصابرين