السلام عليكم ورحمة الله وبركاته
أنا طالب فـ أمن المنشآت فـ الدورة السادسة الحالية وأحب أنصح كل من يقدم ع العسكرية يراجع نفسه قبل يدخل أنا من الناس الي مشيت مع كلام الناس والان أنا ناااااادم أشد الندم لأني ما أحب العسكرية ودخلتها وع شور الناس وأخوي الكبير والي مخليني أندم اني ساحب ملفي من الجامعة وصعبه أسحب من أمن المنشآت لأني اخترت ونفسيتي تعبت ولو رجعت أكون خسرت الجامعة وخسرت الوظيفة والله والله لو مو أهلي وجماعتي ما أكمل فيها لكن قدر الله وما شاء فعل
ونصييييييييييحه من مجرب(لا تسمع كلام الناس الي تشوفه صح سويه)نصيييييييييييييحه .
والي عنده شور لا يبخل تراني محضر عندهم يوم الجمعة.

وليه ماتكمل جامعه وش الي يمنع ؟


او كمل اكادميه وانت موظف وش المانع ؟


بتوفيق

اسمع نصيحتي انا متخرج من الجامعه ومالقيت ايو وظيفه
والديوان يقولون ماراح يفتح الا بعد كم سنة واذا فتح فيه
مفاضلة الا ان كان عندك واسطة بتوظفك بعد التخرج فهذا شي ثاني
وفي الاخير شورك في راسك وتعرف خلاصك

والله بكيفك

الله يوفقك اخوي ويعينك هذي هي الدوره تعب وشقى وكلن العسكر مرو على هالمره واكيد النفسيات زفت لاكن بعد ماتتوظف وتتدام مثلك مثل غيرك راح تتذكر هالايام وقالولك الاخوان يمكن تاخذ الجامعه ولاتحصل وظيفه غيرك يتمنى يكون محلك عصفور باليد ولا عشره على الشجره والي يبي الدح مايقول اح وواصل مشوارك وحضر بدري بعد

وليه انشاللة ماهي زينة قولنا شي مقنع من ناحية الدورة سهالة وبعدة انشاللة مرتاح بس احب اقولك غيرك خريجين جامعة وما حصلو شي احمد ربك وكمل واللة اني يا كثر ما قابلت شباب في امن المنشات واللة انة يقول مافي اريح من وظيفتي بس يقول الحين الي يدخلها بس اذا قدر يروح المدينة الي يبغاها يرتاح يقول الهم هم الغربة وبس هذي نصيحة من واحد يبيلك الخير ياليتني مكانك متوظف في امن المنشات

أخوي والله قول الحمدلله وأصر وأحتسب

أنا جامعي ودخت وأنا ادورر وظيفة ومافي فايدة

والوحيد اللي طالع فوجهي هو الحرس الملكي

والحمدلله اتيسرت وانتظر موعد الدورة

وعصفور فاليد خير من الف على الشجرة

تقبل مروري

ودمت بود

نحياتي

ياحبيبي ترى الدنيا ماتسوى كل هذا الحزن والضيق ومثل ماقالوا لك الشباب الوضايف قليلة في هذا الزمان.
وبالنسبة للجامعة أنا مخلص جامعة وتقديري جيد 3.35 والله مالقيت لي شغل،وبصراحة تخصصي لك عليه يعني مو مطلوب لكن الحمدلله على كل حال.
انا الحين مقدم على أمن المنشآت رتبة وكيل رقيب ووالله جالس أعد الأيام وأقول متى يجيني القبول النهائي.

ثاني شي تراك ماتدري بنكد بعض الدكاترة والله بعضهم يخلونك تكره الساعة الي دخلت فيها الجامعة،وماتدري يمكنك تجيب تقدير مقبول في الجامعة وبعدين تتندم على قد شعر راسك،شوف الجامعيين الي تقديرهم مقبول والله حتى العسكرية ماتبيهم وبالخصوص أمن المنشآت وإحتمال حتى الأمن العام.
ونصيحة لوجه الله ابقاك دائماً تحط هذه الجملة في راسك((أنت تريد وأنا أُريد والله يفعل مايريد)).
ووالله ياخوي لو تركض ركض الوحوش غير رزقك ماتحوش.

صل على النبي وإذكر الله وتعوذ من إبليس وقول الحمدلله على كل حال.