صباح الخير

لو سمحتوا ابي اسال عن جامعة الملك سعود شلون اتوظف فيها
لو على بند صندوق الطالب ولا الوفورات ولا تعاقد اي شي
بس كيف التقديم؟
هل يحتاج واسطه ؟
اذا يحتاج واسطه لازم واسطه كبيره ولا اي موظفه هناك تتوسط لي
مايهمني الراتب قد مايهمني اتوظف
شلون اتوظف في الجامعه

وكيف اقدم على وظيفه على بند يعني مو رسميه اكيد ماراح يقبلوني بوظيفه رسميه

حسب المبنى او الكلية الي تابعها لها على صندوق الطلاب تراجعين صندوق الطالب في اي مبنى بعدين هذي الامور تشرحينها على ما اعتقد لادارة الصندوق او الكلية التابعة لها للعميد ه

كيف يعني مافهمت صراحه ؟
اروح لقسم صندوق الطالب واقول ابي وظيفه بيقولون الباب الباب الله لايهينك
ودي اعرف الي توظف او توظفت فيها وشلون هل لازم بعد واسطه
وهو بند ولاعقد متى ما ملوا قالوا يالله مع السلامه

مااحد عنده خبر

ممكن تشرحين شلون صندوق الطالب؟؟

مسآء الخير أختي ...’’
أنآ أعرف كيف آلطريقه لأني سألتهم أكثر من مره ورحت بنفسي لهم ( آلعمآده آللي بآلدرعيه آلقسم آلنسوي ) أكثر من مره وقآلوآ آلتآلي ..’’
تكتبين سيرة ذآتيه خآصه فيك فيهآ كل آلشغلآت آلمطلوووبه من مؤهلآت و مهآرآت وزي كذآ وتودين بيدك أفضل شي ( ممكن بآلفآكس لكن نصحوني بآليد أفضل ) تودين نسخه لم آلعمآده آللي بآلدرعيه قسم آلرجآل خلي أحد من محآرمك يدخلهآ على سكرتير آلعميد ونسخه أنتِ تودينهآ لم آلجامعة آللي في عليشه تبع آلبنآت وأعطي سكرتيرة آلعميده نسخه وبس ...

أنتِ تآبعي طلبك كل فتره وعلى فكره إذآ شآف مؤهلآتك آلعميد آلدكتور آلعثمآن ممكن يقبلك و يحطك مبآشره على آلبند ( وتترسمين إذآ جت مسآبقآت وظيفيه ) وممكن تطول آلسآلفه لشهور بس مآهي مشكله أنتِ شيكي كل فتره عليهم والله يوفقك ..’’
ودعوآتك لي بحسن آلخآتمه ..’’

الله يوفقك
يعني على حسب المؤهلات والشهادات وهي على بند بعد
ماعندي الا الوثيقه ودورتين ماتسوى شي !!
الله يعين بس

أنتِ ليش تتحطمين بسرعه يآ شيخه قدمي وأتكلي على آلله هوآش آلرزق بيجي يطق بآبك أنتِ أسعي مآ تدرين يمكن بكره تتوسطين لي أتوظف عندكم

موفقه يآ عسل قدمي ولآ تحطين أي عقبه عندك عآد أنتِ لآ أوصيك حطي في آلسيره كل آللي تحسين يدعمك في آلتوظيف يعني إذآ أنتِ عآرفه للكمبيوتر وتطقطقين بآلإنقلش برضو حطي وحطي آلمهآرآت آللي تمشيك وأنتِ تتقنينه يعني مثلآ ً إجتمآعيه وعمليه ومن هآلحكي ...’’

موفقه ..’’

يسلمو ياعسل
الله يرزقنا بالوظايف الزينه

اختى انا موظف على عقود بالجامعه ومعي ثانويه وحاسب 6 شهور والله حلوووووووووووو الدوام يارب لك الحمد بس تقدمي في مركز الجامعه اللي بالدرعيه فيها قسم نسائي والحين انا جانا الترسيم واكيد يبون موظفات على عقود ورواتبهم حلوه اقل راتب 3800 ريال والله يوفقك اختي