أبـوووو ســــــــاارة يطبــخ لـ آخويـــــــااهـ..!!

آلوآقع وآلحيآد · #1 (**permalink**) 11-02-2010, 06:47 AM

مدخلـ /

واحد يسألـ محشش وشرايك في تسللـ الحوثيين على السعوديه ؟؟
قالـ : شرهتك على اللي شاف المباراه أصلآ

<< اللي مافهم النكته يسلكلي

مرآآآآآآحب

اللي أخلاقه مثلـ هالفيس (

) يسوقها قبلـ ما أتبالش انا وياه فيذا

عودهـ لكم بعد إنقطاع عن هالقسم وكلـ عام وأنتم بخير وعساكم من عواده

<< وش يحس فيه ذا

سبحآآن الله النفسيه ماتنفتح للمواضيع ألا في عز الإختبارات

ولا بالإجازه مالي خلق أكتب شي

بس كذا أحسن عشان أضمن مايشارك معي ألا العطاليه واللي مخربينها في الدراسه وكذا

وصدقوني كان ودي من زمآن أكتب فيذا بس تعرفون الواحد أنوآآع المشاغلـ والسفريات مره في فرنسا ومره في إيطاليا ومره في أسبانيا والحين قاعد أكتب هالموضوع وانا في الصومالـ

<< هههههههههههه اهآآ بس

والصراحه انا من تالي قاعد أشووف مواضيع رحلات الأعضاء إلى أوروبا وأمريكا ومدري وين والظاهر اني بكتب رحلتي إلى دخلـ المحدود والبطحاء ومنفوحه

ودي نتميلح مثلهم شووي يمكن تفقون خششكم معي وهيك

بس عزائي الوحيد أن أهم شي أن الواحد يتحلى بالأخلاق السعوديه ويدعم السياحه الداخليه ويكوون نبته صالحه في مجتمعه وكيف حالكم بس

<< ابد ماتوهق بالحتسي

المووهم موضوعي اليووم غير وفيه صور خطنطيره وطبخات وعلوم عربآآن وشي ماحصلتششي

هذا الله يسلمكم الخميس موب اللي راح اللي قبله كنا مجتمعين مع السبك اخوياي في الإستراحه ويووم صلينا الفجر وكالعاده ندز لأحد الفوالين نعفلها عنده لين نخثر ثم كلن يسوقها لبيتهم بس هالمره تهورت وياليتني ماتهورت وقلت ياعيالـ وشرايكم أزبط لكم بيض عيوون يخلي اللي مايشتري يتفرج

<< لاعاده الله من بيض

المهم قلت الفطور علي اليووم وبصلح لكم بيض عيوون يغطي على بيض تسالي شميم الدين الهندي اللي في حارتنا

عاد الحين أخليكم مع الصور ومع طبختي اللي تدبلـ التسبد والله يعين اللي بيطبقه

في البدايه عزيزتي ربة المنزلـ نسخن الزيت في هذا الإناء العجيب

:

هنا نفقع البيض بحذر عشان مايطيح القشر في الصحن ومن ثم نخضه بالملعقه

:
<< أرحم عذالك يامنالـ العالم

وبعد مايسخن الزيت نصب عليه البيض على طولـ بدون أي تحريك وبكلـ هدووء ونضيف عليه قليلآ من الملح والبكنج باودر

<< ترى الأخير من راسه
أهم شي رغووة البيض من جد متعووب عليها

ونغطي الإناء بعد كذا على نار هادئه

<< مايمديكم على الغطى حق التاوه

وهنا طلعت النتيجه وللأسف صار بيض ركبه موب بيض عيوون

:

أنتظروني في طبختي القادمه ( مرقوق بالفقع والفستق الحلبي )

:

مايستفاد من الموضوع :

1. لاتسووي فيها بطلـ وانك طبآخ لايشق له غبار ثم تتبقس مثلـ محاتسيكم الموقر

2. بيض العيوون أطلدز وجبه عربيه على مر التاريخ بس وين اللي يضبطها

3. هرمونآت المصاله زايده عندي هاليومين عشان كذا كتبت لكم هالموضوع

4. ياليت اللي يطبق الموضوع يرسله لي ع الخاص عشان أتميلح مره ثانيه عند أخوياي المفهين

5. تصبحون على خير

كان معكم الشيف / أبو ساره

.. إذا أعجبكم الموضوع ترى يمدحوون التقييم لبى خششكم

<~

مخرج /

يقوولكم تكروونيه تقولـ لزوجها : ماتحس أنو علاقتنا صار فيها فتور ..!

قالها : على طاري الفتوور سويلي بيض أيون

<< سقها ولايكثر هرجك

^
^
^

هههههههههههههههههههههههه

ربي يسسسعدكَ يآبوسآرهـ .. وهذ1 آلموضوعَ

طبعآ مثل مآششفتوآ مجهودَ أبو سآره من آلمدخل إلى آلمخرج

عجبني آلموضوعَ ونقلته

تسجيل الدخول

أبـوووو ســــــــاارة يطبــخ لـ آخويـــــــااهـ..!!

إستراحة الأعضـاء

مدخلـ / واحد يسألـ محشش وشرايك في تسللـ الحوثيين على السعوديه ؟؟ قالـ : شرهتك على اللي شاف المباراه أصلآ

أبـوووو ســــــــاارة يطبــخ لـ آخويـــــــااهـ..!!