ابـــــــغى تجــــاربكم في المقابله الشخصيه للمدارس الاهليه

عبق الورد · #1 (**permalink**) 12-02-2010, 04:08 AM

[align=center]السلام عليكم ورحمة الله وبركاته

في البدايه انا احتــــــرت فين اكتب موضوعي لانه الاقسام كثيـــــــره فقررت اكتبه هنا واتمنى ماينحذف

المهم انا عنـــــــدي مقابله شخصيه في مدرســــــــه اهليه

وصراحه مـــاعندي خبره عن طريقة المقابلات لانه اول مره اسوي مقابله

بس حـــــابه اعرف تجــــــاربكم في المقابله الشخصيه في المدارس الاهليه

كــــــيف ممكن تـــــــكون الاسئله وعلى ايش يركزوا

وشــــــكرا مقدما

[/align]

سارق الدمعه · #2 (**permalink**) 12-02-2010, 05:11 PM

حسب تخصصك يالغاليه

يعني تربية اسلامية تخصصك يخلونك تقرين قران ويسألونك بحكم تجويدي ثم سؤال واحد في الفقه
مثلاُ :
قريتي قران توقفك المشرفه وتقولك ماحكم قولة تعالى كذا ..( اظهار ادغام اخفاء اقلاب )
او الفقه ( تسألك ) وش الفرق بين المستحب والمندوب .؟ الاجابه لافرق بينهم

___________________________
اللغة العربية :
تسألين في القواعد
وتقرئين بيت من الشعر صعب شوي
وتكتبين بعض كلمات الأملاء الصعبه مثل تلألأ

__________________________________
وهكذا .. الكل حسب تخصصه
وبعض المدارس مقابلتهم صوريه فقط .. وراح يقبلونك بشكل مباشر .. بس اسم انهم عملوا مقابله شخصيه

كيمياء الفقر · #3 (**permalink**) 12-02-2010, 05:18 PM

غالباً اللي يسوي معك المقابلة مدرس في نفس مجال تخصصك عاد انت وحظك في منهم من يتذكر ايامه يوم كان بالجامعة ويطقها سواليف معك و اخر المقابلة يقولك الراتب ضعيف هاه موافق ولا لا ؟؟ و احيانا يجيك واحد و يعاملك كأنك طالب ويسألك في المنهج المدرسي بس ترا تهون يعني انت جامعي ما راح تقدر تجاوب عن اسئلة في مجال تخصصك من الثانوي

ابن الخنساء · #4 (**permalink**) 12-02-2010, 09:53 PM

تساهيييييييييييل

لكن اهم شيء ثقتك في نفسك

حصن العقيدة · #5 (**permalink**) 13-02-2010, 01:17 AM

هلا اخوي عبق الورد
اولا الله يوفقك

خذ مني هذي النقاط قبل المقابلة :
1- الهيئة :شماغ عقال +جزمة +متعطر ********كشخه يعني
2- خلك واثق من نفسك خش بجراه لاترتبك
3- جاوبهم على قد السؤال لاتزيد
4- لاتجيب لهم اي سيرة ان كنت مقدم في مكان ما لانه لويدرون انك تتنظر وظيفة اخرى مسككوك الباب
5- قل لهم انك مواظب بالحضور والانصراف وماغيب لانهم مايحبون الغياب الكثيررر
6- مايدققون كثير بالتخصص مايهمهم الا انك تكون كما قلت لك قبل

الله يوفقك ولاتنسنى من الدعاء

وكل المقابلة سواليف في سواليف

عبق الورد · #6 (**permalink**) 14-02-2010, 12:43 AM

حصن العقيده انا بنت

يعطيكم العافيه جميعا

شــــــــكرا

جزاكم الله خـــــــــيرا

وابغى مزيــــــــدمن التجارب لو سمحتو علشان اتهياء

عبق الورد · #7 (**permalink**) 14-02-2010, 09:27 PM

up
up
up

بعد الليل نهار · #8 (**permalink**) 14-02-2010, 10:18 PM

ضروري تكون عندك معلومات كويسه عن تخصصك وكمان الثقه والكشخه

الله يوفقك

نوآر · #9 (**permalink**) 18-02-2010, 05:48 AM

عبوقه ياصقيقتي العزيزه ترى حلمت فيك امس << مو موضوعنا :D بس ابي افيدك بخبرتي بالمقابله

دقوا علي وقالوا تسعه تكوني عندنا طبعاً كشخت وتهندمت ورحت على سنقت عشره لدرجة انهم يشيلوني ويحطوني بعيونهم مدري وش يحسون فيه خخخخخخ

اول مادخلت سلمت على الوكيله وكيفك واخبارك وبعدين بديت تسألني عن شهادتي وخبراتي والدورات الاضافيه

وكيف اتعامل مع بنات الثانوي والمتوسط بحكم انو شهادتي تدريس ابتدائي فقلت ان شاء الله كويسه وخصوصاً مع المراهقات

وبعدين سألتني عن التعامل معهم اذا مااحترموا الحصه وطريقة التدرج في العقاب

وبعدين اعطتني ورقه فيها اسأله نفسيه وبخصوص الالوان وما اذا حصل موقف ما وكلها اختيارات

هذا وتخصصي اقتصاد منزلي وتربية فنية اما العربي اتوقع فيه شرح درس مبسط قدام المديره او معلمتين للماده مع شوية استهبال كل ابله تقلد شخصيه من الطالبات وحده قليلة ادب وملسونه والثانيه نايمه والثالثه مؤدبه وهاديه او كسوله وكذا او يختصرون على انفسهم ويعطونك اسأله وتجاوبي عليها واول واخر شيء حسب مزاج الابله او المديره او نظام المدرسه انا جربت مدرسه وحده وسمعت كثير من بنات وعلى اساسها جاوبت عليك ^_^