الســـــــــــــــــــــــلام عليـــــــــــــــــــــــكم..
هل سبق وانك تهاوشت انت وخويك او بالاصح تناقشتوا[IMG]http://www.*****.com/smiles/data/10/030.gif[/IMG] حول موضوع معين,,
وما بالك لو كان هذا النقاش حول شخص هل هومثقف ام لا(ابوكي ياللغه).وكل واحد يقول فلان اثقف من فلان..........
مره من الامرر (الامرر جمع مره) تهاوشت انا وخويي على اثنين مين اثقف
..انا اقول هذا وهو يقول لاهذااااااااااااك
وكل وحد متمسك برايه وبقوووه
المهم ,,
المقدمه اعلاه لاتمت بأي صله لصلب الموضووع,,
يعني اسحبواعلاهااا,,
:
:
:
:
:
:
:
:
في سنه من السنون ,, وفي شهر من الشهور ,, وفي يوم من الأيام ,, وفي ساعةٍ من الساعات(اقووول لايكثر بس)
المهم بينما أنا في غرفتي ومشغل كمبيوتري العزيز و أسمع كم مقطع فيديو (ياخوان ترون المؤلف هو نفسه مؤلف مسلسل البطالة .........يعني احيانا عليه طلعات لاتمت للموضوع بصلة ولا حتى ثوم.........بس حبيت انبهكم) ,, ومتحمس ألعب باك مان (لا احد يسألني وشو باك مان أسألوا سلوم وعاشق الريم وقلب المملكة)
إلا أسمع صوت يقول: ياولد تعال ,,
تعوذت بالله من الشيطان وقلت هذا أكيد من السهر ,,
إلا ويرجع الصوت مرتن ثانيه ويقول :صمم ان شاء الله يصم اذنك يابعيد ......كل ذا ولاتسمع ,,
قلت: يا ولد حالتك صعبه ,, روح ارقد احسن لك
ورحت علىفراشي بنام ويرجع الصوت : ابيــك بكلمة رااس
قلت: ميــن !! أنــا !!
رد الصوت : لا ولد الجيران ,, ايه انت هو فيه احد غيرك
قلت: لا..
أجل تعال عند المرايه وتعرف السالفه ,,
عـاد أنا ماصدقت خبر ورحت عند المرايه ,,
وأناااظر إلا أشوف واحد بالمرايه ,, مو أنا بس يشبهني مرره(يخلق من الشبه اربعين)
قال : ليه ماترد علي ؟؟
تنحت برهةٌ من الزمن واستجمعت قواي..
وقلت : ان كنت جني اعوذ بالله منك .. وان كنت انسي قول وش عندك ..
قال: ابد ياولد .. طفشان وابي احد يونسني ,, وشفتك طفشان مثلي وقلت اهرج معاك
قلت : طيب ,, وشلون اونسك
قال: تعاال معي ..
قلت: وين أروح معك .. بعدين أبوي منبهني ماأروح مع أحد ما أعرفه(أخس يالذرب)
قال :مشيوير صغير بس...
قلت : يلا سرينا
قال : الحين أدخل بالمرايه معي ,,
قلت : شلووون!!
قال: عادي في كلمة سر تقولها اللي هــي: (سلوم طاح من السلم وسلم من الكسر.......
وأركض جهة المرايه .. ويصقع راسي صقعة عند الله خبرها .. ولا دخلت
قال: يالخبل .. ليه ماقلت كلمة السر .. سوها مره ثانيه (ياهوو قويه)
و مدري والله من وين جاتني هالطاعه العمياااء وسمعت كلامه و طبيت
يوم دخلت طحت بمكان مظلم ظلام حالك ..
ومخيف لأبعد الحدود ..
كأنه بكهف أو مغاره مهجوره مدري وش يسمونهاا ..
من شدة الخوف قعدت اصيح مـابي مـابي مـابي أبي ابوويابي أمي لأ مستحيـــــــــل
الا جاني خويي قلت :أخيراً جيت ياحلو ..
إلا بسألك سوعاال .. ماقلت لي وش اسمك ..
قلت : كان اسم احمدي نجاد بس غيرته للدبلوماسي ....عشان في ناس اتهموني اني فاسق وزنديق ........واني من الخوارج ( الخوارج جمع خراج والخراج هو اللي يطلع في الذبيحة لما تشتريها وتروح لابوك ويقولك اخس يالرخمة ضحكوا عليك الرجاجيل والرخمة كلمة مشتقة من الرخام وهو بلاط كويس لما تمشي عليه ايام البرد رجولك تثلج.....وهو الذي تمسحه الخدامة كل يوم لانه ما ينغسل ولو انغسل تزحلق وتطيح على جمجمتك)
قال: اذا اسمك الحين الدبلوماسي أجل انا وش اصير .. انا اسمي الدبلوماسي
قلت: اقوول اهجد ياأبو الشباب..
أنا الدبلوماسي رضيت والا انرضيت ..
قال: لاتهايط يا ورع..
قلت: اهايط ونص واكلم قلب المملكة اخليه يعطيك الباند........ايييييييوة خلك رجال ترا قلب المملكة خويي
الحاصل أني جريته مع خشمة وهو كمان ماقصر ..
وطرااخ ,, وبووم ,, وطراااع ..
بينما نحن وسط هذه المعركه الشرسه .. التي رفضت أن تتوقف ..
سمعنا صوت خطوات مقبله تجاهنا ,, واصوات عاليه ,,
قال : خلنا نتوزا ورا هالصخره (حلوه الصخره)
قلت: الله ياخذك .. ورطتني معك.. الحين ذي اصوات ميـن!!
قال:القراااصنه.. تسمع بجزيرة الكنز..
قلت:ليش في قراصنه حقيقين ..
قال: اجل وشلوون جابوهم بأفلام كرتوون ..
ايه فيه .. بس انت ماتدري عن العالم حولك(ياهوو يالمثقف)
قلت: طيب يابعدي علمني ..
قال: لي فتره وانا اراقبهم وأرصد تحركاتهم ..
واكتشفت انهم يدورون عن خريطة الكنز .. وبما أني ملقوف ,, ولا اصبر عن موضوع مثل هذا .. دورت الخريطه ولقيتها .. وهي معي الحين ..
قلت : ياابن اللذين ,, معك وساكت .. ومن وين جبتها..
قال: سر المهنه
ارتفع الصوت أكثر وأكثر ..
و اقتربوامنا ..
فالتزمنا الصمت ..
القرصان الكبير: لازم نلقى هالخريطه..
الكنز هذا لي ومابسمح لحد ياخذه مني .. مفهوووووووووووم..
صاروا يتكلمون وين ممكن يلاقون الكنز ومن هالكلام
وفي هذه الأثناء ..
شعرت
بـ
بـ
بـ
بـ
عطســــــــــــــــــــــــــــــه(الله يسود وجه العدو)
ولازم أطلعها لكن كيف .. لوطلعتها انفضحنا ومسكونا ..
وماهي الا ثواني .. وطلعت العطسه ..
اتشوووا..
صحيح صوتها واطي لكن مو مره ,, يعني سمعونا وأنا من ذكائي (فاكرين ايام النووي) قلت: الحمد لله بصوت عالي جيت بكحلها عميتها (معلمنا استاد مصطفى بأولى ابتدائي )
ويرد علي خويي : يرحمكم الله ..
باختصار شديـــــد..
خشينا جو مع العطسه
قال: ياولد خلنا نحط رجولنا وننحاش قبل مايدفنونا بمكانا..
قلت: اوووكي..
يـــــــــلا..
و بووووووووووووووم
انطلقنا نركض وهم يركضون ورانا .. وصرنا طردي بهالمغاره اللي مابغينا نطلع منها.. ويوم طلعنا منها قال خويي: خلنا نفترق ونضيعهم ..
قلت: لاتكفى
انا ما ادل ..يالله ادل شوارع جدة .......ان كان الدوام قعدت شهرين إلين مادليت الطريق (حالتي مستعصيه)
قال: مافي وقت كل واحد يروح لحاله وبعد ساعه نتقابل عالشاطئ (حلوه الشاطئ)
افترقنا ..
وقلت أكيد بيلاحقونه لأنه هو اللي معه الخريطه ..
واناظر وراي واشووف الشله يلحقووني
وصرت اطاامر واناقز يمين ويساار بأضيعهم ..
الين مانجحت وضيعتهم
وقعدت تحت شجره ومددت كراعيني (شايب)
بينما انا مسترخي ومريح اعصابي .. قعدت اتذكر اشكال القراصنه ..
.. كأني شايفهم قبل وين ماا أدري
إلاااااااا تذكرت ..
هذووولي اليـ............ ( لا مهوب هم)
الاعرفتهم
هذولا اللي كانوا يتميلحون علي يوم لقيت وظيفة ( مسووين فيها كشخات )
يوووووووووو عاد كيف اخلص منهم ,, بجد (طحت ولاحد سمى علي )..
وبينما أنا سارحُ بخيالي غلبني النعاس ,,
ونمت نووومه جاااامده ..
ماقمت الا على اصوات القراصنه .. فتحت عيووني إلا هم حولي .. اشكال مررعبه ..
يعني يوم باركولي بالوظيفة بالمنتدى شفتهم كانوا يروعون بالطواقي(اشكالهم تروع وهم مشخصين…).... والثياب الصفر
اجل كيف الحين بعد ما صاروا قراصنه..
في واحد مغطي عينه بقمااش اسود (اللي طلع في اوربيت)
عاشق الريم
واللي حاط رجل خشبيه وببغا على كتفه
سلووم
أما اللي مركب بدل يده خطاف معدني
قلب المملكة
وأحلى واحد فيهم ابو سن ذهبي يلمع
شاعر بلا مشاعر
واللي قاعد يراقب السفينة ومتعلق عند علم القراصنة
بكالريوس عاطل
بصريــح العباره فلم رعب وأنا توني صاحي من النووم ,,
حرررررام
بيني وبينكم تمنيت اصورهم بس الجوال كان مقفل...........لان مافيه شبكة اصلا
قال عاشق الريم: اين وضعت الخريطه ايوها الفتى؟؟
قلت:هااه .. لم اضعها مدري عنها ..اصلاً انا من ايام المدرسه وانا ما احب الجغرافيا عشان الخرايط و الخرابيط ذي .. كيف بتكون معي الحين ....
ناظر فيني بطرف عينه وقال: كـاذب.. أنك انت من اخذها..
قلت له: ياكبرهــا عند الله,, انا كاذب
هيـن ..الخريطه عندي يا ابو الشباب ومابعطيك عندك شي
قال:يعني الدعوه صارت كذا.. انا اعرف شغلي معك..
يوم قال كذا تصافقت ركبي قلت لايذبحوني الحين ..يسويها هووخشته..
قرصان (ناقص حليب وافطر عليه) ومشرف عام ماعليه شرهه
قال عاشق الريم: سلوم ,,,,قلب المملكة......عليكم به اجلدوه حتى يعترف ......
قلت له وانا خايف: شوف في واحد يشبهني مرة........معه الخريطة ومعه الكنز ومعه كل اللي تبغاه........بس فكني من هذولا......اصلا انا اشوفهم في المنتدى تجيني حموضة واصفرار واسوي تسجيل خروج ........تبغاني اجلس معهم.........
قال عاشق الريم وهو ماسك بيده ماسورة: سأقتلك ايوها الدبلوماسي........
قلت له : تقتلني انا والا اللي يشبهني.......
قال عاشق: كلكما سويا.......(قصده كلاكما).......
وانا اتلفت يمين ويسار......ماشوف سلوم وقلب المملكة.......
قلت : اقول يبو رفق.......شوف انت مشرف في المنتدى.,......لكن هنا زيك زيي........
قال: هههههههههههههههههههههههههههااااااااااااااااي(هذي ضحكة القراصنة لما ينوون على شر)
قلت له: إغد رجال والله انهم يضربون بك في السجن شفني علمتك.........
ويرمي العلبة اللي في يده وتجي جنبي واخذها ............واقرا اللي مكتوب عليها...........يلعن ام الفضحية ياعاشق شارب سوبيا منتهيه من عام 2001..........
والتفت وراي......والقى قلب المملكة وسلوم جالسين على القلاب حق عاشق الريم ومعهم سيجار كوبي انتم لو شفتم قلب المملكة بالسيجار الكوبي كنه معمر القذافي.......
أصلاً انا وش طلعني من غرفتي مع ذاالمرجوج الحين هو اللي بياخذ الكنز .. وانا بأكلهواا..
لاحووووووووول
21-06-2007, 10:49 AM
العرض الشجري
