بسم الله الرحمن الرحيم
اقولك معاناتي من بداية ما خلصت الثـآنويه كلن يعرف جو اخر سنه ثانويه ضغط ، ودراسه ليل نهار ، وتعب ومافيه نوم تروح الاختبآر مواصل , وتجاوب وترجع وحياتك الطبيعيه عادي
وبعد ما تاخذ الشهاده تقعد في البيت منتظر اي تقديم عشان تشوف رزقك فـيه ،
طيب نمشي لتقـديم نشوف العالم نشووف عاطلـين من سـنـين!!!!!
مو سنه ولا سنــتين ولا ثلاث .اكثـــــــر .....
طيب نجي نقدم مع العالم ندخل تجي عند بوابة التقديم
او
بوابة التجنـيد .
تبي تشوف الاهانه .. رح بواية التجنـيد
اهانه × اهانه
والواسطه تشوفهم ينادونهم بـ الاسم وبعضهم يدخلون مع ضباط او لواء او اي رتبه قويه ولها مكانتها في العسكريه
وانت برى من الصبح طالع من 5 الفجر وانت هناك ، وملفك فوق راسك وشماغك مايل وحر وقرف
او برد موت وانت ماتقدر تسوي شي .
(وبعضهم مسكين يجي من برى المنقطه الي فيها التقديم وموقف سيارته ونايم )
وبعضهم طالع من البيت امه على السجاده تدعي له رح الله يوفقك ويسر امرك وانت تقولها دعواتك
وتسلم عليها وتمشي
وانت رايح تقدم تشوف مستقبلك قدامك يمشي زوجه . بيت . سياره
حياه جديده . حياه تتمنآهآ
تجي عند البوابه يقولك وش مؤهلاتك تعطيه المؤهلات يناظرك بطرف عين يقولك الطول ناقص؟
طيب كم ناقص نص ربع ناقص سآنتي ؟
وجنبك واحد (قزم ) داخل مع عمـيد !!!؟
ويطلع بـ اوراق مستشفى وانت واقف برى منتظر اي واحد بس يعطيك وجه ومعك العالم ومعك الناس
وكل واحد يدق من جواله على شخص تكفىىى
بعضهم .. يعطي فلوس 10 الاف من يدخله الوظيفه طيب من وين اجيب الـ10؟ ان كانت ضروفي الماديه صعبه واني محتاج لوظيفه
طيب تاخذ نفسك وترجع البيت مكسور خاطرك بنفس الطريق الي جيت منه ترسم احلامك وامنيآتك
راجع مع الطريق الي بنيت احلامك فيه وكل شي تشوفه قدامك مهدوم وحزين وكل شوي تتنهد وتقول الله كريم الله كريم
طيب سؤال في هـذه الحاله انت الدنيـآ صارت ولا شي عندك
جاك واحد وانت داخل البيت شافك معك مفلك ومشخص قالك
تبي 50 الف بيوم وليله ؟
انت طبيييييعي جدا تقوله تكفى
يقولك وصل مثلن مخدرات للمكان الفلاني وخذ السياره وخذ الفلوس
طيب السياره تكون فخمـه اكـيد
انت كا انسان مضروبه النفسيه وانك ناقص طولك ليته يسوى وتحطمت طبعن بتقول اكيد مافيه امل ادخل العسكريه دام كـذ1 طولي خلاص قدام اوديها اوصلها
تتوقعون وش النهايه .؟ مو انا لحالي ...في كثــــــــير دمرتهم والسبه انا وصلت لهم ها الشي
.................................................. ......................
طيب خلونا ندخل في الشركات وما ادراك ما الشركات تروح معك شهاده حاسب ودورة انقليزي دافع فيها دم قلبك وبايع جوالك وبايع اشيـآء ثمينه علـيك طيب بعد ماتخلص وش تسوي
(
تصور جنبها اكـيد وعلقها بغرفتك ونام )
طيب تدخل الشركه يقولك وش مؤهـلك تعطيه المؤهلات ويشوفك ويقول ان شاء الله تكون عندنا شخص محبوب وتكون قد الثقه انت بتطير من الفرحه تقول اكيد ان شاء الله
اليوم الثاني جاي مبتسم مقبول يعطونك بدله امن؟؟؟؟؟؟؟؟؟؟؟؟؟؟؟؟؟؟؟؟
طيب والثانويه طيب والحاسب والتعب والسهر ؟
طيب جاك واحد من الامن تسأله بالله وش شهادتك قالك والله سادس ليلي ؟؟؟؟؟
ومشرف علـيك وانت ثانويه ؟؟؟؟؟؟؟
قهــــــــر!!!
طيب ترجع البيت ضايق صدرك وتنسدح وودك تبكي وتلعب على نفسك تقول خيره
طيب يجيك بعد شوي واحد يقولك والله توني مقدم على وظيفه وراتبي 6 الاف انت بتقول ماشاء الل يوفقك واستمر وتقوله طيب وش شهادتك يقولك والله متوسط بس واحد مدخلني الشركه نعرفه ومن ها الكلام ؟
انت بتسكت وبتلعن حضـك
طيب تمر اول سنه وانت رايح جاي وكل يوم نفس الموال رايح جاي والعالم تتوظف ووتزوجت وجوهم عيـآل وانت
للحـين عاطل ..
السبب وشو ::
واسطــه
او ناقص طولك
ابوك يجيك يقولك وش فيك ماتوظفت انت تناظره تقوله كل شي سويته بس ما انقبلت ولا توظفت بلمكان الي تتوفر فيه مؤهلاتي
يناظرك بحسره ويقولك ولد فلان والله توظف وانت وياه سوا كانتم تدرسون
انت بها الحاله بتسود الدنيآ بوجهك ابوك يبيك تساعده وتوقف معه يوم من الايام انت مابيدك شي تسويه وانت كل شي سويته قبل دراسه وتعب وسهر
وهم وكل شي
واخرت ها الموال وشو بتكون ؟
انسان مريض نفسي او تعاني من مرض
او ان اغلب وقتك لحاك
او انك راعي خراب كل يوم في استراحه سكران
ويجونك عيـآل الحرام امش معنا امش معنا انت عاطل عاطل ماوراك شي لابيت ولا عيال ولا مسؤوليه امش بس طيب نمشي وين نروح نروح قريب
وين نروح الحـين!!؟
نناظر تفحيط حوادث كوارث مصايب
حكايم وراك كل يوم ابوك جايك في قسم يطلعك بكفاله اخرتها
بتمـوت وانت ماتوظفت وقاعد في البيت
اني وصلت لك المعلومــه والمعاناه الي نعانيها كل ماسمعنا ان فيه تقديم او فيه وظيفه
16-02-2010, 08:51 PM
العرض العادي
