السلام عليكم ورحمه الله وبركاته

قصتي اللي محد راح يحس فيها الا اللي مجرب مثلها وعلى فكره تراهم كثرين

قصتي قبل ثلاث سنين تقريباً والله ثم والله اني مو قادر اتذكر مضبوط بسبب اللي جاني حتى

الذاكره تاثرت بسبب التفكير

بسم الله نبدا انا انسان في الدراسه جيد وكنت حاط بالي اني اذا وصلت ثالث ثنوي اشد حيلي

لما كنت في اول ثنوي كان عندنا مدرس كيمياء اكبر انسان يعرف يحطم والله ياناس انه يقول

للي ضعيف مستواهم مثلي تبي ازودك درجات حول شرعي مايبي ناس ضعيف مستواهم عنده

يقول انتم مالكم في العلمي حولو شرعي ازين لكم ومن الكلام هذا طيب انا اسال نفسي سوال

ليه دخلت التدريس وانت مالك خلق توجع راسك مع الطلاب اللي ضعيف مستواهم قم للمعلم وفيه

التبجيلا كاد المعلم ان يكونا رسولا بس هو مافهم بيت الشعر هذا ماودي ادعي عليه والله

المهم حولت شرعي وزي ماقلتلكم تراخيت والحمد لله نجحت بتقدير جيد مع العلم اني الكتاب ماافتحه

الا قليل ولا اعرف المذاكره الا في الاختبارات النهائيه المهم اول مانجحت من ثاني بدت النفسيه

جاني شي غريب نفسيه والله ياناس انها قويه مره مره وساويس تفكير في تفكير ماودي اذكرها

لانها قويه مره مره مره قلت لوحد وسكت قلت وش فيك قال اسكت اسكت لاتوسوس بي

فاانا خايف عليكم لبى قلوبكم والله ودي بس اخاف سوات خويي المهم



ابعدها عني والحمد لله تخف ثم تزود ثم تخف وعلى الحال هذا تدرون كم جلست كذا من اول مابدت

العطله الصيفيه الى الفصل الدراسي الثاني ثالث ثنوي

طبعاً الاشياء ذي

كلها تمر علي في نفس اليوم

وكل شوي يجي تفكير ويروح تفكير صارت حالتي حاله لا في البيت بالي مرتاح

لا عند الشباب بالي مرتاح لا عند ابوي واخواني بالي مرتاح والله ياناس بدون مبالغه ان مخي

شغال على طول لطالما اني صاحي شغل تفكير في تفكير مغير احارب الوساويس هذه واقول ياولد

انت مافيك شي هذه وساويس هذه كلها خرابيط وانا ادري وعارف انها وساويس بس عجز اوخرها

عني تعبت صرت احيانا اصيح من القهر ليه غصب افكر كذا مابي طيب مابي فكوني ماابي افكر

لكن مامن جدوى قلت لبوي وللاسف ابوي اول ماقلتله عصب ليه كذا يحسبني ماابي ادرس

وماخذها عذر لكن بعدين قدر الوضع بس مو راضي اني افصل المهم قلت خلاص كمل

وكملت والله ياشباب اني ماااذاكر زين حتى القران مااقراء زين مايمديني اكمل حرف والله

حرف الا الوساويس تجي ووقف شوي وارجع اكمل وتجي يالله طيب وبعدين اصيح من القهر ليه

ابي ارتاح خلاص لكن الحمد لله ماستسلمت وحاربتها بكل الطرق واول طريقه واهم طريقه

القران والاذكار ثم محاربة نفسي يعني اخاطب نفسي حتى اخوياي بعضهم لاحظ علي اني متغير

24 شارد الذهن صرت انسى بشكل غريب الى اليوم هذا والحمد لله بعد ماخلص الفصل الدراسي

الاول خفت والحمد لله على شوي شوي وتلاشت تماماً وطلعت من الفصل الدراسي الاول بنسبة

85 % رغم الضروف لكن بعدها تحطمت قلت مايمدي وتركت نفسي ولا شديت حيلي واصلا بعد

الحاله صرت اذا فتحت الكتاب مااقوى على المذاكره كرهتها مره بس الوساويس راحت الحمد لله

وتخرجت من الثنويه بتقدير جيد نسبه 74 وجلست عاطل سنه والسنه الثانيه دخلت التقنيه

قلت شد حيلك لكن الشكوى لله مافلحت وفصلت منها بعد سنه يعني الحين لي سنتين بدون فائده

هذه السنه الثالثه لكن باذن الله ماتخلص الا وانا متوظف والحين قدمت على 8 قطاعات عسكريه

ومامن جدوى كلهم لم يتم قبولك

اااااااااااااااه بس لو ترجع ايام الثنويه لتخرج باذن الله ونسبتي 95 % انا عارف ان

النسبه هي احد اسباب رفضهم ولكن الشكوى لله الحاله اللي مريت فيها والله ياناس اني

اتعب لو اشرح من الحين الا بكره مااوفي حاله جداً متعبه

وفي الختام ( نــــصــــيــــــحـــــه) لحد يجيب طاري الانتحار اصلا مجرد انك تقولها كذا بس من

القهر لكن انت ماتسويها حرام ثم حرام ثم حرام واللي فيه شي لايروح لدكتور نفساني انا بسنبه

لي الدكاتره النفسانيين وضيفتهم انهم يعلمونك وش فيك وكيف تتعامل معها بس اما علاج

لا والف لا علاجك الوحيد القران وذكر الله واذكار الصباح والمساء والله ياناس صار لي خبره

في النفسيه قالو لي رح لدكتور نفساني قلت لا ولا فيه امل اروح بعد الله لايحدني له

اسف على الاطاله ولكن مابي

دعواتكم ياشباب واذا فيه احد انا اخطيت عليه يسامحني

والسلام عليكم ورحمة الله وبركاته

أخي الحبيب

اولاً
اقم صلاواتك الخمس على اوقاتها
وتضرّع الى الشافي المعافي رب الفلك والفلق بأنه يشفيك ويعافيك مع كل سجود لك

ثانياً
اترك الوساوس او تناساها وأقنع نفسك ان مايجيك الا مكتوب ربك
والله ثم والله لو اقنعت نفسك بأن الله هو المقدر ولا شي بيصير لأبن آدم الا بأمره وقتها
رح تنسى شي اسمه تفكير

ثالثاً
كن اجتماعي وخالط الناس وأجلس مع من ترتاح لهم
ومع هذه الإجتماعات استعن بالله وحاول نسيان كل شي تفكر فيه

رابعاً
تقول من اربع سنوات او اكثر وهذه الحاله فيك
ابسألك!!
لو كان فيك شي من لأمراض او الأشياء اللي تفكر فيها سألتك بالله بتكون عايش لهالحين؟؟
الحمدلله مافيك شي بس شيلها من راسك فديت راسك

خامساً
اكثر من قراءة القران الكريم بتدبر وروح لشيخ يرقيك
وبإذن الله ماتشوف الا العافيه بإذن الله

سادساً
انت وأنا رجال والرجل يجب عليه ان يكون صامداً قوياً بأمر الله
الرجل وأنا اخوك مايطيح من هبة الريح
اعقلها وتوكل وخل ايمانك بالله قوي
بإختصار
انت مافيك شي
وهالحاله مرت على الااااااااااف انا اعرفهم
وطلعو منها بعزيمة الرجال

ربي يسعدك

اصبر وانا اخوك ولااوصيك الصلاه الصلاه هذا هو علاجك
وتوكل على الله ومايجيك الشر انشاالله

الحمدلله انك بصحة وعافية والحمدلله انك انسان عندك ارادة قوية ولا ماكنت تجاوزت المرحلة الصعبة اللي مريت فيها لأن في ناس كثير ينهارون خصوصا لما مايكون جنبهم احد والناس اللي حواليهم مو متفهمه التعب اللي هم عايشين فيه الشخص لما يتعب زي تعبك يكون في أشد الحاجه لمن يقف بجانبه بس رب العالمين كان جنبك والدراسة تتعوض المهم انك طلعت من الحالة اللي كنت فيها واتمنى انك خلاص تنساها نهائياً وعلى فكرة كل شخص كان يحطمك له دور بهذا المرض ، الله يسامح الجميع ، المهم تقدر تدخل جامعة الملك عبدالعزيز انتساب ونسبتك مناسبة بس هذا بمبلغ معين كل ترم والمبلغ مو كثير ابدا اظن 3500 ريال ، يارب يرزقك بالوظيفة اللي تتمناها ويارب يرزق الجميع اللهم امين

انت نفس حالتى دخلت التقنية وفصلت
والله اسباب كتيرة فصلت منها
راح اذكرهـا بعدين
ومافي وضيفه عسكرية ماقدمت فيها وكلهم لم يتم قبولك
احس اني بتجيني نفسيـه خصوصا وضع اهلى المادي مايسمح أأأأخ بسس
الله يعين يارجال وخليهـا على الله

اي صح ذى وسواس قهري وانا تجيني بس اني صرت انساها ذللحين ولي الله الحمد

بس عندي امي عندها وسواس قهري بعد الولاده ولها سنه وهي على ذى الحال
ودينا دكاتره نفسيين ودينها عند شيوخ وذلحين ودينها عند دكتور نفسي مره ثانيه
وانشالله انها تشفى