16-02-2010, 10:23 PM
|
 |
عضو سوبر
|
|
تاريخ التسجيل: Feb 2010
المشاركات: 380
معدل تقييم المستوى: 117842
|
|
|
معلومات عن معهد الدراسات الفنية الجويه << ان شاء الله يكون وافي
السلام عليكم ورحمة الله وبركاته
قبل شويااات كنت متجنن بعرف معلومات عن ذا المعهد
اتصلت على رجال يعرف رجال يعرف رجال تخرج من المعهد
طبعا الرجال كلم الرجال واتصل على الرجال الثاني
وكلمته وعطاني رقم الرجال المنشود اللي تخرج من المعهد
واتصلت عليه
قلت السلام عليكم ابو عبدالمجيد
قال وعليكم السلام << قول قسم يا شيخ
كيفك وشخبارك والذي منه
وبعدين قلت ابو عبدالمجيد بسألك عن المعهد شوي وبطفشك ترى اسألتي كثيرهـ << حاس ان فيه ناس مثلي كثير يبون معلومات باللي يكون
قال تفضل تحت امرك
................
وذي المعلومات
تروح المقابله واهم شي عندهم اول مايدققون فيه الطول
بعد كذا اشياء خفيفه طبعا مكان المقابله
(( انا مقابلتي في قاعدة الرياض الجوية ))
وبعد كذا يحلونك على مستشفى الظهران وهناك يتم التدقيق على كل شي
طبعا اللي عنده ضعف نظر يحمد ربه عاتي يقولون تلبس نظارات ماعندك مشكله
بعد كذا يحولون اوراقك على لجنة القبول النهائيه (( لقيت لي واسطه بعد واسطتي بالرزاق درقن درقن ))
بعدين يقول اذا تم قبولك خلاص
طبعا او 3 شهور دورة عسكريه مثل أي دورة عسكريه
بعدين سنة انجليزي واذا نجحت فيه 6 شهور تخصص
وبعدين 6 شهور تطبيقي
فيه تخصصات موجوده في مناطق وماهي في مناطق
وتختار انت 3 تخصصات وعلى حسب الواسطه توزيع التخصصات
طبعا كالعاده تطلع الاربعاء العصر ولازم يكون تعرف فندق تتعامل معاه انت وشباب معاك
علشان تسكنون فيه الاربعاء والخميس وتتمشون في الظهران
وترجعون صلاة العصر الجمعه
وعلى ذا الحال
المكافئة 900
الرواتب
فيه تخصصات راتبها 6400
وفيه تخصصات راتبها 5800
والرتبه وكيل رقيب
وطبعا فيها علاوات سنويه والحوسه حقت العسكريه وعلاواتها
طبعا يقولون تعدي السنتين ونص ذي مثل لمح البصر
لانك من الصباح للمغرب وانت مشغول
الميز مفتوح فطور وغداء وعشاء ويقول فيه شطه عندهم
وفيه بقاله هناك اذا بتشترون منها
يعني كل واحد يدخل معاه 100 ريال بس
......................
طبعا سألته في هناك يبيعون دخان
قال الدخان ممنوع بس يدخل بالخفيه
قلت طيب في مقهى معسل .؟
قال ايه فيه مقهى احلى من مقهى الضوء الخافت وفيه مرقص ولو حبيت اتصل على الظابط يجيب لك البنات << يبي ينطق
.......................
طبعا ذي المعلومات اللي قدرت اجيبها
ويقول بصرآحه فله ووناسه وسعة صدر أخر شي
ويقول في عسكر بزرنجيه << يعرف إني حلو وخايف علي يوصيني يقول لازم تكون شديد في تعاملك مع العالم اللي هناك لاتكون مزوح مع العسكر المدربين وكذا ترى فيهم بزرنجيه .
........................
اش باقي يا عقلي اممممم
بس عاد بالتوفيق للجميع واللي عندهـ معلومات اكثر ياليت يفيدنا .
|
العرض العادي
