يعطيك العافيه

فني كيميائي انا توظفت بعد سنتين عطاله ,,
والله يوفقكم جميع يارب

الصبر جميل اتوقع تطلع اول دفعة للدبلومات اخر شهر 4

يااخوان هاه مافي جديد بخصوص اصحاب الدبلوم ؟؟

صراحة واحد البارح من اللي قدموا للدبلوم يقول تفائل ولاكن لاتفرط بالتفائل لانهم ناوين يحسبون العدد ويعرفوا المؤهلات ,لان لو هم جازمين وموجودة الشواغر كان طلبوا منك ذكر خبراتك وكذلك الدورات وكذا ...

لاكن أن شاء الله نقول حتى لو مافي شواغر أننا نسير الى الافضل . تقدر تقول لو فرضنا مافيه شواغر شي جميل أنهم يحصون عدد المتقدمين وحصر المجالات اللي درسوها وتخرجوا منها وعلى ضوء ذلك يتم بناء شواغر مناسبة لمؤهلاتهم .....

عسى الله يوفق الجميع

.



.



أعتقد أن الموضوع مالة أي داعي لمعرفتي التامة بديوان الخدعة
وثقتي الكبيرة بأننا مثل ماجلسنا سنين ننتظر التقديم راح ننتظر سنين للترشيح
وسنين للوظيفة ..!



أقسم لكم بالله انا واخوي كلمنا مدير التوظيف في الديوان في أحدى المناطق الكبيرة ..

لأرتباطة بعمل خاص مع أخوي ..

وقال باقي مطولين أصحاب الدبلومات ,,,

حاولنا ناخذ منة جواب قال الوزير معقد أصحاب
الدبلومات ومانسى أيش صلحوا فية قبل كم شهر امام الوزارة بالرياض ..

وقال خاصة لأصحاب التخصصات الصحية معقدهم وزير الصحة (( الربيعة ))

حسبي الله عليك يالربيعة ..


وأي خبر بالديوان ماراح أقصر عليكم ..

الله يوفق الجميع يالربع
اخوي محمد الغامدي
الفتاوي اللي حطيتها مالها دخل بردك حق منع الاستغفار والاذكار
الفتاوي هذي خاصة بالمواضيع المفتوحة للإستغفار الجماعي والذكر الجماعي او تسجيل الدخول والخروج بالذكر والاستغفار او الصلاة على النبي
اما التذكير عن طريق الردود بفائدة الاستغفار والذكر ماله دخل بالفتاوي ابد اللي انت حاطه

يا اخي الي يبي يستغفر يستغفر بينه وبين نفسه

ما له داعي (( الرياء )) اذا تبي الاجر استغفر بينك وبين نفسك ولك الاجر من الله

وهناك موضوع مثبت لفائدة الاستغفار والذكر وما له داعي كل واحد يدخل يحط استغفار و و....

حنا هنا نبي الجديد واي اخبار عن التقديم . تجي لعدد الصفحات تلقاها فوق الميه وكل نصها

استغفار وذكر

انا انشد الادارة افتحوا موضوع للي يبي الاذكار والي يبي يرائي يروح هناك

ولا تزعلون ترى كلمة الحق تزعل وكلنا نعرف الدين وفوائد الاستغفار

ارجوا من الجميع انهم ما يزعلون والي بيزعل هذا شي راجع له

ولاني راد عليه ابد

ما فيه اي اخبار جديده اليوم ؟؟

أبد مانشوف جديد ... والله غريبة للحين ماصار شي على الاقل أعلان عدد المتقدمين ماذكروها....

وحتى تسجيل الطالبات قالوا نهاية صفر وخلص صفر وللحين ماسمعنا شي .................. صمت مدقع هههه حلوه مدقع

السلام عليكم ورحمته الله وبركاته

أنا دوامي خلف فندق الأنتركونتنتال

يعني قريب من الخدمة المدنية بكره راح أمرهم وأشوف اذا في شئ جديد

أخوكم خريج فني صيدلة 1428

موظف قطاع خاص وأنواع ضغط العمل

لأثبات أنا الشاب السعودي يعمل بجد وأجتهاد

وياليت الفلسطينين يقدرون ذا الشي وأنواع محاولات تطفيشي

الله يوفق الجميع