تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
17-02-2010, 08:46 PM
|
|||
|
|||
|
اللقافة اللامحدودة..(وش سويت في سيارتك)؟؟
السلام عليكم ورحمة الله وبركاته...
بدون أي مقدمات اقسم بالله اني قرفت من الحالة اللي عايشها...... اكثر من 85% من الشعب السعودي ملقوف لقافة مركبة بمعنى انه لو وزعت اللقافة على العالم كان فاضت ....لا وبيصير عندنا احتياطي...ومخزون استراتيجي ...وصالات تداول واسهم واكتتابات.....وعلاوة اصدار بعد.. وتلقى البنوك تسوى محافظة استثمارية فئة (أ) و(ب) والاتحاد الاوروبي يطلب من العالم دعم صناديق الاستثمارات الخاصة بالملاقيف ....!!!! يوم السيل والفيضان اللي حصل في جدة غرقت سيارتي وكانت محط انظار المجتمع المقرب لي كونها جديدة ومالها اقل من 3 اسابيع ....والحمدلله على قضائه وقدر انا راضي بحكمه....لكن اللي ماني راضي عليه ان كل يوم ناقز ملقوف يسألني هالسؤال اللي كرهته (وش سويت في سيارتك؟) تخيلوا مرة كنت في المسجد ويوم سلمت التسليمة الاخير التفت لي واحد قالي وش سويت في سيارتك؟قلت له طيب على الاقل سبح اذكر الله بعدين اسأل..... وكل ما اطلع من البيت القى اثنين واقفين قدام بيتي ويوم يشوفوني يسألوني وش سويت في سيارتك؟ حتى في العمل ....في البيت .....قبل اسبوع جاني ولد جاري ومعه عيال عمه جايين من الديرة وهو يأشر علي من بعيد يقول شوفوا هذاك هو اللي قلت لكم عليه اللي غرقت سيارته...ويجوني عيال عمه كل واحد يمسكني على جنب ويقولي وش سويت في سيارتك؟.!!!!! امس حلمت ان فيه رجل بشع قاعد يطاردني وانا اشرد منه ويوم حشرني في زقاق صغير تحت مكيف قلت له الله يرحم امك لا تقتلني ...قالي ما بقتلك بس قولي وش سويت في سيارتك؟ وقبل اربعة ايام كنت جاي من الطايف اخر الليل وبنشر علي الكفر والمكان مظلم شوية الا جاني الشيطان احسب عنده سالفة وبيوسوس لي ...يوم قرب لي قالي وش سويت في سيارتك؟؟قلت له هيا ضف وجهك والا قسم بالله لا اجمع عليك عيال اختي... قسم بالله شوية واتلثم وانا خارج من البيت ....خلاص صرت ما اطلع الا في اخر الليل ...كرهت الناس والعالم والبشرية كلهم كفار على مسلمين على مطاوعة على علمانيين....خلااااااااص طابت من هالعالم كله... رحت العمل جاني المدير خواجة وجاب معه مترجم.....وجلس يسولف معي...قلت للمترجم وش يقول ذا اللوح....قالي يقول لك وش سويت في سيارتك؟؟ سبت العمل....ورحت البيت وقفت عند الاشارة شوي الا واحد يدق بوري يقولي وش سويت في سيارتك؟؟ قفلت جوالي ....صارت تجيني رسايل على الايميل واللي يدخل لي اوراق من تحت باب البيت........واللي يسوي هبوط مظلي على السطوح لقيت واحد شحات قرب مني قالي اسألك بالله...قاطعته وقلت له على الله احسبه يبي فلوس....قالي اسألك بالله وش سويت في سيارتك؟؟ واللي قاهرني اكثر انهم شايفين السيارة شغالة زي الحلاوة...كان فيها مشكلة بسيطة جدا...وبرضوا.....وش سويت في سيارتك؟؟؟؟ الملاقيف هذولي موجودين مع وجود الاكسجين على الارض وفيه منحوتات وجدت في الصين تدل على ان الملاقيف موجودين...وفي حضارة الاغريق والاسكيمو.. جاء اعرابي الى رسول الله وسأله : يارسول الله متى الساعة؟ قال له: ماذا اعددت لها...الخ الاعرابي هذا كان يسمع الصحابة يسألون نفس السؤال ....راح يسوي زيهم.....ولان الرسول يعرف ان الاعراب اشد كفرا ونفاقا ....رد على سؤاله بسؤال..... وهذا اللي صرت اسويه معهم.....وش سويت في سيارتك؟اقوله يهمك الموضوع؟؟ بس ماقدرت اجاريهم وأحد من رغباتهم الجامحة في اللقافة والتعرف على كل ما لا يفيد.... قررت اني انتحر....وطلعت لأكبر عمارة في حارتنا ونقزت منها....وللاسف.....طحت على ركبتي وماصار لي شي.!!!!! وبرضوا جوني الملاقيف .......ونفس السؤال....... وش سويت مع ركبتك؟؟ انتهى ومع السلامة....... 
|
|
17-02-2010, 08:58 PM
|
||||
|
||||
|
|
|
18-02-2010, 01:48 AM
|
||||
|
||||
|
وش صار على سيارتك ؟؟؟
|
|
18-02-2010, 04:53 AM
|
||||
|
||||
|
الله يعوضك احسن منها
|
|
18-02-2010, 08:13 AM
|
|||
|
|||
|
|
18-02-2010, 08:50 AM
|
|||
|
|||
|
|
|
18-02-2010, 09:25 AM
|
||||
|
||||
|
وعليك السلآم
|
|
18-02-2010, 11:56 AM
|
||||
|
||||
|
سبت العمل....ورحت البيت وقفت عند الاشارة شوي الا واحد يدق بوري يقولي وش سويت في سيارتك؟؟
|
| أضف رد |
|
(( لا تنسى ذكر الله )) |
|
|
|
|
قلت سرها لا اسريها عليك يبو راسين 
العرض العادي
