السلام عليكم ورحمة الله وبركاتة

اخواني الاعزاء ممرت على افكاركم ومشاريكم ..

وراقت في نفسي فكرة الاستيراد من خارج المملكة

المطلوب منكم اخواني الاعزاء الدعم في كيفية الاستيراد من خارج المملكة

طبعا انا ابي منكم طريقة الدعم وهي كا التالي :
1 ماهي الاوراق المطلوبة في طريقة الاستيراد من داخل المملكة ؟
2 ماهي الاوراق المطلوبة في طريقة الاستيراد من خارج المملكة ؟
3 الطرق في الحذر من النصب من خارج المملكة مثل ادفع المال والشحن يوصلك على بلدك . كيف احذر من النصب في مثل هذي المواضيع ؟


واذا كان في شي ثاني ياليت تدلوني عليه ..

طبعا انا موظف لكن ماخذا توكيل عام من الوالدة يعني اقدر اشتغل باسم الوالدة ..

اول واهم شي الله يخليلك الوالده
الاورق المطلوبه هي سجل تجاري ساري المفعول وتقدرتتفق مع اي تاجر خارج البلاد
ويكن عندهم مكاتب تصدير تتفق معهابعد ماتشتري البضاعه
وعندنا مكاتب تخليص جمركي في السعوديه تتفق معه وبس
اما بلنسبه لسعوديه نقل البضايع بين المدن عايدي اتفق مع راعي دينه وبس

السلام عليكم...
1ــ لابد من وجود سجل تجاري للأستيراد من الخارج .
2ــ داخل المملكة مافيه شي اسمه (استيراد) يعني ممكن تشتري من اي منطقة في المملكة وتشحن في دينا زي ما قالك قبل , وانتب حاول تشحن مع شركة شحن زي زاجل او الصاعدي او السيف للأحتياط .
3ــ بالنسبة للأستيراد من الخارج قدامك طريقتين ( إما بإعتماد بنكي أو تحول فلوسك لوسيط تثق فيه ) .
طبعاً يعتمد على نوع البضاعة والبلد المراد الأستيراد منها ومبلغ البضاعة .....

وأي استفسار مستعدين وبالتوفيق ‘نشاء الله ..

مشكورين اخواني ماعاد بدري اخوي فتى نجد ..

طبعا انا افكر حاليا بالاستيراد من الصين , (( احلى يالتاجر ))

لانه الي سمتعة ان سلعهم تتناسب في الاعداد والاصناف والخ ,
بس عندي مشكلتين هلحين :
انتم تقولون الوسيط (( ليه الوسيط ونا الي ابي اروح . بس ابي دليل معي في الصين كيف ؟ ))
والي سمعته انه في وسطاء ومترجمين هنا في الصين يساعدون في الحكاية ذي .


وسوال ثاني :
السجل التجاري كم تكلفته ؟ وهل لوزراة التجارة الو الصناعة طلب ثاني غير السجل التجاري ؟

ومشكورين وما زلنا نحتاج لدراسة اكثر ومعلومات ..

السلام عليكم...
الصين بلد فيها رزق وخير ولكن الحذر مطلوب !!!! يعني احرص جيداً على دراسة وضع السوق بالنسبة للمنتج اللي بتجيبه وانتبه من (طبات محيفرررررره )" مصطلح علمي قديييييم" , والركاده زينه وانا اخوك , ومن البداية انصحك ابعد عن ((اجهزة الكمبيوتر ومستلزماتها و اجهزة الجوال ومستلزماته)) ابعد ابعد ابعد و بعد ابعد .
صحيح فيه بالصين وسطاء ومهمتهم ( الترجمة + والتخليص) يعني يترجم لك واذا اتفقت مع المصنع انت ترجع وهو يكمل معهم ويتابعهم حتى يتم شحن البضاعه للسعودية وعادةً ياخذون عمولة بمقدار ( 3 الى 5 % ) من قيمة البضاعة , وطبعاً يفضل ان يكون هذا الوسيط ثقة لأنه ممكن يتفق مع المصنع وبدال ما يكون سعر القطعة ( 10 ريال ) يصير عليك بمبلغ (15 ريال ) مثلاً , مع ملاحظة ان الوصول لشخص ثقة ناااااااااااااااااااادره جداً جداً جداً (وما ودي اقول معدومه) وما يحك جلدك الا ظفرك .
المعقبين الحين يستخرج لك سجل تجاري كامل بمبلغ (1800 ريال) وانت في البيت , وما تحتاج غير السجل في الاعمال التجارية والاستيراد .
اخي / السهاد , اتمنى لك التوفيق ولكن الحرص مطلوب ويجب دراسة أي منتج قبل ما تجيبه , يعني ممكن تسوي مسح ميداني وتطلع بنتيجه ولكن يجب ان يكون هذا المسح في مكانه الصحيح وبالخطوات الصحيحه وانصحك بالمشوره من الشخص المتمكن في العمل التجاري .
واي استفسار او خدمه حنا مستعدين ولا تتردد ...

ما عندي خبرة عشان اردلك وتقبل مروري

السلام اولا انا ودي بعد الي عنده خلفية عن الاعتماد البنكي وطرقة الاستلام والتسليم يفدنا اكثر انا لي نفس التوجه بس مدري كيف طريقة التسليم والاستلام
وشكراااااااا

نصيحه اخ

ابعد عن الاستيراد

مشاكله كثيره والنصب فيه عيني عينك
وخسايره جامده

والمنافسه فيه قاتله

بالعربي لازم تكون هاموووووور تقدر تجاري الهوامير غيرك والا اكلووووك

نصيحه لوجه لله ابعد

مشكورين اخواني وخصوصا فتى نجد .

فعلا انا متحذر ومتخوف جدا جدا , لكن اني اضل جالس كذا انتظر الراتب بس بصراحة طموحي كبير ..

وعندي فكرة لتسويق وودي انكم تعطوني رايكم فيها برضوا ..

فكرتي لتسويق هي :

طبعا البضاعة لو وصلت السعودية بالف خير وعلى طلبي طبعا .
افكر استاجر مستودع ,
ثاني شي امن سيارة تقدر تقول دينه دباب ونيت المهم شي تحط فيه البضاعة ,
والله يخلي الاسواق عندنا والمساجد وخصوصا صلاة الجمعة ,, بسطة متنقلة

وشر رايكم في الفكرة التسويق ,,

وفوق كذا اروح الفلف على محلات الالعاب وابيع لهم حتى لو بالدين ,,

هذي فكرتي في التسويق ,,

يالله من كثر التحمس ما قلت لكم وش ابي اسوق انا ابي اسوق العاب تحف وخلافة ,,

ولا اشرايكم ,,

لاني فكرت في الملبوسات بصراحة يبالها محل ونا ما عندي راس مال كثير ..

ننتظر الردود في هذا الموضوع ..

الله يوفقك مشروعك ان شاء الله ناجح
افكارك روعهههههههههههههه