الجوازات المقابله الشخصيه الي صار معاي اليوم

احتمال دجينا · #1 (**permalink**) 20-02-2010, 09:59 PM

السلام عليكم ورحمة الله وبركاته

زي ماوعدتكم اعلمكم بالي صار معاي بالجوازات
اليوم موعدي بالمعهد
طبعاً الحضور الساعه 6 صباحاً

اول شي جب معاك قلم حبر ناشف ابو ريال
او تشتريه من داخل المعهد بس زحمه وقروشه افضل لك اشتره من برا قبل لاتجيهم

اول شي تسويه تمسك طابور مع هالعالم لحد ماتدخل المسرح عند باب المسرح

فيه وكيل رقيب يسجل الاسامي ويتاكد من وجود اسمك تجيه ويقولك كم رقم التسجيل تقول كذا وكذا يدوربالاوراق الي عنده لحد مايحصل اسمك ثم يقول خلاص ادخل

اذا دخلت تروح لاول المسرح عند الطاوله تاخذ 3 اوراق وحده لونها اخضر والثنتين بيض

ثم تروح تجلس على اي كرسي ويفضل الجهه الاماميه

بعد كذا تنتظر لحد مايدخلون العالم ويتكلم الضابط ويعطي التعليمات ثم يقول عبو البيانات بالاوراق الي اخذتوها

بعدين يوزعون اوراق الاختبار التحريري 3 اوراق تقريباً الساعه 7وربع يوزعونهن

نوعيه الاختبار

الورقه الاولى الرئيسية مخصصه للاجبابات فقط

الورقه الي بعدها ثقافه اسلاميه 10 اسئله
الي بعدها اسئله عامه 10 اسئله
الي بعدها اسئله انجليزي 10 اسئله

طريقة الاجابه يعلمونك هم وسهله الاسئله والطريقة بس يبي له تفكير بذكاء

تخلص الاختبار تنتظر ينادون الاسامي ممكن تخلص الساعه 9 وممكن تخلص الساعه 2 زيي << انا وواحد اختبرنا سوا وطلع 9 وانا لطعوني ل2 !!

المهم اذا نادو على اسمك تروح للجنه الاولى تحت المسرح مباشره بالوسط توقف عنده يركب الورق ويقولك كم رقم التسجيل ؟ ويسجله على الملف
بعدين يقول لك رح اجلس بمكانك

بعدها تنتظر ينادون اسمك مره ثانيه وتروح يم العسكري الي نادى اسمك ويودي ملفك للجنه الثانيه الي بجنب الاولى تقيس طولك ووزنك فيها

بعدها يقول رح اجلس واذا ناديناك تجي

تنتظر ينادون اسمك تروح لهم عند الضابط الي يصادق على الدورات التدريبيه والكلية التقنيه اذا معاك توريه صورة الاصل وهي معاك وخلاص تروح للي بجنبه ويشوف طبق الاصل من شهادة الثانويه ويعطي الي بجنبه صفه الضباط عميد وعقيد ولواء ومدير معهد الجوازات بنفسه يسئلونكط عن اسمك ومن وين انت ومن هالاسئله ويقولون لك يالله مع السلامه لاجاء تاريخ 25/3/1431هـ خش عالموقع وشف نتائج القبول الثاني

موفقين جميعاً

في طريقي للبطاله · #2 (**permalink**) 20-02-2010, 10:04 PM

بيض الله وجهك وجزاك الله خير

لالالاللبطالة · #3 (**permalink**) 20-02-2010, 10:08 PM

يثلموووووووووووووووووووووووووووووووووووووووووو

خريج كلية فاشله · #4 (**permalink**) 20-02-2010, 10:09 PM

يعطيك الف الف عافيه

طيب واللي متخرج عام 1425-1426هـ

يروح لهم ولا لا لاني حطيت وقت القديم 1426-1427

txt · #5 (**permalink**) 20-02-2010, 10:15 PM

ياخواني هذا صارة مقابلة الكليه الامنيه ياخي حرام عليهم ...

راعي العليا20 · #6 (**permalink**) 20-02-2010, 10:53 PM

اقتباس:

المشاركة الأصلية كتبت بواسطة جندي غيور

ياخواني هذا صارة مقابلة الكليه الامنيه ياخي حرام عليهم ...

لاتظلمهم هذي اول مره انبسط من المقابله الشخصيه

يارجال روح لهم وربي فله ولا يعقدون احد

انا خصلت الساعه 8 ونص

عاطل كاش · #7 (**permalink**) 20-02-2010, 10:16 PM

بيّض الله وجهك وما قصرت

بس اخوي انا عندي سؤال يالغالي ..

انا سجلت بياناتي في الموقع وعندي مقابله شخصيّه الاربعاء واخوي هو اللي سجل بياناتي وحط لي ان معي شهادة حاسب مدتها 6 شهور والشهاده اللي معي مدتها اكثر من 6 شهور وهي فصلين دراسيّه في برنامجين من برامج الحاسب وآخاف يردوني لانها ماهي محدد فيها بالاشهر ؟ مكتوب فيها للعام الدراسي 1423 || 1424 هـ
وما هي كامله عن الحاسب ؟

فما رأيك انا من سكان جده ؟ اروح لهم والا راح يردوني ؟

اتمنى الافاده من الجميع في اسرع وقت

راعي العليا20 · #8 (**permalink**) 20-02-2010, 10:48 PM

اقتباس:

المشاركة الأصلية كتبت بواسطة عاطل كاش

بيّض الله وجهك وما قصرت

بس اخوي انا عندي سؤال يالغالي ..

انا سجلت بياناتي في الموقع وعندي مقابله شخصيّه الاربعاء واخوي هو اللي سجل بياناتي وحط لي ان معي شهادة حاسب مدتها 6 شهور والشهاده اللي معي مدتها اكثر من 6 شهور وهي فصلين دراسيّه في برنامجين من برامج الحاسب وآخاف يردوني لانها ماهي محدد فيها بالاشهر ؟ مكتوب فيها للعام الدراسي 1423 || 1424 هـ
وما هي كامله عن الحاسب ؟

فما رأيك انا من سكان جده ؟ اروح لهم والا راح يردوني ؟

اتمنى الافاده من الجميع في اسرع وقت

روح والله مايردون احد ولا يسالونك ايش سجلت في الموقع

لانهم يعطونك ثلاث اوراق وتعبيها بمؤهلاتك

وفيه مفاضله بعدين

وشهادة الدبلوم عليها 8 درجات في المفاضله والثمانيه شهور درجتين

وانا متذكر سؤالين

من هو سيف الله المسلول؟

وكم رسوم اصدار جواز السفر ؟

واي خدمه انا حاضر