رمز الجودة الله يفرج همي وهمك ويقضي عنا الدين
والله يارمز الجوده الخمسة هذه للي شايفها وربي هاده حيلي انا مو قادرة اجيب ربعها بس
انا امرأة في بلد ماتقدر المرأة تسوي فيه شي لحالها وكل الابواب والحمدلله مقفله بس الله كريم
والخمسة مصيحتني وبقوه ومومخليتني انام الليل من همها انت رجال وغير وعارف ان المرأه ضعيفه فمابالك لما تكون ظروفها صعبه والحياه ملطشة فيها بقوة ببساطه انا((عزيز قوم ذل)) والحمدلله على الابتلاء

دعواتكم .....الصادقه

الله يفرجها عليك ام رغد وانشاءالله تفرج

وما بعد الضيق الا الفرج

طيب ما تقدرين تدبرينها من اخوانك او خواتك

اختي انتي تقولين تبين تشتغلين عشان تسددين طيب المهله الحين 5 ايام ويمكن راح يوم يومين واذا توظفتي انشاءالله ماراح تقدرين تسددين الا بعد شهر بعد ما يطلع الراتب

الحلول اللي عطتك اياه اختي عادله حلوه واذا ما مستحيله عسى الله يفرجها عليك

الله يفرج همك ويقضي عنك دينك ..

عليك بصلاة الليل والاستغفار .. والله يعيييينك ..

المشكلة ان المدة خمس ايام قصيرة ..

مالك إلا أنك تتسلفين من أحد حالياً .. أي أحد من عائلتك .. صديقاتك .. أي أحد

وبعدها الله يفرجها ..

دوري لك على اي وظييفة انا ادري انك دورتي ومالقيتي لكن لاتيأسين ..

اشتغلي وانتي بالبيت .. انتي تقولين انك تصممين ..

طيب حلوووو استغلي هالموضوع وانشري لك اعلانات بالنت وبرا انك تصممين ..

اذا تعرفين للاشغال اليدوية او الطبخ برضوو حلووو ..

سوي أطواق ـ بكلات ـ أساور ـ ميداليات ـ أي شي

بيعي عن طريق النت .. بيعي بالمدارس بالايام المفتوحة صدقيني بيطلع لك ربح

وبالنسبة للطبخ .. مثلا تصيرين تسوين اشياء للاطفال كب كيك ملون ـ كيكات على اشكال مختلفة

كوكيز باشكال حلوة وملفتة ..

أتمنى أني أكوووون أفدتك ولو بالقليييل ..

الله يوووفقك ويرزقك من أوسع أبوااابه .. يآآآآربي يآآآكرييييم ..

الله يفرج همك و يسر امرك

توكلى على الله وادخلى على هذا الرابط
https://www.btalah.com/t161166.html

الحر الشمالي - صعوبات تعلم - دبلوم شبكات-مرحبا هيل

فرج الله همومكم ورزقكم من حيث لاتحتسبون رزقا كثيرا مباركا

للأسف انا مظطرة ان اعتذر لصاحبة المبلغ اليوم لأن كل الابواب مقفله لاوظايف ولافلوس ولاحتى احد استدين منه
وصلت للصفر وعلى الحديده وحتى الحديده مصديه ...الله المستعان

ماذا سأفعل ؟؟ سأتوكل على الحي القيوم وابحث عن وظيفه لأرد الدين بأقرب وقت
ولا حاليا مافي شي

دعواتكم الصادقه

والله يا قلبي ودي لو لقيت وظيفه باقولك
بس دامك تعرفين تصممين
ليه ماتتفقين مع مشغل وانشاءالله
تتوفقين

وعليكم السلام

الله يعينك أختي ويجبر خاطرك ويفرج همك يارب العالمين

بصراحه لو أنتي ولد كان طلبت منك نسخه من السيرة الذاتيه مو عشان أوظفك بس بساعدك في الحصول على

الوظيفه بس ماقلتي لي اختي انتي من اي منطقة ...

ولك مني كل الدعاء

عاطلة وشادة حيلها ..الله يسعدك ويرزقك بالوظيفه ابي منك الدعوة بظهر الغيب الله يرزقك ويرزقني وبالنسبة للتصميم بمشغل ...مافهمت قصدك؟تصميم ازياء مثلا ؟ولا ايش!


سعود العنزي..اخي في الاسلام يكفيني شعورك النبيل ولو اني ولد كان قدرت اطلع بالشارع وادور اي شغله تكسبني ذهب مثل اخواننا العمالة الاجنبية والله ياهم يجنون مبالغ مشاء الله عقول شغاله ميه ميه
وجزاك الله خير واعطاك ماتتمنى

والله ماعندي شي اقوله لكي
الاعضاء ماشاء الله ماقصروا ماخلو شي الا قالوا

والله يفرج همك ويوفقي ياااارب