أول شيء نقول بسم الله الرحمن الرحيم
وأعرف إن الرأي ذا حقي حصري من لدن جيم ميم
فقد يكون صحاً وقد يكون غلطاً
فإن كان صحاً فجزاني الله خير ويكثر من أمثالي
وإن لم يكن كذلك فالله يجزاني خير من دون أن يكثر من أمثالي
أول شيء يا حبيبي :
لازم تقولي أنت من وين فمشروعك ذا يمكن ينجح بالمدن الكبيرة مثل "العاصمة المقدسة عرعر" والرياض والدمام وجدة والأحساء ومكة والمدينة وإلخ ...
إما أنك تفتحة بمدينة صغيرة من راح يجي يشتري منك إذا فتحته بطريف ولا رماح ولا مدينة من هالمدن الصغنوطة ماراح ينقطع عندهم إلا زرار واحد بالشهر يعني
نقول إن الزرار الواحد بنص ريال
نص x ـ12 شهر = 6 ريال سنوي
يعني يبي لك 1000 سنة علشان ترد راس المال حقك
فشف لك مشروع ثاني أحسن لك
أما إذا كنت في مدينة كبيرة
فسوف نبدأ بالملاحظة الثانية
ثانياً :
المكان اللي راح تفتح فيه
لازم تفتح في وسط محلات خياطة
مو تروح لي لمحطة على أحد هالخطوط وتراخص الأجارات وعلى بالك فاهم 
الكُفت وجايب لك محل لقطة
لازم تكون بجنب محلات الخياطة ولا يكون صاحب المحل يحتاج أنه يركب سيارة علشان يجيك
ثالثاً :
يفضل يكون عندك صبي يروح يودي الأغراض للمحلات وبالتأكيد يكون عندك تلفون بالمحل
وإذا كنت ما تبي تجلس بالمحل جب 2 نفر يشتغلون فيه واحد يمسك مكانك والثاني أنت تدري لا تستهبل علي 
!!! <<<<<<خربت اخلاقه هع هع
ثالثاً:
ليتك تشوف المحلات اللي يبيعون لاوزم الخياطة وتستفيد من خبراتهم ولو تجيهم على أنك تبي تشتري لأنهم إذا دروا أنك تبي تفتح محل ماراح يخلصون لك بالنصيحة
لكن سو إنك كان عندك محل قديم وسكرته لا على أنك بايع جملة اول ولا على أنك تشتغل بالغرفة التجارية ولا الجوازات ولا من هالكلام الفاضي اللي تكسب به ودهم وتخليهم يتمصلحون معك
رابعاً :
تحسبني ما أدري إن يكررت ثالثاً مرتين 
خلنا نشوف خامساً
خامساً :
يقول الأستاذ محمد عبدالرحمن العقل في كتابه "مفكرة المستثمر التجارية" :
(يعتمد هذا النشاط على تنوع السلع ومتابعة ما يستجد في الأسواق)
يعني يا طويل العمر لازم تكون سابق لزمانك انت ومحلك مثلاً أنت بالرياض لازم تشوف المستجدات بعرعر المقدسة وبجدة وبالمدن الكبيرة
يعني يبي لك بين كل فترة وفترة تسافر وتشوف المحلات بالمدن الكبيرة وإنحصل لك سفرة لدبي ولا للبحرين ولا للكويت والدول المجاورة شف وش الحراكت الجديدة عندهم
سادساً :
أدري طولتها عليك لكن أسمح لي أنا أنسان أحب أتفلسف وأوريكم إني فاهم
ياطويل العمر كسب الزباين
وكسب الزباين هو كسب الفلوس
لازم تكون سموح ووجهك بشوش ولازم يكون عندك لباقة بالكلام وما تخلي الزبون يطلع مهو راضي
حتى لو ما أعجبه اللي عندك أو ما اعجبه السعر حاول تكسب وده قله راح يجينا شيء أحسن من كذا بالأيام الجاية وراح وراح
وإن شاء الله بالمرة الجاية تجينا بضاعه جديدة ولا تقاطعنا والمحل محلك ومن هالكلام هع هع
سابعاً :
حاول توسع نشاطك
يعني تبيع مع لوازم الخياطة قطع قماش وحركات زي كذا
يعني خل محلكشامل نوعاً ما ..
بس مو تروح تجيب جهاز لنسخ المفاتيح وتقول نوسع مجالنا
يعني خلك حول الخياط
ثامناً :
ياطويل العمر هذي من خلال دراستي لجميع المجمعات التجارية <<<<<<دراسة على فقر هع
لقيت أن المحلات الناجحه واللي تكسر السوق والناس تكب عليها كب مع إن فيه بالسوق من هو أنجح منهم
يا طويل العمر أسمع هالنصيحة تراها مسيومة مني بـ 500 رايل وعييت لا أبيع 
<<<<من الصدق الواجد هع هع
أسمع >>>[gdwl](أول ما تدخل السوق إكسره وحاول تبيع بأقل الأسعار يعني لا تستعجل على رأس المال حقك ، والحاجات اللي تستخدم بكثرة بعها بإقل سعر لو ما تربح عليها شي يعني لو تبيعا براس المال ، وبكذا راح يصير بقرارة نفوس الزبائن إنك أنت الأرخص بالسوق وراح ينكبون عليك كب كب .... وبذاك الوقت أرفع على كيفك لأن الناس ماراح يجون غيرك لأنهم ماراح يجي ببالهم إن فيه إرخص منك وحتى لو لاحظوا إنك رفعت السعر ...يقولون إذا ذا كذا وهو رخيص كيف أجل اللي يبيعون بغالي )[/gdwl]
وهذا سوتها الصيدليات عندنا يبيعون لك الحليب حق الورعان والحاجات المعروفه برخيص ويرفعون عليك الشمبو وفراشي الاسنان والحاجات الثانية وحنا نعرف سعر الحليب عند غيرهم ونعرف إنه أرخص من المحلات والصيدليات الثانية لكن ماندري أنهم قصوا أشنابنا بسعر الأشياء الثانية اللي ناخذها مع حليب الورعان
وبس
والله تعبت على الرد بس عسى الله يوفقك بمشروعك
وأخلصت لك بالرد والدليل النقطة الخامسة هههههههه جايب لك مراجع وحركات هع
ويلعن أم القهر كانك طلعت من أحد المدن الصغار كان منتهين من النقطة الأولى هههههههههههه
ونبي منك يا طويل العمر دعوة لي إني أتوظف قبل ما أنتحر
وإذا أنت محتاج ممرض على كيف كيفك يشتغل معك بالمحل تراي موجود هع هع راسلني على الخاص وأجيك صاروخ
وبالتوفيق يا أخوي وأنتبه من اليمنية 
اللي يبون يعطونك إيجار شهري وهم يقومون بالمحل
والله يوفقك ياأخوي وإذا اتبي تطلع زكاة أموالك تراي أعرف واحد محتاج ههههههههههه
<<<<<<<بالحلقة الأخيرة طلع نصاب وطمعان بالفلوس هع هع
22-02-2010, 07:30 PM
رايكم في هذا المشروع
العرض العادي
