يا شباب ويا شابات بعد السلام عليكم ......

العطاله او البطاله ما لها علاج ملينا وحنا نروح الصبحيه الى وسط الرياض وتقديم ومقابلات ووووووووووووووو
انا اقول ما ابي وظيفه ابفكر بمشروع صغير واعرضه على المنشأت الصغيره احسن من الوظيفه
بس مشروعي ما ادري هل هو يسمى مشروع ما ادري
مشروعي عباره عن اني افتحلي بوفيه واشتغل فيها يعني اسوي كبده ومقلقل وجبن وجبن مربى وشكشوكه وبيض مقلي وبيض مسلوق يعني فطور او ريوق
ترى الشغل موعيب
وش رايكم في هذا المشروع هل هو مشروع والا ما يعتبر مشروع

اعقلها وتوكل
واهم شي الشغل الممتاز وعطنا عنوان البوفيه نفطر عندك

صحيح مربح جدا ولا وش الاخلا الاجانب عندنا يكونون اغنى منى بكل شي بالتفكير والمال والحالة الاجتماعية
نادر تحصل راعي بوفية عنده دين والا عنده مشاكل اسرية
كلهم مبسوطين
لكن اخوي تعرف ان البوفية تبي افكار جديدة وتبي نظافة وانت عارف
عندنا بوفية بالعمل بالرياض يخلص اربع كراتين لبتون باليوم شاي يعني 4*100 = 400 فتله شاي يعني 400 ريال وتكلفه كرتون الشاي 14 * 4 = 56 ريال والبيع 400 والربح =344 يوميا بالشهر 22 يوم فتر العمل بالشهر يعني 344*22 يوم = 7568 ريال بالشهر عشر شهور =75680 ريال بس الشاي !!!!!!!!!!!
ياسلام افتح بوفية

الله يوفقك وانا من كل قلبي الله يفتح باب رزق كل مواطن يسعى للرزق الحلال
واذا انت بالتفكير هذا راح نلقى كل المواطيين معتمدين على انفسهم وفاتحين محلات
بس يبون دعم معنوي قبل ان يكون مادي

كل الشغل فيه خييير
افتح وربي يوفقك

هذه اول خطوة تنجح فيها واصل والله معك ولاتنظر الى الخلف وكلام الناس الفاضية

بالتوووفيق ان شاااء الله

من قلب اخ يحب لاخيه مايحبه لنفسه
الله يوفق لك في مشرووووووعك وتسير عندك سلسلة بوفيااات
تحياتي

الشغل مو عيب و ياليت اخوانا العاطلين يفكرون مثلك

موفق يالغالي

و أسأل الله أن يكون النجاح حليفك دائماً