أخوي الله يعينك ويعين الجميع

اولاً : أشتغل براتب 2000 على حد قولك .

ثانياً : سجل بالضمان الإجتماعي وبتلاقي على أقل تقدير 1000 ريال.

ثالثاً : أشتغل توصيل مشاوير على سيارتك على أقل تقدير بتطلع 50 ريال يومياً يعني 1500 بالشهر.

رابعاً : حاول تجد لك كفيل وتقدم على بنك التسليف لتحصل على الليموزين .

لو تجمع هالمبالغ تجد دخلك حوالي 4500 ريال

صدقني أخوي أنت في يدك الوظيفة ولكن شغل مخك ولا تخلي اليأس يقتلك

وفقنا الله وأياك والجميع

والله كلامك مؤثر واسال الله ان يرزقك من حيث لا تحتسب والله الاخوان ما قصروا اعطوك الحلول وانا ابغى ازيد عليهم اخوي اذا خلصت من دوامك حاول تاخذ مشاوير على سيارتك لعل توفر قيمة الحليب أوقيمة الوقود الذي يمنعك من اتمام مشاويرك حتى القريبة من المنزل فقط والله لو رجعت لربك وتركتك من الناس الي ردوك عن الوظائف بحجة الواسطة واحتسبتهم لوجه الله لوجد الرزق ياتي اليك وليس انت من يذهب له والله لو بيدي لك وظيفة او شي لسعيت لك فيها بقدر المستطاع لاكن الله يسخرلك الي افضل مني احب اقول لك اصبر انا الله مع الصابرين .

أخي أسأل الله العظيم رب العرش العظيم رب السموات السبع ورب الأرضين السبع يامن امره بين الكاف والنون ان يرزقك من حيث لاتحتسب ويقر عينك بنعيم الدنيا عاجلاً غير آجل
أولا اقبل بوظيفة الألفين ريال سجل في الضمان الأجتماعي سجل في الجمعيات الخيرية لتتكفل بمصروف البيت
اشتغل بتوصيل طالبات معلمات عوائل في العصر توصيل ركاب من والى المطار شف الرحلات الأكثر ازدحام مثل رحلات المدن الرئيسية وحذ مواعيدها وضبط وقتك وحمل ركاب على الأقل تجيب مصروف يومك حاول تجمع قرشين من المشاوير لوبعد فترة متى توفرت معك وحذلك باص وحمل طالبات تراها مكسبة 100%
وأكثر من الأستغفارولاتجعل اليأس يتخلل ألى قلبك ثق بالله
وتذكر أنك شاب تصنع المستحيل
وأرجو منك ان تخبرنا بعد فترة كيف تبدلت الأحوال وأتمنى أن تكون بشارة لنا ولك

الله يرزقك من واسع فضله وكرمه اللهم آمين
اقبل باي وظيفة متاحة علشان عيالك
وكمل دراسة الليلي
في ناس اعرفهم على راس العمل وهم يدرسون ليلي

يا اخي اذا ما عندك وظيفه اقلها اشتغل سواق علي سيارتك عند المجمعات والاسواق بينتهي اليوم بجيبك اقل شيء ميه ريال اذا مره طفره خمسين ريال
بأمكانك تشتغل في نقل المعلمات دام عندك سياره
يا اخي دور وظيفه تكفك انت وعيالك ولا تجلس تناظر وتقول هذي ما تسوى وهذي ما ادري وش فيها
عندك شغله حارس امن قدم بشركات الامن وتلقي الوظيفه بسهوله صح كرف على 1500 بس والله ارحم من يوم تجلس تندب حظك
اسعي واكسب رزقك ولا تقول ما يسوى
ترى ما ضيعنا الا يوم نقول كل شيء بالواسطه ترى زرقك بتاخذه وما احد ماخذه غيرك والي كاتبه الله لك بيكون لك مو لغيرك
حاول تسجل بالضمان الاجتماعي او الجمعيات الخيريه

وقسم بالله عورني قلبي عليك
لكن اسأل الله في هذا اليوم الفضيل ان يفرجها عليك من اوسع ابوابه ويسخر لك خلقه ويرزقك من حيث لاتحتسب
توكل على الله وحاول تبتكر شيء مثل الحلول اللي تقدموا بها الاخوان مشكورين واستغفر كثير يجيك الرزق لباب بيتك والله لو بيدي شيء اقدر اخدمك به مابخلت به عليك لكن عندك اللي احسن مني ومن غيري (سبحانه جل شأنه) مااحد يطرق بابه ويرجع خايب ...
الله يغنيك ويغنينا ويبعدنا عن ذل السؤال...

اسال الله ان يفرج همك وان يفتح ابواب الرزق لك وان يرزقك من حيث لاتحتسب


شوف وانا اخوك الشباب يقولون لك كمل دراستك ليلي بس انا اتوقع انك انت ماتبي الدراسه


عشان كذا روح تكس على سيارتك مثل ماقالوا الشباب وربي تطلع لك في اليوم على الاقل مية ريال بس روح بعد صلاة العصر الى الساعه 9 ولا عشره يوميا وان شاء الله تنحل مشكلتك

وروح قدم على الضمان يعطونك لانك متزوج وماعندك وظيفه

هذا اللي عندي ويعلم الله اني اتمنى لك انك تتوظف لانك تستاهل الوظيفه بس وانا اخوك عليك بالصبر

اخوي انصحك تشوف لك شركه حلوووه

انا في شركه ميد القابضة التابعه لشركه الموارد

ومديرها الامير خالد الله يطول بعمره

راتبي حوالي 2500

دوامي 9 ساعات

غير كذا لك بالالسبوع اجازه يومين



غير كذا لو تقدم على الامير يعطيك اعانات زياده على الراتب


معي 2 متزوجين وربي كل سنه الامير يزود على رواتبهم الى ان الان رواتبهم توصل الى 4 ونص


غير كذا تامين طبي لك ولعايلتك

فيه راتب لك بكل سنه مكافآه يعني كل ماتخلص سنه يعطونك راتب

الدوام راحه راحه لابعد حد

الشغل موب عيب لكن شد حيلك

انا تحت خدمتك اذا تبي اسجلك وباي منطقه فيها شركه ميد


اخوي عاطل احمد ربك انا بكالريوس وراتبي يالله 2500 وحمدلله مرتاح

الله يعينكـ ويصبركــ ...

السلام عليكم ورحمة الله وبركاته :
الأخوة الكرام الذين قاموا بالرد على موظوعي والذين قدموا لي نصايحهم أشكركم جميعا وأقول الله يجزاكم الجنة وماتتمنون ويوفقكم ويجعل ذلك في موازين حسناتكم ويسعدكم دنيا وأخره