سيادة الوزير الربيعه يقول ارفعوا مؤهلكم للبكالوريوس
على يدك يالربيعه بس وين ؟
الجامعات وعيت تقبلنا والكليات الاهلية رسومها خرافيه لو اروح ادرس طب بروسيا ارخص يا اخ
انا متخرج من سنتين وجالس بشركات رواتب زي قلتها ولا تحسين وضع ولا بدل نقل ولا شي اسم سعودي يوظفوني سواق روح ود وروح جيب الله يلعنها من حالها قسم بالله طفح الكيل
ودامك يالربيعه ماتبي دبلومات ليه فاتحين المعاهد بكل مكان وتسمحون لهم بدرسون دبلومات صحية وخساير فلوس وعلى الفاضي ؟
اتقي لله

مع كامل احترامي ....

الممرضين الفلبينيين + الفلبينيات

يشتغلون بكل امانه واخلاص

افضل من السعوديين ....

وماقلت هالكلام الا عن واقع تجربه ...

فما راح نلوم وزارهـ الصحه لو فضلت توظيفهم ...

وترك السعوديين ...

اخوي ماركيز حبيت اعلق عليك وهذي اول مشاركه لي بالمنتدى اتمنى تتقبل مني الكلام اسمحلي العماله الاجنبيه نص المستشفيات منهم وغير كذا مااخذين حقوقنا وشايفين انفسهم انا متدربه عند فلبينه وعارفه الشغل زين قامت نكبتني وقامت تهاوشني لاني لازلت طالبه .... تخاف اجي مكانها والدليل لمارحت شكيتها عند المدير قال الكلام هذا وبعدين صحيح رواتبهم قليله ويكرفون بس برضوا احنا بنات البلد نبي وظايف يجون ياخذونها الاجانب عنا ليه .!!! صحيح في سعوديين وسعوديات فالينها بس فيه الي يشتغل بامانه ...تحياتي لك

إستقدام العمالة الأجنبية كحل هذا ليس بمنطق ..

وعذر إن السعودي غير كفئ .. هذا ليس بمنطق .. أيضاً ...

وإن تم التصديق على ذلك .. فهو قد تم ..! .. لماذا يتحمل الخريج الذنب لوحده ..؟

لماذا لا تتحمل الحكومة والمسؤولين ومؤسسات التعليم والتدريب الذنب أيضاً؟

كيف يتم الإستغناء عن السعودي فقط لمجرد أنه من مخرجات السعودية .؟

لماذا لا يتم أيضاً الإستغناء عن بعض المناهج و المؤسسات وإبداله ؟

وإذا تم الإستغناء عن آلاف الخريجين .. مامصيرهم ..؟

الحلول المطروحة تم إثبات فشلها .. فرجاءً لا نردد كالببغاوات السعودي غير كفؤ

بدون طرح الحلول ..

ع طاري الحلول .. الحلول ( المناسبة ) ..

طرى ع بالي مقال قرأته بصحيفة الرياض .. ورحت دورت عليه والحمدلله إني لقيت الجريدة
وماسويتها سفرة هع هع..

إللي يصير حولنا شئ ماينسكت عليه .. والله ياناس لازم نصير نشوف الأمور بمنظور أكبر وأدق ..

ليس كل من ابتسم لنا معنى ذلك أنه يقصد خيراً .. ولكم أن تتصوروا مدى السوء المضمور لنا ..




راح أختصر لكم الموضوع في قالب بسيط ..

وزارة الصحة تدعي أن هناك مهنة ستوفر آلاف الوظائف للعاطلات .. و بنفس الوقت توفر آلاف الريالات على المواطنين ..

وذلك بسعودة مهنة ( الممرضات المنزليات ) تحت إطار رسمي .. وتحدثت جريدة الرياض إلى المدعو

جمال المفوز ( والذي ليس له سلطة على أي أحد سوى أنه ) أحد المستثمرين بنشاط الإستقدام أن هناك

نقصاً كبيراً في توفير الممرضات المؤهلات حيث تلجأ الكثير من الأسر السعودية إلى المستشفيات والمراكز

الصحية المتخصصة والتي تقوم بالتأجير بشكل غير رسمي إلى ارتفاع أجور التأجير التي تراوحت بين خمسة

آلاف إلى ثمانية آلاف ريال شهرياً بحسب حديثه .. وأضاف أن مكاتب الإستقدام غير مصرح لها بإستقدام

الممرضات المنزليات ...

-
-

إنتهى المقال ( على الأقل بالنسبة لي ) للإن الكلام إللي بعده أشوف إنه مجرد نفاق وتظليل ..

إللي أبتكر الفكرة الخنفشارية هذي هو واحد مختص بشؤون الاستقدام .. وشكل هذا المختص ماله اسم

والا المختصين بالشئون مختص واحد مافيه غيره ... وهو بشؤون الاستقدام .. والمشرف على الوضع

وزراة الصحة .. ووزارة الشئون الاجتماعية .. (حتى لا يلوم لائم بأي شكل من الأشكال وزارة الصحة ) ..

أيضاً ليس هذا المغزى من وضعي للمقال هذا ..

أبقولكم لما يُطبق هذا الأمر .. إذاً مالفرق بين ( عاملة منازل ) .. ( ممرضة منزلية ) ..!

وهل هذا هو الحل المناسب لخلق فرص وظيفية ؟ والتوفير على المواطن ..؟

ماهي مساوئ وجود ( فتاة سعودية مسلمة ) بمنزل ناس تجهلهم ..؟

والله إن الأم والأب والأخ يقلق ألف مرة أنأرادت تزور إبنتهم صديقاتها .. فكيف لها بالعمل في منزل من لاتعرفهم ؟


من منظور ديني على الأقل لينظروا لهذا الحل قبل أن يفكروا فيه مرة أخرى ..

الله يوفق الجميع

حسبي الله عليهم 10000 الف فلبيني لو يشيلونهم ويحطون

سعودين كان مافيه عطاله...

الاخ الى طرح فكرة (الفلبيني او الفلبينيه ) أفضل من السعودي او السعوديه ..

لعلمك الكريم .. لو أعطيت الفرصه والثقه (للسعودي ) راح تلاقي نتائج جدا قويه ..

بحكم (عملي المؤقت) كمدير موارد بشرية بأحدى المستشفيات الكبيرة .. عرفت أن الاجانب من ممرض الى طبيب هم هنا (لحاجتين فقط)

1- الراتب 2- والخبرة .

الدول الاجنبيه تستقطب الفلبينيات بشكل خاص لما يملكونه من خبرااات من مستشفيات كبيرة على سبيل المثال ( مستشفي الملك فيصل التخصصي والحرس الوطني ) وقس عليها المستشفيات الخاصه الكبرى .

لذا لو كل واحد قال نفس الشيء الى قلته ماراح نتقدم ولو بلشيء البسيط والبطاله تكثر.

نصيحه راجع كتاباتك وترجمه بعقلك قبل كتابتك ..

تحياتي