السلاااام عليكم ورحمة الله
مسااااااء / صبااااااح الخير للجميع

قصتي تبدأ من عام 2002 ، تقدمت على وظيفة مندوب مبيعات عن طريق برنامج التنظيم الوطني للتدرب المشترك ، ووقعت عقد مع شركة تجهيزات طبية مشهورة في المملكة ، براتب 3200 ريال وبعد ما امضيت نص فترة التدريب حصلت على وظيفة ثانية وتركت الشركة بدون ما اقدم استقالة (غياب) ومرت 4 سنوات تقريبا ورحت للتأمينات الاجتماعية عشان اضم خدمتي لمصلحة التقاعد ، اللي حصل طلعوا لي برنت لقيت ان الشركة الأولى استخدمت اسمي لمدة 3 سنوات ونص كموظف يعمل لديها مع العلم اني ماشتغلت عندهم الا شهرين تقريبا ، 3 سنوات ونص يدفعون للتأمينات الاجتماعية تقريبا 9 في المائة من راتبي يعني حوالي 290 ريال ، طبعا اللي يقول خطأ غير مقصود اخالفه ، لسبب بسيط ، المدة 3 سنوات ونص معقوله مايدرون انا اداوم والا لا ثانيا مقر عملي في المركز الرئيسي ومكتبي جنب مكتب مدير شئون الموظفين ويعرفني واذكر اني قلت له ماعجبني الشغل بسبب محاربة الجالية العربية لكل السعوديين اللي كانو معي تخيلوا كانوا يطلبون منا نتعلم انجليزي في فترة شهر عشان نتفاوض مع المستشفيات الكبيرة في بيع الاجهزة الطبية اللي اسعارها تتجاوز 8 الى 10 مليون ويهددونا بالطرد اذا ماقدرنا نقنع المستشفيات ( التخصصي - الحرس الوطني وقوى الأمن وغيرها )!؟
بعد كم شهر من المضايقات 6 من السعوديين تركوا العمل وانا من ضمنهم ، كان من المفترض يلغون عقودنا ويجيبون غيرنا سعوديين وعندهم لغة جيدة مايتركون اسامينا ويستغلونها استغلال سيئ ويقنعون مكتب العمل ان نسبة السعودة 20 في المائة والدليل ............... فلان وفلان وفلان عندنا
انا قررت امرمط الشركة واطالب برواتبي طيلة الثلاث سنوات ونصف وابدور على خوياي ان شالله القاهم مع اني ناسي اساميهم الحين يمكن صارلهم نفس المشكلة .

للمعلومية صاحب الشركة : أردني و 70% من الموظفين اردنيين والجنسية هذي معروفة بحبها للسعوديين لدرجة العشق

الزبدة
كيف أبدأ في الدعوجة ابي أأدب الشركة لو مايجيني ريال واحد المهم ياخذون جزاهم من التحايل والتلاعب وحتى تكون فرصة لتوظيف السعوديين واحترام وجودهم وتطويرهم والاستفادة منهم

*** اللي عنده وقت ويبي يشتغل معي في هالقضية بعطيه من الكعكة ***

انا عندي واحد نفسك كان شغال في مستشفى بحائل

والان موظف عسكري ويوجد لديه ورقة استقاله

اله الان 48شهر مومن عليه يلت من يعرف الحل يرد على الكل

بس الفلوس يغالي حرام تعتبر بتاخذ حقوق وهي مالك شي ..

بس حلوه المرمطه ذي مرمطهم عشان يعرفون الله حق

هلا أخوي

أولاً : حلو أنهم تركوا إسمك في التأمينات وهذا من مصلحتك مستقبلاً حتى تزداد حصتك في التأمينات

ثانياً : أنت لو تحب ممكن تفاوضهم على إعطائك مبلغ يرضيك.

ثالثاً : لو أشتكيت عليهم في مكتب العمل ويا طولها الفترة اللي راح تكون أنت رايح جاي لمواعيد وجلسات ولكن في النهاية ما راح تلاقي منهم شيء نظاماً . ولكن هم يتم معاقبتهم بإيقاف الحاسب الآلي لديهم فقط لمدة سنة أو سنتين تقريباً.

لذا أنصحك بالتفاوض معهم وحصل لك مبلغ حلو أو أتركهم يدفعون عنك وهي في النهاية لك كمدة إشتراك في التأمينات الإجتماعية بما أنك لست مسجل في مكتب العمل لديهم وتقدر تتوظف في أي شركة أخرى.
لأنه بالنسبة للتأمينات الإجتماعية لو تكون مسجل في 100 شركة ما يهمهم أهم شيء ما يكون راتبك الموجود في التأمينات مجموعه يتجاوز 40 الف.
ومن ناحيتي أنا أشوف إنها من مصلحتك يبقى أسمك مسجل في التأمينات لأنك ما راح تلاقي منهم شيء مادي رسمي عن طريق مكتب العمل إلاّ إذا يبغوا يعطونك مبلغ ترضية لتتنازل عن القضية ويمكن بعد هم مو محتاجين تأشيرات موظفين جديدة لمدة سنتين ويرضون بإيقاف الحاسب عندهم وأنت تطلع من المورد بلا حمص.

طبعاً هذا رأئي الشخصي لأنها حصلت هذي القضية لشخص أعرفه وتبهذل معهم وجلسات ولجنة عليا وتعب وما لقي شي غير ( مالك شيء عندنا وإحنا ماعندنا مانع بإيقاف سجلنا لمدة من الزمن لأنهم لايحتاجون إصدار تأشيرات جديدة )

وتقدر تشاور وتشوف لأن كل قضية لها حيثيات مختلفه وأنا إجابتي على حد علمي

وبالتوفيق

والله مشكلة الاردنيين .. صحيح فعلاً اكثر ناس شفتهم حاقدين ..

والله صايرة لي مواقف كثيرة

مرمطهم واخذ فلوسكــ ليه يستغلون اسمكـ عشان العمل والعمال

مايقلولهم شي اشتكـ في كل محاكم السعوديه اهم شي لاتسكت

عن حقكــ ....

كثير من الشركات لسؤ تنظيم تنسى ان تسقط اسمك من التأمينات بس مثل ما ذكر لك من الزملاء اي مبلغ ستأخذة سيكون حرام وما عليك الا مخاطبة محافظ التأمينات ببرقية او فاكس وذكر له بأن تصرف الشركة خطاء واطالب بأسقاط المدة ومعاقبة الشركة وسوف تجد الأجراء السريع حيث سيرسل مندوب من التأمينات الى من قسم التفتيش وسيتم تغريم الشركة ولعلمك اقصى عقوبة غرامة مالية فقط لذلك لا تعب نفسك ومحاكم ووو او انك تلزم الصمت وتستفيد من الخدمة ولكن ان كنت مؤمن عليك لدى شركتك الحالية لن تستفيد من التامين السابق .