سؤال وش تبون بالأمن العام؟ وتسألون عن تقديمه.

دورة 11 شهر . وكرف .
تعيين خارج مدينتك .
نقل مايجيك بالاربع سنوات والخمس سنوات .
ترقيات شبه واقفه وماتترقى الين تشيب حواجبك .
مستغرب وش محبب الناس فيه؟ بالله ليه؟
شوفوني انا عاطل وبحاجة وظيفه مآسه . لكن مافكر اقدم فيه .
انا ماقدم ا لا على امن المنشآت + الجوازات+ الدفاع المدني .
خليكم مثلي ناس متخصصه وتعشق التخصصات لجل يوم الله يوفقها تنفلت وتتخرج من الاوائل.
اما بس اي تقديم اقدم هههههه وتعلق بالي قدامك وامش بس . تخصصو ياناس وانتم عاطلين تخصصو . حطو بعض القطاعات بروسكم ولاتسوون زحمه للبشر .
ادعولي ان الله يقبلني بأحد هذه التخصصات .
امن المنشأت ، الجوازات ، الدفاع المدني .




موفقين .
تحيتي

والله ياخوي كلامك فيه الكثير من الصحة بالنسبة للأمن العام لكن في ناس تبقى أي وظيفة وماتفكر في عواقب هذي الوظيفة.
أنا ابوي في الأمن العام ووالله ماينصحني فيه ويقول لي أمن المنشآت ازين لك.

ابوي خدم فوق 26 سنة ورتبته وكيل رقيب والسبب إن الترقيات صعبه وماهي ماشيه.

الله يوفقني معاك في أمن المنشآت.
ووالله انا متحمس لأمن المنشآت إلى درجة إني صرت أنام وأحلم إني في الدورة ههههههههه.

والله متحمس مع الامن والمنشأت لان افضل قطاع حاليا الله يوفقك ويوفقنا

اقلك انت واياه تتكلمون وكأن الوظايف في ايديكم
الناس تبغى تتوظف في اي قطاع وانتو تتشرطون
اقول رحم الله امرء عرف قدر نفسة
لا أحد يسمع كلام اللي يقول أنصح وما انصح
قدمو في كل شيء ولا تتركون قطاع الا وقدمو فيه اذا الواحد انقبل يبوس ايدة وجه وقفا
الدنيا مهي زي اول عندك 2 مليون عاطل
وعندك التقديم اذا كانو طالبين 500 يقدم فوق 180 الف بتخصصات متعددة
آسف اذا كان غلطت على احد بكلامي لكن انا اقول الكلام هذا وفي ناس كثير تبي تقولة
الله يوفقنا واياكم لما يحب ويرضا

كــــــــــــــلام ســـــــليم نقول ان الراتب 5600 وان زاد يمكن خمسين ريال طبعا اذا كنت متعين بعيد عن اهلك نقول يبيك سياره اقصادها 1600ريال + شقه 500+2000 مصاريف لك ولسيارتك وفاتورت جوالك= صافي الراتب 1500 ؟؟ غربله في غربله

يعطيك العافيه اخوي شفلوت .. على كلامك الرائع .
ولكن .. في ناس تدخل وظيفه فقط لجل اسمه موظف . ولايحسب لزواج والمصاريف والتطور بالوظيفه مستقبلاً والحصول علىمناصب او ترقيات فيها وزيادة المرتب ووإلخ.
وفي ناس .. لا تحسب لهذه الحسابات . ويقولون . الوظيفه الي ماتغير من حال صاحبها ماهي وظيفه .
الأمن العام رواتبه الأن حلـوه جداً . ولكن . مثل ماذكرت .. من سلبياته . النقل خارج مدينتك لفترات تصل إلى 4 و 5 سنوات واكثر . + الترقيات شبه واقفه فيه .
وكل مين له وجهة نظر .
موفقين
تحيتي

شباب خلوووووووووونا على الجيش وش رايكم<<