24-02-2010, 09:08 PM
|
 |
عضو متواصل
|
|
تاريخ التسجيل: Feb 2007
الدولة: مدينة الخبر- حي العقربيه
المشاركات: 62
معدل تقييم المستوى: 37
|
|
|
ابي رأيكم يااخوان .. شركة ويبرو - وعندي خبره سنتين
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
طبعا انا موظف في شركة في قسم الاي تي
وراتبي 4000 ريال وخصم تأمينات 300 ويكون الراتب 3700 ريال شهريا..
الشركة الي انا فيها دومها من 9 الصباح إلى 6 المغرب.. بجد تعب..
وعندي خبرة سنتين وكم شهر في قسم الاي تي.. متمرس.. في
الشبكات , البرمجة , السكيورتي, صيانه الاجهزة
دبلوم حاسب آلي برمجيات ..
المهم اتصلوا اليووم عليّ شركة ويبرو الهندية ..
وقال لي انت مقدم ع وظيفة help desk
وجلس يتكلم معاي وقال لي كم لك بالشركة وكذا ,, وكم راتبك . ويعني
وقال لي شنو تعرف ماتعرف في الايتي .. وعطيته كل المعلومات
المهم هو انعجب وقال لي .. تقدر تجي الرياض تسوي مقابلة ؟ قلت له لا .. قال خلاص
راح نسوي لك مقابلة بالهاتف .. قلت له اوكي .. قال خلاص اتصل عليك الساعة 10
وبعدين اتصل لي الساعة 10 وكان الرقم من الرياض .. وكلمني هندي .
وجلس يسألني اسئلة في تقنية المعلومات وحل مشاكل الكمبيوتر..
وانا رديت عليه كما ينبغي.. وكل شيء تمام..
بعدين قال لي .. خلاص راح نتصل عليك بكرة .. او الي بعده عشان نحدد موعد المقابلة القادمه..
المهم انا اشوركم.. هل اذا كتب الله لي معهم اروح ؟ او ابقى ع وظيفتي ..
وللعلم توني ماخذ سيارة التيما 2010 اقساط .. فما ابي ابتلش . واتوهق ..
ووانا من سكان الخبر والوظيفة في الخبر كذلك ..
ابي شوركم واتمنى الي عنده معلومات يعطينا..
للعلم قال لي كم تتوقع الراتب قلت له لا يقل عن 4500 ريال ..
يالله ابي ردوكم ..
|
العرض العادي
