تحية طيبة للكل --قررت الرحيل عن هذا المنتدى الجميل--بسبب ابتعاثي بالخارج وتحديدا بالسويد في ولاية ستوكهولم-على حسابي الخاص =الله ولامنت وزارة التعليم العالي- لذالك لان اجد الفرصة في التواجد معكم--باستمرار--لكل من اخطيت علية اولكل من اخطيت عليها سامحوني ولاتنسوني من دعواتكم- واسترو ماوجهتو --وبذات خواتي اللي امس تضايقو من الموضوع اللي طرحتة -وهو موضوع كان للاثارة فقط لااكثر من ذالك--وانا خواتي معلمات ولا ارضى لهم ذالك-- القاااكم على خير

الله يوفقك ويستر عليك

الله يوفقك

بارك الله فيكم ووفقكم في الدنيا والآخرة

سامحتك دنيا وآخرة , فنحن في دنيا زائلة فانية لن نأخذ منها إلا أعمالنا الصالحة

فكلنا نخطئ , وليس هناك إنسان على وجه الأرض معصوم من الخطأ



ونسأل الله لكم أن ييسر أموركم ويرزق جميع الباحثين والباحثات بالوظائف في القريب العاجل

والقلوب بإذن المولى صافية نقية

الله يوفقك ويسهل لك الامور

تصدق ياخوي اني ابروح لمدينة اسمها مالمو على الحدود مع الدنمارك وابحاول انشاء الله خلال الشهرين او الثلاثة شهور الجاية.....ابزور صديق لي اسمه ليني هايلارد اسأل عنه تكفى تراه رجال اجودي والنار ماتطفي في بيته..

ترى الشعب السويدي ماهوب مثلنا ملاقيف يعني مثلا لو جاهم سيل وغرقت سياراتهم ماتلقى احد ينط للثاني ويقوله وش سويت في سيارتك؟؟ لا هم حالهم في شانهم وفي بعض المناطق فيها عنصرية ضد العرب...والعنصرية هذي شي طبيعي في كل الامم....يعني مثلا احنا هنا نكره البنقالي...

وبعدين اذا شفت حرمه كاشفه لا تتملقف وتقولها تغطي يا أمة الله قسم بالله لا تفرشك فرش ماعمرك تنساه....

واذا شفت الخطوط الصفراء في الخط وقف لها مو زي هنا عندنا ماتلقاها موجودة انمسحت مع التفحيط

اذكر مره لما رجعت من نيوزيلنده انا وخويي شفت الخط الاصفر واحسب اني هناك جيت ابمشي وتجيني دورية طااااااايرة بغت تصدمني ..

وترى دركسون السيارة في اليمين مو زي هنا باليسار.....يعني لاتسوي زحمة لما توقف....

والجو عندهم بارد جدا جدا يعني ما يمديك تلحق علاهم.....مو زي برد الطايف والا السودة....على الاقل ما يجيك ورع حاط طاقية دورين ويجي يهايط...هناك مافيه هياط....يا انهم يطنشونك والا يذبحونك ويسوونك شاورما....

انتبه من العرب تراهم نصابين في كل مكان في العالم.....خاصة من العراق وفلسطين ...الا من رحم ربي...الحكومة هناك تمنحهم حق اللجوء لان دولهم فيها حرب....يعني لاتروح تتهاوش مع ولد عمك وتذبحه وتطلب منهم الجنسية السويدية.....ترى تصير فيها علوم ماهي طيبة....وماراح تطلع منها بحب خشوم زي العادة....هناك السجن او الترحيل زي الهنود....يعني يوم تجي هنا اخويانك بيمسكونها عليك ياصديق يارفيق...


حاول تطلع على عقائدهم ودينهم عشان تعرف كيف راح يعاملونك وترى بعض النصارى واليهود التعامل معهم ارقى بمية الف مرة من التعامل مع شريطي والا جندي اول في الشرطة.....وحاول ان تكون حجتك قوية عشان تقدر تقنعهم بانك على الدين الصحيح.....وخذ معك مسابح ومساويك وعطهم هدية,...(خخخخخخخخخخ امز معك)



في المناطق الشمالية الحياة فيها شبه معدومة لشدة البرد والشمس هناك ماتشوفها الا فين وفين ....


في الشتاءتشرق الشمس الساعة 8 ونص وتغرب الساعة 4وربع......ومعدل درجة الحرارة حول 12 في عز الصيف......

وترى مايجيهم مطر مثل اللي يجي في الرياض والثمامة يجيهم برد وثلوج...يعني لاشفت المطر اقعد في بيتك ولاتدور كشتات والا علي الحرام لا ينفلق راسك ثم يبلش بك الرووم ميت حقك....


ولا تسوي فيها علوم قبايل وتذبح لكل من دخل عزبتك....ترى ذبحنا خروف في البلكونة ايام نيوزيلنده وطلع دم من المرزاب في الموية وشوية ما ادري الا الشرطة كاسرين علينا الباب ...يحسبونا ذابحين خوينا....



هذي نصايحي لك ......كتبتها على عجالة....واذا تبي اي استفسار عن السويد انا تحت امرك

اسمع نصااايح حاااكم






يالتوفيق اخو وضحى الله يوفيق وين مااا رحت

اسئل الله العظيم ان ييسر امرك ويسهل امورك

ويرزقك بإخوه صالحه فى غربتك ويصرف عنك من لايخاف الله فى نفسك او مالك اوعرضك ويهئلك الصحبه الصالحه