26-02-2010, 11:58 PM
|
 |
|
|
تاريخ التسجيل: Oct 2009
المشاركات: 3,077
معدل تقييم المستوى: 1393814
|
|
اقتباس:
المشاركة الأصلية كتبت بواسطة موظف بالاحلام
لا والله بالعـكس القرار هذا لو يجي ينقذ ناس كثيره .
ياخي الاقدميه اولى ياخي الناس الاكبر اولى بالوظيفه.
بالله عليك شخص متخرج له 7 سنوات؟ ويجي شخص معه خبره او شهادة حاسب ماله سنه متخرج ويستلم الوظيفه؟
المفروض بسنة التخرج يعطون الاولوليه للقديمين . ياخي تحصل بعضهم واصل عمره فوق الثلاثين ولسى ماتوظف ولا تزوج ولا سوا شيء بحياته . ويجي شخص تو متخرج وياخذ الوظيفه؟ ليه نقاط؟ اي نقاط؟
شهادة حاسب؟ طيب ياخي افرض هذا الشخص يعرف شخص بالمؤسسة؟ يروح يشتري دبلوم حاسب ويختمها له.
شهادة خبرة؟ افرض هذا له قريب صاحب شركة او صديق . منزل له بالتأمينات الاجتماعيه رقم له ويسلمه شهادة خبرة ثلاث او سنتين وهو جالس يلفلف بالشارع ؟ يوم يجي التقديم يسلمه الخبرة .
كثير من الناس تروح لشركات تعطيهم شهرياً مبلغ رمزي جداً مايوصل 300 ريال لجل ينزل اسمه بالتأمينات
ووقت مايجي تقديم ياخذ شهادة الخبره من الشركة وش التأكيد حق الديوان؟ يتأكد من التأمينات طيب منزله الرجال وعامل حسابه.
والمسكين الي راح عمره ينتظر ويقدم مايظهر ويجي بالاخير الناس الي تشقح من فوق خطوط النظام الاعوج وتتوظف.
وانظمه ديوان الخدمه اغلبها ( مالها داعي سوا التعقيد والتعقيد ليس إلا على الاسر البسيطه] اما من يملك واسطه وربي انه يشقح من فوق انظمته الخايسه وهو يضحك ولا يصيدونه .
إليك بعض الانظمه الرائعه .
1- نظام الخبرات والنقاط المفروض يلغى من زمان . ويكون بالاقدمية.
2- نظام لو الشخص معه دورات ويحصل على مؤهل علمي بعدها ماتحسب له هذه الدورات جميعها وتحذف.
[ مثال معك دبلوم حاسب اخذته بعد الثانوي تحصل على الجامعه يروح عليك الدبلوم مايقبل ] هذا نظام هذا؟..
3- نظام . للدورة مدة 5 سنوات وبعدها تلغى؟ ليه جايه بلاش هي؟ ولا يعني عقل الإنسان لايتذكر إلا اخر 5 سنوات؟ عجبي على بعض الانظمه الصوعا العوجا الي ماتحصل منها غير التعقيد.
اذا قصدهم ينسى . ياخي كل الوظائف كلها اثناء قدوم موظف جديد ينزل لفتره بالاشهر او سنه كامله تحت التدريب
خلال هذا التدريب لو كان ناسي( لو) راح يتذكر الي درسه غصب عنه . اثناء التدريب.
او اقلها بدل مايشطبون تعب الناس ويحذفونه ( يخلون المؤسسة تعطيهم اختبار جديد بما درسوه يستعد له ويسترجع معلوماته بسعر رمزي حساباً لسعرالدورة الاصليه الي دافعها الشخص ) واذا اجتاز الاختبار تجدد له الدورة بتاريخ جديد.
اانا من الاشخاص المتضررين من هذا النظام ( حصلت على دبلوم ميكانيكا من المعهد بعد المتوسطه دخلته بتقدير إمتياز 4.8من 5) وبعدها اخذت شهادة حاسب آلي مدخل بيانات ومعالجة نصوص 6 شهور من المؤسسة بتقدير جيد جداً وبعدها اخذت دورة تصميم فوتوشوب . وبعدها اكملت الثانوية . لما جيت للديوان قال الدورات هذه كلها لاتحسب . !! ليه يامعلم؟ لانك حاصل على المؤهل بعدها عجيب عجيب عجيب!!!
وللمعلوميه وظائف الدبلومات الي كانت قبل ثلاث اسابيع؟ تخيل روعة النظام معي شهادة الثانوية خلوني اقدم بدبلوم بعد المتوسطه؟ واسجل البيانات بعد المتوسطه؟ وشهادة الثانويه ياخوان بيدي ؟ وش الروعه هذه.؟
ياخي انظمه عوجا بمعنى الكلمه نتمنى . من العباقره والدكاتره يشوفون حل فيها .
قال الدبلوم قبل الثانوية مايقبل لازم تسجل فيه بالمتوسطه !! ياسلام يعني المنهج للدراسة للدبلوم قبل الثانويه يختلف عن بعد الثانوية؟ ماكلها واحد يامعلم لكن ( دبلوم سنتين+ ثلاث سنوات ثانوي = 5سنوات). أو
ثلاث سنوات ثانوي+ دبلوم سنتين = 5 سنوات)؟ اين الاختلاف ياعباقره ولا الشغله شغلة تعقيد وتطفيش
مانقول غير حسبنا الله ونعم الوكيل على من وضع الانظمه ولا يدري ماسبب من اضرار لأبناء الشعب.
تحيتي
|
كلامك سليم100 في 100
عشان الكل يعرف أن قرارات الخدمة المدنية والوزارات الحكومية كلها فاشلة
قرارات ناس من خلف مكاتب , لاذاقوا المر ولا الهم
ومانقول غير حسبنا الله ونعم الوكيل
|
العرض العادي
