السلام عليكم

بنات من اللي عملت مقابله في سمارت لنك .؟؟

أبغى أعرف وش صار معكم وكيف كانت المقابله وهل طلبو منكم أوراق لما رحتو تعملون المقابله أو رحتو كذا
أنا سمعت أنهم يختبرونكم على الجهاز .. صحيح ؟؟

وفين موقعهم بالضبط ؟؟

انا مثلك اه ياالقهر ابي معلومات عنهم المفروض اليوم مسويه مقابلة عندهم بس ضيعت مكانهم ... ياليت الأخوان يســــــــــاعدونا بليــــز ...

هذا الوصف لقيته في موقعهم

شارع الملك فهد بالقرب من أشارة شركة لكزس للسيارات

وهذا موقعهم فيه رقم الهاتف والوصف
http://www.*********.com.sa/contactus.htm

shakshak

وش السالفه شكلنا متواعدين ^_^

هههههههههه

الله يعين والله محتاره معها ما ادري وش اسوي أروح أو لا لإنه قريت كثير بنات كاتبين أنهم عملو مقابلات ولا كلموهم إلى الآن مع أنه شهاداتهم حلوه مره والإنجليزي معهم حلو

أن شاء الله تفيدنا وحده من البنات الحين ^_^

نايف

مشكور وما تقصر اخوي

أنا اللي فهمته من وصفها انه على طريق الملك فهد عند أسواق العويس هم في مبنى اسمه المكيرش في الدور الأول ما ادري وش الوصف الدقيق للموقع !_!

أن شاء الله نلاقي اللي يفيدنا

يعطيك الف عافيه

للرفع

وينكم يا بنات .؟

<< متحمسه قايمة من صباح ربي علشان تشوف الموضوع ...
مافيه غير احنا نروح ونشوف السالفة .... اليوم حددت مقابلتي معهم الساعة 2ونص ادعولي بالتوفيق

هاه اه يالقهر اشوفك هناك هههههههههه ....
واقولك توكلي على الله ان شاءلله ينكتب لنا نصيب فيهــأ ,,انا امس تحطمت حبيتن ونص
يوم شفت بعض الردود بس بتوكل واروح على الأقل مااقعد اقول بعد كذا ياليتني رحــت ...

وأنا موعدي معهم أربع ومتردده والله

ودي أكلمهم وأأجل الموعد بس خايفه تطير علي

وأنا مثلك قريت بعض الردود وتحطمت

مدري وش نسوي

تم تأجيل الموعد وقالو لي انه راح يحددون معي موعد جديد أن شا ءالله

وبإنتظارك أختي shakshak

هاي آه يالقهر .......

انا رحت وخلصــت هههههه ... موقعهم بعد اسواق العويس سيدا تجيك القرية الرياضية على اليمين بعدها قدام يجيك مبني كله اسماء شركات من ضمنها اسم
مؤسسة بن مكيرش مكتوبة بالرصاصي<< المبني هو نفسه مري من عنده اول لفة يمين تلقين حواجز لونها اصفر وازرق خلاص وصلتي .. تلقين بابهم على الشارع
مب جوا المبنـــى ...

المقابلة مره حلوه .. مايبي لها شــئ ... بس خذي السي في معك احتياط ..لأني
لقيتها مضيعة السي في حقي مدري لقته ولا لاههههه ...
المهم قالت تكلمي عن نفسك انجليزي اي شـــئ .. بعدين سألتني اشتغلتي قبل كذا
ومتى تخرجتي ... بالانجلش .. وسألت وش البرامج الي اخذتيها بالبرمجة ...

بعد كذا قالت لي عن دوامهم كيف ...
شفت واحد .. ويتغير ... من اسبوع لأسبوع يعني فيه ناس يدامون من الساعة 9 الي 5 العصر
وفيه من 5 الي الساعة 9 او 10 الليل وفيه وقت ثالث بعد بس اظاهراني مضيعة
وبيكون الدوام ست ايام في الاسبوع ,,الاوف توقعيه يجي بأي يوم يعني توقعي تداومين الخميس والجمعة والسبت يصير اوف مثل كــذا
وقالت احتمال يكون في اجتماعات مع رجــال ... وكذلك التدريب بيدربك رجـــــــــال ......
وبس هذي كل السالفة
مافيه لا اختبار كمبيوترولا يحزنون .... والمقابلة ماا خذت اكثر من 3 دقائق ...
والله يوفق الجميع ان شاءلله
ان شاءلله اكون وفيت وكفيت معك ...