ارتفاع اسعار الاغنام تسبب أزمة إقتصادية في السعودية

ملك العاطلين · #1 (**permalink**) 28-06-2007, 03:07 AM

إرحبوووووووووو يالله ان تحييهم
حياكم الله على واجب فلان ولو ان هذا مهوب واجبه وواجبه أكبر من كذا
أقلطوا حياكم الله
وسدح لهم أربع مفطحات وعدد الضيوف واحد والمعازيم أثنين
كلوا لهم لقمتين
وأكرمكم الله
وحياكم الله
وجاد الله عليكم
وصحتين وعافيه
ويالله ان تحييهم
ثم تبطحوا في المجلس ويافلان غداك عندنا بكره

وعلي الملازيم وقسم ان عشاك عندنا بكره
وارحبوووووووووووو يالله ان تحييهم
حياكم الله على واجب فلان ولو ان هذا مو واجبه وواجبه أكبر من كذا
وكلما حظر واحد عزم وكلما جو معازيم عزموا الضيف

الى متى

مصخووووها ما صار كرم

المفروض حبة دجاج والا سندويش شكشوكه وتخب عليه
<-------- عصب

عاد تخيلووو مفطح ابو رجلين
وارحبووووووووووووووو
حياكم الله على واجب فلان ولو ان هذا مهوب واجبه وواجبه سندويش شكشوكه
طبعا هذا بعدما يصير سعر الخرفان على خمس وست الاف
وتظهر حقيقة الكرم

شلون لو يوصل للعشره
شكل كل واحد بيوقف قدام بيته بالرشاش والي يعتب جهة بابه يمصعه بالتوماتيك
و الي يجي يعزمه يبثه هو وخروفه بأبو فتيل

عاد احنا مقبلين على فترة الصيف الي يكثر فيها الزواجات
ومع كثرة الزواجات ترتفع اسعار البعبعاوات لين ما تصفق سعر البعآآآآآآآء الوحده لفوق الألفين
يعني الي ناوي يتزوج

ويبي له رزمة خواريف الله يعينه على فاتورتهم الي تقص الظهر
وبكذا تحويشة العمر بتطير سلام سلام
وليت المعازيم يقدرونه وياكلون زي الصوماليين
الا تاليه مرمي الله يكرم النعمه
وكثر الله خير فلان وجاد الله على كيس الطبيشي
من وين يصرفها هذي
أكيد لجل يسمع الكلمتين هذول محتاج سلفه بنكيه
والا يطلب امه تقردن ابوه ويتسدح قدام الشايب لجل يتكفل بالسمرمد الي عازمهم
هذا اذا ماكانت قطه من فلان وعلان
والا سلفه من فلان وفلانه ويالله يلحق عليهم والباقي ديون في المجلبه

أبووووووك يالكررررم

طيب حفاظا على صحة البيئه من التلوث
ليش ما يكتب في كرت الدعوه
كل واحد يتعشى في بيته و يهظم عندنا
على الاقل

يرقص المعازيم على حبه ونص ويوفر عليهم وقت المتارع
ويوفر على نفسه حق استعراض قدم زوجته فشهر العسل انه بنك الراجحي على غفله
او على الاقل يلحق يسدد ديونه قبل يتزوج اكبر عياله
هذا إذا تزوجوا

وعشان امراض الكلسترول والسمنه الي ما تركت احد الا وتربعت في كرشته
يكتب يافطه للضيوف

نحن لا ندعم الكلسترول ولا ننصح بالشحميات
ويعشيهم نباتيات يقرمطون لين تتربط مصارينهم
او يكتب شارك معنا في أكبر تجمع للرجيم
ويعطي كل واحد بيضه يقشرها ويبلعها
<------- ابوووك يالبخل

يعني لازم مفطحات عشان يطلع كريم ولد بو كريم

على طاري الكريم وش رايكم في الاسكريم
خاصه وقت الصيف
له رونق وطعم فنطاستك <------ أي يا التعبير
وله دغدغه في الحلق ويبررررد
<---- تذكر أيام زمان يوم كان يبرد الشاي ويبرطم فيه يعننه اسكريم
عادي أي مشروب أبرده

يطلع اسكريم
حتى القهوه أبردها وتطلع اسكريم
بس اسكريم مر
للضروره احكام
عاد الزوج وهو يطامر بين الاسواق مع حرارة الصيف وهو يشوف له الاسكريم وبلعومه يقرقع ونفسه طالع وده يطب في مكينه الاسكريمويتبطح لجل يبرررررررد بلعومه
بس التفكير في يوم العرس خلاه يوفر كل قرش لجل كروش المعازيم

إما سالفة الاسكريم هذي مدري شلون جت
يالله نمشيها وانتو مشوها جعل النمل يمشي في جلودكم

<-

واحد نذل

نرجع لسالفة الخرفان
والعريس يطامر في المجلبه ويلمس خصور الخرفان <----- وكل خروف يقول مبلااااااش يعننه خروف يغار
ولو ان الخرفان ما تغارخاصه لما تنرفع سبلة الخروف وما يقول شي
والا وهو لابس من دون هدوم ومنبطح في الصحن

ولا كأنه في باريس
والله حاله
بصراحه خرفان ما تختشيش <---- شرايكم في اسلوب الاقناع يعنن الخرفان ما تصلح
أما العريس وهو يلمس الخرفان ويسمع الاسعار يحكحك راسه يشري والا ما يشري
إذا ما شرى فشيله
وإذا شرى الله يعينه على تحظينهم مره مع روسهم ومره مع كروشهم ومره يشيلهم منكسين على روسهم والسبله عند خشمه
هذا اذا ما تورط في خروف حق مطامر وخلا العريس يتشعبك في سبلته ويجرجره على فرته قدام الخلقوما تشوف الا غباره وتلطيمه في الشبوك
هذا اذا ما جدع فيه واعطاه عكسيات

يعني ظلوعه بتروح فيها وملابسه بتصير صنان
عشان ايش
عشان ارررررررحبوا وجاد الله عليكم
مكنش العشم <---- يعني مو

عاجبه الوضع خاصه ناوييخطب
فنعم للبقبقاوات ولا للبعبعاوات ويمدحون السندويشات

وإنني إذ اخاطبكم بهذا الموضوع
فإنني اطالب الجميع بمقاطعة اللحوم الخروفيه
والاكتفاء بالشكشوكه
والدعاء على كل من يذبج خروف

نرجع لسالفة الخرفان وهي تتبطح في المجالس وتبعبع لبعض وتحلف على بعض ان يضحون في نفسهم لجل إنسان بشري
وكل واحد فيهم يقول للثاني انه بيضحي في نفسه لانه يجمل و سبلته اكبر
عاد عند الخرفان سلوم وعادات ما تتخلى عنها طوال السبل من الخرفان فالخروف الي ماعنده سبله تجمل مهوب خروف ولا يجلس بمجالس الخرفان
عشان كذا من صلاة الفجر تلاقون كل خروف رابط سبلته في طرف شبك ويمغط فيها
وبشكل يومي
عشان يكشخ فيها قدام النعجات يعننه خروف انتحاري
اذا شاف له نعجه حلوه عطاها ظهره ورفع رجله
عشان تبين السبله الدسمه انه خروف اصل وفصل
وعشان يظهر بمظهر مشرف في المصلخ قدام الخرفان الانتحاريين
أما الخرفان الي ما عندها سبل تجمل
تلاقونها دايم خاشه روسها في علب النيدو عشان تنحاش وما تعرفها النعجات
أو تتبطح في الرماد عشان تتنكر وما تنعرف وش هي من سبله
ودينها ودين انها تتروش عشان ما تبان على حقيقتها فتترفس فبطونها الخرفان داخل الشبوك
ودايم تجيها حالات نفسيه ياجرب أو تساقط شعر او نقص في الوزن أو عرج
فتكون منبوذه من مجتمع الخرفان ونهايتها عاضه على لسانها في حوض الونيت وعلى أقرب شعيب

والخرفان أوادم لها مشاعر وأحاسيس
لها ترهفات
لها قيم ومبادئ
مو الدجاج الي اكبر همها بعثره وتبحيك في الارض
تدور على ايش ما تدري
المهم تبعثر
وأطلق ديك فيهم يأذن ويقيم ولا يصلي
حياتها فضاوه في فضاوه
وياشين اذا جت دجاجه تخاصم وهي حامل ياكثر قرقرتها
وياليتها تولد زي الاوادم الا تجيب جنين غير مكتمل في النمو وتحضن عليه 24 ساعه
هذا اذا ما طلع بعد التعب فاسد
عشان كذا مالها قيمه في المجتمع وتجيب الحساسيه

يتبع

ملف اخضر علاقي · #2 (**permalink**) 28-06-2007, 05:30 AM

نيهاهاهاهاهاهاهاها

في امريكا والدول المتقدمه ( هههههههههههه) يعزمون يالهمبربر هههههههههههههه

تفكيرك جهنمي ياخي هع هع هع

جوررري · #3 (**permalink**) 28-06-2007, 06:54 AM

ملك العاطلين,,,
يسعدك ربي على الطرح,,,
والله يعينكم,,,,,,بصراحه في دول تلاقي الفرح مجرد رقص بسيط ويجيبووا لك حلى,,,وبعدها الزفه وانتهى الزواج,,,لكن عندنا تلاقي تكاليف لا مبرر لها غير انها واجهه ومايصير ومن هذا الكلاام,,,

شاعر بلا مشاعر · #4 (**permalink**) 28-06-2007, 07:05 AM

للاسف اصبحت عاداتنا هم على القلب

شكلنا بنقلب على النظام الامريكي

ونظام البوفيه المفتوووح

صحيح ان الشيبان راح يشرهوون علينا بس ماذاقو الى ذقناه على ايامهم كان الخرووف بتنيين قنييه بس الظاهر بعد فترة بيصير الخرووف اغلى من الانسااان

والله ثم والله كنت استغرب من الافلام المصرية يووم يقوولوو ما يذوقوو اللحمة الا في السنة مرةة والا مرتيين بس الحييين صرت ما الوومهم

تحياتي

الدبلوماسي · #5 (**permalink**) 28-06-2007, 12:41 PM

اقتباس:

المشاركة الأصلية كتبت بواسطة شاعر بلا مشاعر

الظاهر بعد فترة بيصير الخرووف اغلى من الانسااان

اذا جا هذاك الوقت بذبحك واقلطهم عليك.........واخليك (من غير هدوم في نص الصحن)

بكالريوس عطالة · #6 (**permalink**) 28-06-2007, 07:56 AM

في مثل يقول:

ناس تموت من التخمه , وناس تموت وهي تشوف اللحمه

الحمدلله على حياتنا ترى عندنا في الافراح بطرة مش طبيعيه خصوصا لما يكون هناك بوفيه

تلقى الكل مفجوع و يعبي صحنه وفي النهايه كله رايح للزبالة...

اللي اخترع هذه الفكرة اظنه جابها في لحظة تحشيش...

ملك العاطلين · #7 (**permalink**) 28-06-2007, 06:34 PM

نأتي الآن لتحليل لظاهره قد تؤدي بأزمه اقتصاديه للسعوديه في المستقبل القريب راح تجبر السعوديين بشكل تلقائي على التخلي عن الظاهره والتوجه للبدائل

على السبيل المثال في تاريخ ميلادي الي هو سنة 406 هجري <-- انولد مع الديناصورات

كان وقته التعاداد السكاني قرابة 12 مليون وواحد الي هو انا نصهم سكان حقيقيين والنص الثاني مترديه ونطيحه وسرب من الطفيليات الاجنبيه الي تقسم علبة التونه على شهر وتطبخ العظمه ثلاث سنوات بلياليها يعني مالهم علاقه بالخرفان الي لهم علاقه قرابة سته مليون

حاليا حدود 16 مليون ذكور واناث يعني من تاريخ ميلادي لحد اليوم انولد 10 مليون لو قسمناهم على 22 سنه يطلع لنا حوالي نص مليون شاب وفتاه مقبلين على الزواج في سني يعني تقريبا السنه هذي حوالي ربع مليون زفاف

الزفافات هذي على قولة احد الاخوان البلجيكيين راح توزع تكاليفها على حسب المنطاق الجغرافيه السعوديه وعلى حسب العادات المتبعه في الزجاجات <-- فاضي ما عندي شي واقول الي ابي

انتو بس تابعوا التحليل الرياضي الي اسويه وطبقوه في زواجاتكم وابشروا بالصحون الي تلطم روسكم بس اصبروا وصابروا فلا وصول الا بعد التضحيه على حسب راي شيباننا اصحاب المناصب مانقول الا الله يختم لهم بالجنه المهم لو اخذنا قياس على درجة رختر وحسبنا الهزات الارضيه وقت الزواج راح نلاقيها واصله حد الذروه يعني نقول تسعه خرفان لكل مناسبه من هذه المناسبات الجميلات بعد احتساب المعدل التقريبي المبتكرينه من روسنا زي ما علمنا ابو الابتكارات الرقميه السيد غازي ابو شنب يعني تقريبا اثنين مليون ونص الا كراع

يعني تقريبا لو حسبناهم بمعدل تفاوت اسعار واختلاف نوع الزبايح ياقدعاااان

اللهم صل على نبينا محمد نقدر نقول انهم بيكلفوا 3 تليريون

يعني السنه الي فاتت راح نص فلوس الاسهم والسنه هذي بتصيل بورصة الاسهم مديونه باثنين تلريون

لا يصدقوا اصحاب الاسهم فيرشوا البعبعاوات بمبيدات حشريه

تقريبا نقول ان العدد الورقي بيكون حوال مليار وميتين وخمسين مليون لو حسبنا المعدل 555 في تسعه عشان يطلع رقم ملكي ويضبط المبلغ الناتج وهذا عوض عن التكاليف التابعه للذبايح ونعطيها 25% يعني بيصير المجموع مليار ونص وثمن

واحنا الان في سنة 428 هجري حسب ما صرح به التلفزون السعودي اول السنه بعد الاطلاع على الماده رقم 29/12 بتاريخ 427 هجري ويعتمد ومن هذ الخرابيط

المهم ان قياس على الفتره السابقه 406 وقت ما كان سعر الخروف 200 وارتفع الى 800 بمعدل 4 اضعاف اقدر اقول ان سنة 450 بيكون سعر الخروف 15 الف بعد مضاعفة الرقم 16 مره لو قلنا ان السعوديين راح يكونو فقط 40 مليون لان الخرفان معرضه للانقراض والسعوديين معرضين للتكاثر

يعني لو ما واجهنا الكارثه الصغيره من الان راح نواجه كارثه كبيره بعد 22 سنه والقصيبي يقول بيحل المشكله بعد 25 سنه على ورق

كيف نستثمر الفرصه المتاحه لنا كعاطلين ونحقق موضه جديده في الزواجات توفر اكثر من مليون راس من الخرفان مهدره في زواجاتنا حتى نخفف من الازمه الاقتصاديه القادمه

جميعنا متفقين ان الطريقه المعموله في الزواجات هي طريقه عشوائيه بينما معادلات الزمن الثابته تعتمد على ارقام 1 و 2 و 3 وجميعنا نتفق ان الانسان بدى من ذكر وانثى والخرفان بدت من ذكر وانثى والرجل والمرأه ينتجون معدل طفل في السنه والخروف والنعجه ينتجون معدل خروفين في السنه يعني ثوابت من الصعب تجاوزها الا في حالات نادره كالانجاب المبكر او المضاعف

الدوله غيره مهتمه والمواطنين غير مهتمين والازمه قادمه لا محاله ولا يوجد الا اجتهادات فرديه همها فقط الربحيه وفوق هذا تتمنى ربحيه اعلى ولا تهتم في الدرأ من تضخم في الاسعار للمستقبل القريب

فكيف نواجه الازمه من الآن حتى لا تصبح المواجهه بعد عشر سنوات صعبه وبعد عشرين سنه مستحيله :

أترك الاختبار السهل بين أيديكم

قبل أن نواجه الاختبار الصعب

فتفضلوا بوضع حلول مدعومه بالارقام والتوقعات