حبيبتي انا تخرجت من الجامعه وندمت كل الندم عشان تخصصي الزفت لكن انصحك تاخذي
ادارة اعمال مسار موارد بشريه وكمان وقت دراستك بما انك انتساب ادخلي معهد واتعلمي انجليزي
لازم لازم لازم يكون معك لغه يصير بعد ما تتخرجي عندك للغه طبعا تحدث وكتابه وعندك بكلوريوس موارد بشريه
والله اعرف وحده قدمت بشركه يبغون نفس هذا التخصص وطبعا انجليزي راتبها 11 الف خيااال والله هذا التخصص مع اللغه له مستقبل هذي نصيحتى والله من تجاااربي والمواقف اللي مرت علي ولكي حريت الاختيااار

ايش كان تخصصك ؟؟
ليه تخصص اللغة الانجليزيه مش كويس يعني ادارة اعمال افضل منه ؟؟

انا من رأي انك تدخلين ادارة اعمال احسن لك وبالنسبة للانجلش ادخلي دورات ومعاهد يكون احسن

على فكرة يعني فيه تحويل للمنتسبات وهو عن طريق النت ولا ايش لاني انا بالتحضيري وودي احول افيديني جزاك الله الجنة

صحيح نسيت اقولك التحويل لازم تروحي الجامعه يحولوك قسم القبول والتسجيل عارفته من البوابة الغربيه اقرب لك وتشكرررررررررات حبيبتي

بالتوفيــق
التخصصيـن كلها حلووة ومطلوبــة
أستخيـري ربك وإن شاء الله تتوفقيـن

الانجليزي مفتاح لكل شيئ
سواء وظيفة او دراسات عليا
اذا مو متمكنه منه فمجال ادارة الاعمال ايضاً مطلوب
وتستطيعن تدعيم نفسك بدورات تطويرية في اللغة ... موفقه

يعني اتوكل على الله واظل بكلية الادارة والاقتصاد
انا رحت الجامعة اليوم ووافقه الدكتوره تحولني بس خوفتني قالتلي المنهج صعب وراح يتغير السنه الجاية وانتي اذا ماعندك لغة راح تتعبي فنصيحه اذا انتي اوكيه بادارة الاعمال فخليك عليها لانه الرسوب بالقسم هاذا كثير فحرام ينزل معدلك ... وقالت خذيلك وقت وفكري بعدين تعاليلي؟

يا زهرة يا حبيبتي انتي لو ما عندك لغه انجليزيه كيف راح تنجحين او حتى كيف راح تفهمين هذا التخصص لازم يكون معك انجليزي شي طبيعي وانا قلت لك ادخلي اداره تخصص موارد عشان هذا المجال له مستقبل بس في القطاعات الخاصه اما اذا انتي حابه تتوظفي حكومي فا انتظري الوظيفه الحكوميه خخخخخ حبيبتي الوظائف الحكوميه وين وين اللي يلاقيه ما اقول كذا عشان احطمك لا والله انا متخرجه علم اجتماع لي سنتين افحط ما لقيت وظيفه حكوميه انتظر الديون يطلعوون لي رقم شاغر لكن ...لكن الموارد حلو عارفه ليش وكمان تتعلمي انجليزي يعني خذي دبلوم لغه لو ما استفدتي من الموارد تستفيدي من اللغه ولكي حريت الاختيار انا اعطيتك رايي والله يوفقك ...