اليوم الحمد لله خلصت المقابلة الشخصية بالجوازات

بصراحه كل شي سهالات يعني لاحد يخاف ... كل شي بسيط ومرتب

اول ماوصلت عندهم الساعه 5 و45 دقيقه لقيت ناس كثير مجتمعه عند البوابة وأول ماوصلت عندهم دخلونا قاعه كبيره فيها حول 500 مقعد ووزعوعلينا ثلاث استمارات نعبيها حسب المطلوب منك تعبئته .. وبعد ماعبينا الأستمارات يمروت العسكر علينا ويوزعون علينا اسئله على ثلاث صفحات .. اسلامي واجتماعي وانجليزي .. والأجابات اختياري من اربع احتمالات وتضلل على الأجابه الصحيحه .. والي وصلني نموذج رقمه 17 يعني في نماذج كثيره ..

بعد ماتخلص الأختبار مباشره تعطيه للعسكري الي حولك .. وبعدها تنتظر في مكانك الى مايجمعون كل الأختبارات ويبتدون ينادون بالأسامي بشكل سريع ..

واذا قالو اسمك تفصخ اشماغك وطاقيتك وتروح لهم .. هم بيقولون لك كذا

اول شي تروح تجمع الشهادات الي معك وبشرط تكون كلها مصـــدقـــه بالختم طبق الأصل واهم شي شهادة الحاسب تكون مصدقه من المركز المهني التقني مع الثلاث الاستمارات الي عطوك اول ماجيت .... تعطيها للعسكري الي جالس في بداية القاعه في الوسط يحفرها لك ويدخلها بالملف وتعطيه الصور مكشوفه الراس يدبسها معهم بالملف .. ويقولك روح اجلس مكانك لحد ماينادي عليك العسكري الي جنبه ... دقايق ويناديك العسكري وتفحص الطول والوزن بعدها بيقول لك صف طابور على مسرح القاعه عشان يطابقون شهاداتك بالأصل وطبق الأصل واهـــم شــي الحاسب يا شباب ..

بعد ماتخلص من المطابقة بيجلسونك مكانك شوي بس بعدها بينادونك للمقابلة الشخصية فوق المسرح على اليسار .. وانا من ناحيتي بس سألني عن اسمي ووين ساكن وقالي خلاص روح .. وخذ ملفي وعطاه واحد مطوع ووقع عليه وبعدها مشيت من عندهم

وفي ورقه كبيرة مكتوب عليها النتائج للمرحله الثانية للفحص الطبي يوم 25 هذا الشهر ..


سؤال بالنسبة للي خلصو قبلي
بس بصراحه انا مشكك خايف ان باقي شي ماسويته لأني وانا طالع كنت بروحي ..
شباب علموني لايكون باقي شي ماسويته وطلعت ؟؟




وان شاء الله اكون افدتكم

ولاتنسوني من الدعاء