السلام عليكم ورحمة الله وبركاته

كيفكم يا شباب انا توظفت باحد الشركات كاسكرتير لشؤون الموظفين والشركه معروفه جدا

وهى ثاني شركة اقدم عليها وتم قبولى قبول فوري واتصلوا على بعد اسبوع لاباشر العمل

والان لى يومين عندهم مديري من احد الجنسيات العربيه طيب وخلووق ووضعي فى الدوام حلو

حتى الموظفين زي العسل لكن في قاهرني ومادري وش اسوي اكمل معاهم ولا افصل وادور لى

شركه ثانيه لان راتبي 2300 ريال ويخصمون منه 200 تامينات اجتماعية يصفى لى 2100

؟؟؟؟؟؟؟؟ اكمل ولا افصل شووركم تكفون

استمر حتى تجد افضل منها
و تأكد من زيادة الراتب و الجوافز
و إذا كل شئ تمام خلك معهم و ربك يوفقك
و حتى السكرتير تعب و تواجد على طول
و هذا يجعلك تركز و تهتم أكثر خاصة مع الأخرين و العملاء
و إن شاء الله تجد القبول منهم جميع و تترقى الى منصب أخر
و تكون مسؤل عن مجموعة أخرى

مبروك الوظيفة وعقبال الترقية
وماتدري يمكن الراتب مؤقت واثبت انت وجودك وجدارتك وبعدين اكيد راح يكافؤنك
والشي الثاني تكتسب خبرة وبعدين خلك فيها ع الاقل سنة
وابحث بنفس الوقت عن بديل وبالتووفيق
بس لاتتركها لانك مرتاح وصدقني ربي بيفرجها ..

مبروك اخوي
انت مرتاح في العمل كمل فيها الى ان تجد وظيفه أفضل
اما تفصل وتجلس في البيت ماني معاك فيها
موفق

اخوي الصــــبر لازم منه وكذالك البحث عن الافضل مطلوب

نصيحه خليك فيها والله يوفقك

لازم تحس بهالشعور نفس اي واحد اول مرة يعمل ، لكن بعد مرور مدة زمنية بتحس ان الدوام سهل والراتب اذا استلمته بتحس بقيمته

الف مبروك اخوي

خلك فيها يالغالي وعلى وقلتهم الشغل يجيب شغل

ومافي مانع تبحث عن الافضل وانت موظف

اهم شي انك مرتاح والراتب يزود ان شاء الله مع الوقت

موفق

استمر ليت تلاقي الوظيفه المناسبه
او كمل بلوظيفه وسجل بلجامعه انتساب
والله يوفقك