قصة دراستي/// دخولكم شرف لي //

قتلوا حلمي · #1 (**permalink**) 01-03-2010, 02:53 AM

بسم الله الرحمن الرحيم
السلام عليكم ورحمة الله وبركاته
انا حابه اقول قصتي الي ماخليت مكان ماحذفتها فيه

انا بنت تخرجت من الثانويه العامه بمعدل

ماعلينا المهم اني قررت ادخل جامعه على حساب ابوي

قدمت على جامعة الملك سعود كلية المجتمع وليتني ماقدمت <تو الناس تتنددمين

المهم قدمت عى تمريض

قالو فيه اختبار مقابله شخصيه رحت المقابله الشخصي بكامل اناقتي

المهم جاء وقت الاختبار وكانت اسئلتهم تنرفز

وكل ماحاولت اني اتنرفز ضميري من جوا يسوي كذ فيني >

يعني خليك اخلاق واسكتي المهم كانوا مره مبسوطين فيني لاني البنت الوحيده الي دخلت ولابسه تنوره <كل الي جو بقمصان وببناطيل

اول مادخلت قالوا فسخي العبايه

المهم كنت مره واثقه من نفسي وكذا وجاوبت وقالوا خلاص السبت النتايج وعلما ان الكليه كانت هذاك الوقت برسوم قبل يعني كنت واثقه انهم بيقبلوني غير اني جاوبت بالمقابله وكذا المهم دقيت عليهم الاربعاء من زود اللقافه <

قالو الي ترشحوا 25 بنت قلت طيب اسمي ....

انا معهم قالت لا قلت وشو

ترى عايلتي كذا يمكن ملخبطين .. قالت لا قلت نعم

ليه ان شاء الله وش ناقصني كل شي سويته وفوق كذا داخله على حساب ابوي يعني موب من جيوبكم شي

انا انقهرت قلت لازم اروح السبت على الاقل اطلع حرتي بهاوشهم وطول الطريق ابوي يلقي محاضره مشورتيني على انه مافيه قبول ليه تبين تروحين ومدري ايش وانا

مطنشه ورحت ولقيت اسمي بالفعل موب فيه بغيت امووووت من البكاء

قالت الوكيله في اقسام ثانيه وكذا قلت ابي ادرس تخصص صحي قالت في سجلات وسكرتاريه اختاري واحد منهم قلت سجلات

<ولاادري وش القسم بس انقبل المهم اني انقبلت ودرست واجتهدت وكرهت التمريض ولماجاء وقت التخرج رحت استلم وثيقتي دبلوم سجلات طبيه ورجعت البيت وانا طول الطريق عيني بالوثيقه من قوة الوناسه <

<شكلي برز كل الفيسات المهم رجعت البيت وودي اشوف ابوي وامي بقولهم اني تخررررررررررررررررررررررررررجت وكذا جيت لقيت امي جالسه بالصاله ومحزنه

انا يمه تخرجت قالت روحي غيري ملابسك وتعالي نتغداء انا وين ابوي طيب بوريه وشسمه الوثيقه امي ابوك راح المستشفى

انا وش فيه عنده موعد قالت لا

ابوك تعب علينا وجلس يوصي عليكم انا وشوووووووووووووو

قالت مدري وش صارفيه بس شكل السكر ارتفع وادق على اخوي الصغير تخيلو اخوي ب 3 متوسط موديه المستشفى واخوي توه مايعرف يسوق وسط الرياض موديه قال اخوي جالسين يعطونه ابر شكلها بداية جلطه الحمدلله لحقنا عليه انا قسم بالله اكتئبت دخلت غرفتي وانا اقول اللهم اجرنا في مصيبتنا

وفتحت ملفي وانا اناظرفيه وجالسه اقول بقدم ومدري ايش والافي ورقه طالع طرفها

واسحبها الاتطلع ورقه

اجراء مقابله شخصيه لقسم التمريض

انا عيوني على طول تحت

الا راي اللجنه تقبل الطالبه <وصح كبير جنبها تخيلتوا الموقف انا حسيت بتجيني جلطه بدال ابووووووووي سكررت الملف وقسم بالله من قوة القهر رميته فوق الدولاب وجلست مدري استوعب الي صارلي والا الي صار لابوي على العموم طولتها وهي قصيره اشتكيت عليهم بالمنتدى حق الجامعه وبمجله الكترونيه للجامعه ومحد عطاني فيس

المشكله لوتوظفت يمكن تهون بس للحين ماتوظفت

فيني صيحه قويه وقهر وكل شي على مستقبلي الي ضآع .. ومستقبلي الوظيفي الي للحين مااشاف النور ولااتوقع بيشوف النور

اتمنى اني ولد عشان اقابل احد يشوف حل لمعاناتي الي

قاهرتني وكذا على العموم مدري

اتمنى تدعولي بوظيفه