السلام عليكم ورحمة الله وبركاته
طبعا حبيت افتح موضوع العضوة الدانة جزاها الله خير لما سالت عن طريقة التقديم على هالبند
طبع كلمت امس سكرتيرة شؤن الموظفات وقلت لها عن التقديم وطريقته وقالت روحي لمركز دلراسات الجامعة بعليشة او اللي بالملز وقدمي سيرتك الذاتية مع شهاداتك وهم يشوفون مواضع الاحتياج ويبعثونك لحد هنا حلوا طبعا اليوم من فجر الله فازة مثل الجنية وقاومت النوم واقهر الكسل وقلت بروح رحت على الكلام ودخلت المبنى وتورمت رجولي وانا اسال من مكان لي مكان وقابلت حقات الاستقبال ماقصروا معي قالو في فلانه حقة شؤن الموظفات مسؤلة وقعدت اسال الموظفات طبعا مع تحمل نفسيتهم الشينة لما وصلت للمسؤلة قالت وش معك عددت شهاداتي وعجبتها قالت الحين خلو المسؤلة عن التوظيف وحدة روحي له ورحت وانا مبتسمة والادب والذوق من شافت معي هالعلاقي كاني من كوكب ثاني قالت مافيه حتى بنود كل اللي كانو عليها اترسمو قلت ملفي مانت ماخذته يجي احتياط قالت نوووووو مافيه ونزلت وانا مكتومة كويس اني مافضحت وقلت تنتظرون اقول اني من طرف فلانه وفعلا يسالوني من بعثك ولما قلت انا سالت ودلوني تغيرت الوجيه الزبدة ماني مخليتهم يوم اني نزلت قالت الموظفة حرام عليبهم شهداتك حلوة بس روحي لمركز العمادة وقدمي من عند الرجال احسن والقسم النسائي شوفيه يمكن احسن وقلت بروح بنفس الوقت لكن السواق تعبني موفاهم الوصف دوحني ورجع فيني البيت بس مو تاركتهم اوريهم على الخش والدس وش يبون بكالوريوس ودبلوم وصفة دورات حسبي الله عليهم ونعم الوكيل ولو انضم صوتنا يابنات ونكتب شكوة وترسل للمك احسن انا ارسلت برقيات بس يمكن لاني فرد والسبب الاتصالات والمسؤلين مايوصلون اصواتنا!! والزقوا فيهم حتى لو قالوا
مافييه عناد
قصة اليوم انتهت

جزاك الله خير حبيبتي ذولي الواحد صح المفروووض
مايسكتلهم وان شاء الله تنولي مرادك قرررررريب
ومااقول الا حسبي الله عليهم وانا كنت حابة اقدم متلك
بس ذحين تحطمت مرررررررة ...

لا تتحطمي ولا شي خلك شوكة بعينهم لمتى تسكت لهم وبكرر المحاولة روحي ولايهمك يمكن ربي يسخر لك وحدة احسن

حسبي الله عليهم بس الله يرزقنا من عندهـ

تخيلوا بنفس هاليوم وحدة اعطتني رقم شركة مديرتها طالبة موظفات كلكتها وكانها خايفة مني ومن وين جبتي رقمي ومن البنت اللي اعطتك وسوتها سالفة وتخيلو هذي المعلومات بكرت للشركة وقالت بدق علي ومادقت ودقيت عليها وجطلت طيب قولي مابي ولاتلفين ولادورين ربي عزكم قادر يذلكم

تصدقين اختي والله بالواسطه واذا في احد موصي عليك توظفين وانت واقفه واذا ماعندك احد يقولولك مافيه وظايف مو محتاجين !!! وهذا الكلام والله مو تأليف والله انه عن خبرة وروحه وجيه والله على ما اقول شهيد واحده اعرفها متوظفة على وظيفة رسمية وتاخذ راتب واخذه اجازة ورايحه ومتوظفة وظيفة ثانية على البند وتاخذ راتب ومن هنا ومن هنا رواتب وغير الاشياء الثانية اللي تاخذها مو عشان شي عشان بس معاها واسطة وتعرف نااااس وانا حفيت ابي وظيفة على عقد على بند على زفت ما لقيت !!!! واروح لنفس المكان اللي هي فيه يقولون مافيه !!!! ولا حابه اخرب عليها لأن هذا رزقها بس الواحد يحس بالقهر من الظلم اللي في كل مكان
وعلى فكرة هذا بس موقف واحد من مواقف كثيرررررررر شفتها وكلها بسبة الواسطه

حسبي الله وكفى

كتالوج شهادات هههههههههههههههههه انا كتالوج زيك ، لا اله الا الله ، اخرها قبل اسبوعين دخلت على مديرة الخدمة المدنية ، جيت والموظفة اللي عند الباب منعتني ادخل المهم قلت بدخل دخلتني على الموظفات اللي جوا ، ما استفدت من بربرتهم شي !!!!!!!! قلت ابي اشوف المسؤولة باخذ منها عشان اطلع ( سببتلهم شوشرة ) وراحوا قالوا لها عني قالت جيبوا تورايخ تقديمها من اول سنة لحد الحين كتبوها وقالوا روحي لها تبيك اللي هي الدكتورة مديرة الديوان ، والله قعدت معاها اسلوبها كويس بس صراحة ما استفدت منها شي الا انها واستني شوي ولأن كنت تعبانه ذاك اليوم ما قدرت اطول معاها ومشيت وقلت حسبي الله وكفى

كل شي بالواسسسسسسسطه ، تصدقين مكتب العمل النسائي رحتله فاضي مافيه موظفات ـ بعد اسبوعين برجعله بلاقيه فللللللللللللل من الموظفات وتسألين نفسك متى ووين وكيف توظفوا ماعندك احد لا اجابة ..

الله يرزقنا ويعوضنا وينزع المنصب من كل واحد يستغله على حساب غيره حسبي الله ونعم الوكيل