بسم الله الرحمن الرحيم
ماراح اقولك اني تاثرت راح اقولك اني جنيت والجنون قامت تطاير قدام عيوني وشرار من عيوني طلع وبرق ورعد في مزاجي وجوي غاااااااااااائم وضباب وحر وبرد وراح اعطيك حلول
اولا انا صرت اشك ان المواطن هو المقدم على المقيم مدري عاد تحسوني قمت اخرف يمكن
انا صراحة قررت بخرج برى وادخل للملكه عن طريق العمره <<< حرام تحزن ادعولها بالشفى
ثانيا انا احس اني عجزت وماجاني التعيين اخاف اباشر الصبح واخر الدوام يقولون لي قدمي تقاعد عمرك 60 كح كح الرحمة من عندك يارب

والله وأنا أخوك الحال من بعضه عاد الواسطة هذي بلاء من رب العالمين انا خريج شريعة والله يا واسطات في القطاعات الحكومية بالهبل ولا بعد لا بد من لحية وشلحة اسف ثوب قصير.


الله يهديك اخوي مدري اش استفدت من غلطك البايخ كيف تبغى الرزق وانته تغتاب رجال الدين بهذه السهولة والوقاحة حسبي الله ونعم الوكيل وين المراقبين والمشرفين عن اشكالك اقل شي بحقك شطب من المنتدى

حسبي الله ونعم الوكيل

أخوي شف ترى القهر والتندم والتحسر مايفيد بها الوقت ..

انت فيك طاقه استغل احباطك لشي يفيدك ..

وأنــا اوافق الاخ للي قال عن الورشــه .. ترى انـا بنت واشوف ان الجلسه والانتظار الفرج يجي هذي شي يضيع الوقت والجهد ومافادنـا بشي ولا راح يفيد ..

سوي لك مشاريع صغيرة وبسيطه وحبه حبه لين تبداء تثق في نفسك وتكون لك مكان تقدر تصير انت تدير كل شي فيه .. بأذن لله الفرج قريب ..

وشف تراني انصحك الفترة هذي اقصد من اليوم تروح تبحث عن ( قانون الجذب ) <<== هذا ياطويل العمر شي يعلمك كيف انت تغير حياتك وتجذب الاحداث السعيدة لنفسك صدقني راح تدعي لي اذا عرفته زين ..

السلبيه والتحطيم تضيع وقتك على الفاضي وانت ماشاء لله بقدرتك وبتخطيطك وتفكيرك وموهبتك تقدر تسوي للي ماسووةالجهات الحكوميـه كلهــا ..

تفائل والامل موجود ..

لاحول ولا قوة إلا بالله

في هذا الزمن شيء طبيعي ان المقيم صار افضل من المواطن حكومة تتبرع بالمليارات على الدول الكافرة وشعبهااااااااااا ماهو لاقي الي يستر به نفسه هذا اكبر مثال

لاحول ولاقوة الا بالله العلي العظيم

[QUOTE=بدرمكة;2171202]والله وأنا أخوك الحال من بعضه عاد الواسطة هذي بلاء من رب العالمين انا خريج شريعة والله يا واسطات في القطاعات الحكومية بالهبل ولا بعد لا بد من لحية وشلحة اسف ثوب قصير.


الله يهديك اخوي مدري اش استفدت من غلطك البايخ كيف تبغى الرزق وانته تغتاب رجال الدين بهذه السهولة والوقاحة حسبي الله ونعم الوكيل وين المراقبين والمشرفين عن اشكالك اقل شي بحقك شطب من المنتدى


وين رايح أخـــــــــــــــــوي سلامات ورجال دين ومراقبين ههههههههههههههههههههههه

الله يهديك أنت تعوذ من ابليس

بس فيه كلمه حلوه قلتها دين
أي دين تتكلم عنه

يأخي معتقد أهل السنه والجماعه إن الإيمان يزيد وينقص
مو خوارج إذا شلت دقنك تكون متهم في دينك وتستبعد من الوضايف

ياأخي والله أعلنها أني أحق بوضيفة كاتب ظبط من جميع المتقدمين من الفرع الي أنا فيه لأني محامي ونزلت نفسي للضروف أنا أجبر القاضي انه يغير حكمه وألزمه بأشياء كثيره لأن شغلي ومراجعي نفس عمله
لا والي مسوي معي المقابله كل يوم خشتي بخشته
ورسبني على اللحيه والمقبولين أكثرهم إذا مو كلهم مايعرف طريق المحكمه
السؤال الي يبي يشتغل دقني والا أنا
وين المهنيه

وين العدل

مالك عيون تشوف الملف والشهادات والخبرات

وين الرجل المناسب في المكان المناسب

ليش ماطبقت دينك الي يقول ماتقدر تتهم الرجل الي مقابلك في دينه على اساس انه حلق دقنه


هذي نبذه بس والباقي أحتفظ فيه لنفسي

الرجل ماتكلم على رجال الدين والدعاه الصالحون تكلم عن من يدعون الدين الي ماسكين مناصب

بعدين تقبلونه يدرس شريعه تقولون كفء طيب بعد التخرج ليش تسألون عنها

يعني الحين أنتم تجبرون الواحد قبل يقدم يرببي لحيته وغصبته على الرياء عشان رزقه


ماأريد أن أكمل



لاكن أتـــــــــــــــرك لــــــــــــــكم التعليـــــــــق

الله يعينك اخوي كلنا في الهواء سوا نعاني من مشكلة البطاله

انا من وجهة نظري صح الواسطات لها دور لاكن فيه شي مهم وهو ان للاسف الى الان ديوان الخدمه مكانك سر .. فيه تخبطات في التعييين

من الظلم والله ان يعلن الديوان عن وظائف ويقدم عليها حتى الموظفين في الدوائر الحكوميه المفروض اللي يكون على مسمى وظيفه لايحق له التوظيف

ثاني شي : في التعليم لما يعلن عن وظائف في المدارس الليله يطللبوا مدرسين على قيد العمل المفروض اولى فيها هذي الوظائف هو الجامعييين الذين لاوظائف لهم .

ثالثا : وزارة التعليم العالي لما اوجدت البعثات للخارج هذا شي جدا جميل ولاكن كان من الاولى االاهتمام بالخرجييين الجامعيين الذين معدلاتهم ضعيفه لكي يكملوا واخذ الماجستير .. لان لما تضع شرط وهو لابد من معدل مرتفع اعتقد لم تحل المشكله لان صاحب المعدلات المرتفعه راح يقبل هنا في المملكه

اتمنى لكي اخي ولنا التوفيق والحصول على الوظيفه في اقرب وقت ..

انا لله وانا اليه راجعون