مساء الخير/
انا ضيعت الاستمارة حقت السياره وبطلع استمارة جديده وش المطلوب مني اذا اعلان وانتظر ماراح اسويها .
ياليت اللي عنده خبره بهالمجال يجاوبني.

و الله ما عندي علم
لكن إن شاء الله الرد عند الاخوة
أو انتظر أروح المرور مرة و أشوف المطلوب
و يمكن تدخل موقع المرور و تشوف يمكن موجودة

اسعدني مرورك راجو يعطيك العافيه

انا رحت ابي بس اغير اللوحة مع انه توه جديدة بس حروف مو حلوة قلت خليني اروح اقول انكسرت قولوا رح سوي تأمين بعدين اعلان بعدين تبلغ في الشرطة وبعدين تروح تأخذ ورقة من مركز الوثائق ومدري ايش قلت الشغلة بتتطول على كذا قلت اسحب احسن لي من التعب بس ههههههههههههههه وكثرة الدوران في الزحمة هههههه اتوقع استمااارة يمكن تكون زي كذا بس انت اتصل على 993 واسأل يمكن يكون النظام تغير هههههههه حتى والله يا شباااب المرور نفسهم ما يعرفون النظام ولا يدرون عن شي كل يوم مسوي نظام جديد يالله واسف طولت عليك

روح المرور وطلع استماره ثانيه بس لازم يكون معك الفحص والتامين

هههه ياخي والله يا الا ستمارة حقت سيارتي انها عند ابوي لها اكثر من 3 سنوات .....!
من ابو ورق الزرقا تذكرها ...؟ المهم انها اخر مة شفتها على شكلها ذاك ولا قد جددت موتري ولا فحصت
وجعلها دااااااااااايمة لي يااارب ^_^
انا قاعد افكر وش بيسون لي يوم يدرون عن ذي المعلومات ...؟ ههههه الله المستعااااان
الله ييسر لك

تجديد رخصة سير او بدل تالف/فاقد

استكمال بيانات النموذج
شهادة الفحص الفني الدوري سارية المفعول
تسديد الرسوم المقررة
صورة من الهوية كالتالي :

• المواطنين : صورة من بطاقة الأحوال
• المقيمين : صورة من الإقامة و صورة من رخصة القيادة وتعريف من الكفيل مصدق من الغرفة التجارية
• الشركات والمؤسسات : صورة من السجل التجاري

عاطل قفلت معه حياك في الموضوع
مصور دوووم الضحكه ماتفارق شفاتك بسوي مثلك اذا شفت نقطة تفتيش اقرب لفه على اليمين صدقني متعه مابعدها متعه.
عاشق الهدايا مشكووووووور على المعلومات الله يعطيك العاافيه

كلشئ بالكنبوتر لو مسكت معهم وانت واقف يخلصون شغلك بس دور راعين القويريره ينجزونك احسن من النضاميين