مررررحبا الساااع

شحالكم ؟؟

سجلت بهالمنتدى عشان افيدكم بتجربتي
اول شي لاتقولون في شي صعب لانه لو حاولتو بتقدرون ومب شرط ننجح من اول مره وحطو في بالكم انه الفشل بداية النجاح<<<هذي قاعدتي اذا فشلت(؛

التجاره يبيلها مخ نظيف ودراسه ومغامره
المهم
بديت السنه اللي طافت كان عمري 20 سنه والحين صرت 21 (؛ وكانت بدايتي بدون اي راس مال وبدون مساعدة اي شخص لي ولاسلف ولا تشجيع ولااشي وماتاثرت بكلام احد وكنت واثقه اني بنجح


بدايتي كانت باني كنت اتدرب على المكياج وتعلمته وخلصت بس مب هذا المهم

الله يسلمكم جدتي شرتلي ميك اب تشجيع منها عشان اتدرب عليه حلوو وسعره حلوو اشياء روعه وسعرها روعه يعني مب اي كلام

عااد دقت براسي الفكره وخذيت كل الميك اب وصورته وطرشت الصور لاهلي بالامارات وحطيت عليها اسعاااري واهم شي مانطمع ومانيااااس وكانو كلهم معارضين ويعلقون علي وانا لاحياة لمن تنادي كنت واثقه من نفسي بقووه وكانو يقولون بنسلفج فلوس ولما تبيعين رديهم لنا بس رفضت وحبيت اعتمد على نفسي وما اخذ من اي شخص فلوس

المهم طلبووو ناس كثير من هالميك اب وطرشولي الفلوس ورحت شريتلهم المكياج والباقي في جيبي وجمعت اربعه الاف ريال وماصرفتهم رحت شريت بضاعه وطرشتها لهم وانباعت والحمدالله تجمعت عندي فلوس

قلت خلني اجرب اسوي شنط وجربت سويت شنط للمكياج وطلعت روعه رحت شريت الاقمشه والكرستال وحاولت اسوي شي خاص فيني وشغل نظيف عشان سمعتي وسويت وماقلت انه صعب بالعكس كنت اقول اقدر انجح وخليت تفكيري ايجابي

وهذي صور من الشنط اللي سويتها والباقي مره ثانيه بصورها واراويكم شغلي










صدقوني التفكير الايجابي يجذب للشخص كل الاشياء الحلوه جربوو تفكرون بطريقة ايجابيه وبدون تشاؤم وصدقوني بتنجحون

المهم وانباعت الشنط وسويت شنط لاب توب وطلعت روعه
والحين صرت اسوي ميداليات للشنط والموبايلات والكل عجبه وصارو يطلبون يعني اي شي يخطر ببالي اشتري الاغراض واجرب واكون واثقه اني بنجح ولا افكر باي شي سلبي


والى الحين ناجحه الحمدالله بدون اي تشجيع بالعكس ناجحه مع الاحبااط ههههههههه الحين صارو يحاولون يشجعوني بس لازم حركات التحبيط والوحيده اللي شجعتني جدتي الله يخليها لي


والحين نويت اسويلي ماركه خاصه فيني وان شاء الله راح اجمع فلوسي وافتح لي محل باذن الله




هذي قصتي مع التجاره ادمنت عليها وصرت احب اعتمد على نفسي وماخذ من احد فلوس حتى لو اتعب بالعكس احس بفرحه لما اكسب من تعبي وجهدي واشوف شغلي يعجب الناس


ايه صح واخر نصيحه اذا بتبيعون شي ع الاهل انتبهو تخبرونهم انه هالبضاعه لكم لانه بيستخسرون فيكم الفلوس يوم بديت ماخبرت احد انها لي كنت اقولهم لوحده حرمه تبيعها ولاكنت اقول انه الشنط انا اللي مسويتها لانه راح يحبطونكم ههههههههههه اسالو مجرب


وفي النهايه انصحكم تقرون كتاب السر روووعه شوي عليه يخليكم تحبون الحياه اكثر وتفكرون بطريقه ايجابيه

وعلى فكره في شخص بهالمنتدى كانت عنده مشاريع حلوه اعتقد نكه فتى نجد عنده افكار روووعه كنت اقرا مشاركاته من قبل واتحمس

وسلامتكم

الله يوفقك وإن شاء الله إلى الأفضل

نعوومين موفقه ياحياتي
عقبال البراند حقك ان شاءالله

ما شاء الله .. بالتوفيق لك ..

يسلموووووووو

يسلمووو

اعمالك ممتازه بس ماقلتي لنا كم المكاسب

هههههههههههههههههههه

يسلموو ع المرور<<<<اصرف

أهلا بكي ونتشرف بانضمامك للمنتدى
وياليت تعطينا أسعارك