بسم الله الرحمن الرحيم
السلام عليكم ورحمة الله وبركاته

عندي خياط وابي شغال برى ويعرف يسوي جلابيات وابي افتح له معمل يسوي جلابيات وفساتين زواج وفساتين سهره

بس كم يكلف واهم شي ابي اعرفه كيف نصرف البضاعه وابي اشخاص مجربين ولهم خبره ينصحوني

لاني مديوون وابي شي اشتغل فيه اقدر اسدد منه الديون

طبعا حاليا ابي اعطيه يفصل وابيع وبعدين نفتح معمل

بس ابي معلومات كافيه

مشروع رائع اخوي

اهم شيء التصاميم

يعني حاول تتعامل مع مصممات او مصممين

وتفصل على هذه التصماميم

اعرف بعض فساتين الزواجات تكلف 300 الى 500 ريال وتباع ب1800 الى 2500 ريال
شرحيلك يابطل

بس اقصد وين نوزعهم يعني انا ماعندي محل اعرضهم فيه يالغالي

مدري انتي بنت ولا ولد
لو بنت شوفي النت مليان موديلات تخقق توبات فساتين قصيره بلايز طويله فساتين زواجات ابدي حبه حبه اختاري موديلات بسيطه واشتري الاقمشه من المحلات الرخيصه لو في الرياض روحي الخزان نفس المجمعات بس برخص التراب وفصلي كم قطعه واعرضيها في البازارات بتمشي بيوم تعرفين حريمنا كل شي يلقطونه زين ولا شين
واذا عندك قريبات مدرسات او طالبات او راعين جمعات خليهم ياخذونها معهم ويعرضونها لك وبتنباع
وتقدرين تلفين على المشاغل النسائيه احيانا يشترون ولايهون النت ابدعي بالتصوير والحركات وبيمشي سوقها بسرعه وهكذا لين تجمعين مبلغ حلو وتفتحين محل خياطه صغير او مشغل او لو في ملحق بيتكم
والله اعرف حريم كذا الي تجيب بضاعه من برا وتعرضها في بيتها بضعف سعرها الاصلي والي تفصل وتبيع في البازارات وراس مالها قماش بعشره ريال وخياط جنب بيتهم يفصلها بميه ريال وتبيعها ب700 وفوق
والله انا وخواتي نفكر بهالمشروع بس مافيه همه ولا عزيمه ماورانا الا التسدح

اما لو انت رجال احسن شي تحط محل تفصيل رجالي ثياب وماشابه وتسوي من هالعروض الي نشوفها فصل ثوبين بمدري كم خصم يعني الين تنتشر وبعدين يكبر الشغل لانك مستحيل تبدع في مستلزمات النسائيه اذاواقنا تختلف
تعرف ذوق الرجال لك عليه الا لو بتدخل احد معك في الموضوع اختك وكذا تصير هي تختار وتدور موديلات وحركات

وبالتوفيق ان شاءالله

لا والله رجال

يعني تنصحوني بتفصيل الجلابيات وعرضها

العرض مهم
ولكن لا تكثر منها في البداية
وفقك الله

اتفق مع محل وراويهم عينات من الشغل وان شاء الله تتوفق وخلك ايجابي وتفائل (؛

اذا الخياط راح يضبط لك الموديل ابشر بالزباين ان شاء الله وابشر باللي يسوق لك خاصة فساتين السهرات وفساتين الزفاف بش شوي شوي حتى ماتخسر يعني من كل موديل سوي لك فستان واحد واعرضها هنا واحنا نسوق لك عن اقاربنا كذا راح تكثر عليك الطلبات اهم شي الفساتين لأننا مقبلين على اجازة كلها زواجات

اخوي بالنسبة للتجارة اهم عنصرين فيها

اولا الزباين

ثانيا البضاعه

بالنسبه للزباين دور لك كم محل يستورد منك شهريا او خيط نماذج واعرضها على اصحاب المحلات
ولو اعجبهم الموديل والسعر يكون الطلب بالجملة

البضاعه لازم تكون منافسه (انت بتاجر بجلابيات وفساتين ) ربحها ممتاز
لكن بلييييييييز انتم الرجال ماتنفع اذواقكم ابدا
خلي واحده من قريباتك تزودك بالموديلات والالوان الي ممكن تمشي بالسوق يعني تكون مصممه لك

اتمنى اكون افدتك وموفق ان شاء الله