السلام عليكم ورحمة الله وبركاته
7
7
7
7
7
7
7
ااخوااني انا خريج ثانوية عامة علمي تخرجت منذ ثلاث سنواات تقريبااا ومن يومهاا بدت معاناتي النفسية وكل يوم التحطيم اكثر من اللي قبلة سواء من الاهل او الاصدقاء او الاقارب كل من حولي يلوموني ليش مااتدرس انت مافيك خير يالفاشل ...الخ ومن هالكلام اللي جاب لي الصمرقع وتعقدت وصرت احس كأني مربط مدري وش اسوي ودي ارضي الناس وخصوصا اهلي لكن ما باليد حيلة ,,,,

بصراحة انا قبل سنة انقبل بكلية مجتمع عندنا بالديرة لكن ماكملت اسبوعين وفركت لأني والله يااخواني تعبت نفسيتي فيهاا صعبة علي حيل وعجزت اني استمر بالدراسة وتركتها بدون بديل وقعدت تقريبا شهر اكذب على اهلي واقولهم اني ادرس لكن بعدهاا واجهتهم وكانت المواجهة عنيفة ,,
المشكلة اني انا اصغر اخوااني يعني القعدة واخوااني الكبار كلهم ماشاء الله دارسين ومتعلمين احسن تعليم الكبير مهندس وثلاثة مدرسين وواحد صيدلي والاخير يشتغل بشركة ارامكواا والله يزيدهم من فضلة وبما انهم دارسين وماحسواا بالامان الا بعد الوظيفة مصرين علي اني اكمل الدراسة الجامعية وانااا والله العظيم الدراسة ماني تاركها لكن ابي شي يكون على قد قدراتي وابي شهادة بكالوريس لأن الدبلوم مصيري انقعها واشرب ماها..
مااخفيكم اني انا اللي اهملت نفسي بالثانوية وماجبت نسبة سنعة لكن وش اقول هذا القدر وبيني وبينكم اخر سنة بالثانوي ماكنت افكر بالدراسة الجامعية والوظيفة كنت حاط ببالي ادخل مجال التجارة لأن الخير كلة فيها لكن واجهت تحطيم مو طبيعي من الاهل ,,
بعد تخرجي من الثانوية طلبت من الوالد والاخوان الله يحفظهم جميع انهم يجمعون لي راس مال لأني كنت مخطط على مشروع ابي ادخلة لكن انصدمت بالرفض القاطع وعذرهم التجارة ماوراها الا الخسارة ادرس وتوظف واحمد ربك على العافية والتجارة خلها لااهلها!!!

نمتوا ياحلوين معليش بقى شوي ونخلص,,,,,,,,,,,,,,,,,,,,,,,
&
7
7
7
7

عااد اللحين الله اعلم بحالتي ليل ماهو ليل ونهاري ماهو نهار نوم بالنهار وسهر بالليل حتى البيت صرت ماعاد اقعد فية الا وقت النوم عشان اتهرب من الكلام اللي يوجع الراس ,,
وانواع السربتة والدشرة من الهم والغم جربتها والستر طيب لكن الحمد لله اللحين تبت والله يثبتنااا ان شاء الله
عااااد اللحين مثلكم عاارفين فتح التسجيل بالكلية التقنية وقبلوني ميكانيكا((قبول مبدئي))
لكن واجهت انتقادات اللي يقول مالها مستقبل واللي يقول توسد الثانوية احسلك....الخ
وفية صديق لي قالي وش تبي بالتقنية واخرتهاا دبلوم تصور بجنبهااا ادرس انتساب ادارة اعمال ولاادارة عامة ولاتروح الا وقت الاختبار وكلهاا اربع سنوااات وتاخذ بكالوريس معترف فية وعلى ذمة بعض الاصدقاء يقولون فية انتساب تخصص نظم معلومات طبعا بكالوريس..
عاد اللحين ياحبايبي مدري وش رايكم ادرس انتساب ولا ادخل الكلية التقنية ولاانام بالبيت احسن واسجل طبخاات منال العالم للوالدة الله يحفظها؟؟؟؟؟؟؟؟؟

ربي يوفقك ويحقق امنياتك "
اخي العزيز انصحك بقراءة موضوع اين تجد تخصصك ؟ بقسم النقاشات والاهداف فانت من يحدد المجال الذي سوف تدرسة
واذا انت جاد بالعمل ......... انت من اي منطقة

مدري وش اقول لك لكن ادخل التقنية وشد حيلك وربك يحلها ليوم التخرج على الاقل تشغل نفسك ابرك من القعده والدشره وخذها نصيحة مني انت توكل على ربك وخلك صادق معه وش حيلك لعل وعسى تجد وظيفة تكفك من طلب الناس ومساعدتهم والتجارة وانا خوك اذا انت هاوي تجارة في برنامج اسمه المؤية يمكن يفيدونك ويدعمونك براس مال رح لموقعهم واستفسر منهم والله يوفقك .

نصيحتي لك ان كان لك ميول فنية ادخل الكلية التقنية تخصص مكانيكا ولها مستقبل واترك عنك .. بخصوص الأنتساب تقدر اي وقت تدرس فية الله يوفقك

أكيد كل واحد وله موهبه بس أنت حاول تكتشفها

يعني تحب الكمبيوتر أدرس كمبيوتر بس عليك بالبكالوريوس في أي تخصص


وبخصوص الموضوع أقراه وإذا عرفت موهبتك وين علمنا

أدرس الحين وإذا حصلت وظيفة حلوه ودوامها حلو تصير تدرس وموظف بنفس الوقت يعني أضغط على نفسك شوي

__________________

الله يوفقك يارب ويكتبلك اللي فيه الخير
اهم شي تشوف ميولك وبالنسبه للتقنيه تقدر تكمل بكالريوس في الرياض يعني لحد يحطمك
وبعدين كلها سنتين بس يبغالها تضغط على نفسك شوي وعلى حسب ما اسمع انو دراستهم بالعربي وهذا اللي مخلي الاقبال عليها كبير بعكس البترول والصناعيه
بالنسبه لادارة الاعمال اتوقع انو دراستها انقلش اذا انها على خبري ونصيحتي لك تبدأ من الان تاخذ دورات انقلش وحاسب تدعمك في دراستك وشغلك بالمستقبل
ولاتفكر تجلس في البيت لانها بداية النهايه راح تبدأ بوسوسه وتنتهي بـ انواع الامراض النفسيه اللي تؤدي لشي عضوي
يعني اسعى وربي معاك ان شاءالله
وتأكد انو الشهاده راح تخدمك بـ اي تخصص في اي مفاضله وظيفيه في المستقبل طبعا مع الخبره << طولتها هههههههه
وبالتوفيق اخي الفاضل

ملقاط بن جمر .. دبلوم ميكانيكا . بالتقنية . لاتعتمد عليه بمستقبلك ياغالي .
ونصيحتي لك [[ ادخل الجامعة والتحق بقسم يكون تخصصه طيب وله مستقبل وادرس كل يوم فيه ]] .
هذا اذا انت صادق تبي تبني مستقبلك وتتوظف وظيفه زينه . وشد حيلك بالجامعة وتخرج بنسبة طيبه لجل تضمن بعد الله . بأن يتم قبولك في اي تقديم بعد الجامعة .
اما بخصوص تدرس الجامعة انتساب؟ < الإنتساب بالجامعة مايوظفك ياغالي . واغلب الوظائف تطلب يكون المتقدم منتظم .سوا نهاري او مسائي . اهم شي يكون منتظم .
لأن الي يغيب عن عقل اغلب الناس [ شهادة الإنتساب هي اساساً وضعت لتحسين وضع الموظفين ] .
يعني يوم تكون على رآس عمل وتكمل جامعتك انتساب تنفعك بتحسين وضعك وترقيتك .
لكن تتخرج انتساب؟ ناس تقول لي ديوان الخدمة مايقبل الانتساب للمتقدمين للوظائف .
وناس تقول لي لا يقبلهم بس وش ؟ على المرتبة الخامسه يعطيك ؟ < مع العلم الي معه ثانوية على المرتبة الرابعه يتعين . يعني فرق مرتبة فقط؟!! وانت كارف اربع سنين وكل سنه بفلوس تدفع بالجامعة .
يعني بختصار . شديد .. يا انك تتوظف وظيفه حكوميه وتكمل انتساب بجامعة .
او انك تدخل الجامعة بقسم طيب منتظم .
غير كذا . بتكون حالتك يرثا لها .
تحيتي

الله يوفقك يااخوي ...
ادخل الشيء اللي ترتاح له والله يساعدك ..