أولا / صبحكـــم الله بالخيـــر
ثانياً/ أحب أشير الى نقطة شاهدتها بالأمس في أحد المواضيع واللي يقول فيها (( ياناااس مافي دوره وش فيكم ولا في نتايج ولا فيه شي اسمه فرز واللي مو مصدق ينتظر اسبوع ولا سبوعين ولا ثلاثه اسابيع ولا اربع اسابيع مصيره بيصدق كلامي ويقول ليتني خذيت العلم من بدري وسلامتكم)) بلسان العضــو { ع الزهرانــي } وين مصدرك هل هذا الكلام بلسان واحد عاطل أم هو تحفيز أم هو تشأوم فأترك الجواب لك أنت ....

المهــــــــــــــــــم..
الكل قال أنها تأجلت ولكن أناأقول أنها وصلت ْْْ ماتشوفون أن بينها فرق ُُُ
بعد معاناه نتائج القاعده الجوية {التجنيد} وليس معهد الدرسات أبشركم أنها وصلت وحسب مصادري أنا
وسوف أخبركم بهاالمصدر ..
اليوم رحت للتجنيد وقابلت واحد أذيته بوجهي كل أسبوع لدرجة أنه حفظ أسمي وقلت له أبي أستفسر عن النتائج فرد علي بأستغراب قال باقي ماجتكم الرسايل قلت لا والله ماجتنا فقال رفعنا الملفات يوم الاربعاء اللي فات ووصلتنا يوم السبت اللي هو امس هنا في تبوك لكن ممنوع أننا نخبركم بها لأنها تجيكم عبر الرسايل وقال اليوم راح تجيكم وأذا طالت بكرة قلت طيب كم نسبة قبولي قال أنت شفت رقمي {{ ههه يعني أبشركم أني أنقبلت }} باركولي ... وأتحفني بخبر حلو لكم أنتم قال الأرقام المطلوبة في تبوك الأمن والحماية 60 رقم والارقام اللي رفعت 64 رقم يعني أربعة نفر الله يحفظهم باي باي أربعة فقط ..
ياشباب نبي موضوع يختص بالمقبولين نهأئيا وأي أستفسار أنا حاضر به ولكن الله يرحم والديكم كل شي الأ السب أتحفوني برودكم الرائعة أتحفوني بالمباركة بالدعاء باللي يعجبكم ولكن لا تتفلسفون علينا

أن كنت أستاهل التقييم فقيموني وأن كنت ما أستاهل فردودكم شرف لي.....

في البداية أحبك أهنيك على قبولك وفالك التوفيق ونتمى أن تخبرنا عن نتائج قاعدة الطائف ولك جزيل الشكر

الف مبروك يالغالي عز الله انك ما قصرت

بس ماسئلة عن موعد بدا الدورة

مبروك للجميع >> طبعا مقدما ,,
لكن للحين ماجاني ولا اي شي .. لا رسالة ولا اتصال !!


فاعتقد والله اعلم كلامك صحيح ..
لان اصلا هذا الاسبوع يعتبر هو اسبوع تحديد المصير ..
يعني مثل ماقالو اخوانا مجنون شهار وبرج الطائف .. قالو راح يجيكم السبت او الاحد او بالكثير الاثنين ( والعلم عند الله)
لكن نقول عسى الله يكتبها من نصيبنا .. ويوفقنا جميع ..
وانشاءالله الاخوان يجتمعون بالليل اليوم ونشوف النتايج ونشوف اخر الاخبار ..

لكن ياخوي مفتاح .. ياليت ترجع تضم موضوعك هذا مع الموضوع حق الشباب حق برج الطااائف .. (لانه موضوع مرتب والكل نعرفهم هنا واخويانا .. وبرضووو عشان الزوار يتااابعون الجديد اول باول والاعضاااء اللي ينتضرون الفرز النهائي )
والله يوفقك ويجزاك خير

تقبل مروري

الف الف مبرووووكـ القبول وعقبال التخرج
وسدد الله خطاك وجعل الجنه مثواك
وبالتوفيق للجميع

يعطيكم العافية على المرور بالنسبة للقواعد الثانية أكيد كلهم رفعوا الملفات لكن هل وصلت للقاعدتكم هذا اللي انا ما اعرفه واتمنى لكم التوفيق

بالتوووووفيق للجميع

اتمنى النتايج بكره على كلامك لكن ما أتوقع وفالك القبول والتخرج ولجميع المتقدمين

ياشباب نريد من الي جتهم رسالة خاصة من الي في قاعدة الملك عبدالعزيز بالظهران
يعلمنا أول بأول