السلام عليكم


كيفكم اخواني واخواتي العاطلين والعاطلات


هاليوم بفتح معكم قضية مهمه شديييييييد شديييييييييد


الا وهي وظائف الوزارات وخلينا نحدد وزاره الزراعه والمياه


اليوم وانا جالس اتمشى بموقعهم http://www.agrwat.gov.sa


شفت فقره بالموقع تندرج تحت الخدمات العامه


كٌتب عليها ( آخر المعينين للعمل في الوزارة )

وتحت فقره ( آخر المترقين والمصحح اوضاعهم)


فتحت فقره المعينين قلت اكيد بحصل خمسه سته بالكثير 20


تفاجئت العدد اكثر من 260 موظف جميعهم تعين بعد 1/1/1428 واخرهم تعين يوم 12/6/1428

قلت ماشالله شكله في تقديم وفاتني ولا ايه ؟


رحت اتصلت بإدارة شؤون الموظفين

وبالتحديد الاستاذ /صقر بن عيسى بن بنيه الدعجاني العتيبي هاتف مباشر رقم 014082386


كلمته قلت له
اخوي لو ممكن تقولي كيف آليه التوظيف عندكم ؟

رد وش تخصصك ؟
قلت تخصصي انجليزي بس انا ابي اعرف اليه التوظيف عندكم والتقديم
قال ماعندنا تخصص انجليزي والحين مافي وظايف واذا تبي تقدم رح للديوان لان وظايفنا كلها نطرحها عن طريق الديوان!!

قلت له وظايفكم كلها يتم الاعلان عنها بالديوان !!

قال ايه



قلت له طيب واسماء الموظفين المعينين بالموقع وكلهم من فتره قريبه مع انكم ماعلنتوا شي عن طريق ديوان الخدمه المدنيه


قال ياخوي انت تبي تحاججني

قلت لا بس ابي استفسر منك ..
قال هذولا مترقين

قلت له في فقره خاصه بالمترقين !!


اخر شي قال ماعندي غير هالكلام وظايفنا نطرحها للخدمه المدنيه!!

مشكلــــــــــــــــــــــــــــة مالها حل
لكن الله يصبرنا

لعنهم الله اينما ثقفوا...........واحنا قاعدين نفحط ونتعب الله يعيننا بس

منجد قهر
ليش بيسووا كدا .. حتى انا صارت كنت بقدم ع الاحوال المدنية وقالوا عن طريق الديوان وهم نصابين ولاعمري شفت اعلان لهم في الديوان..

الله يعين كل مسلم

السلام عليكم ورحمة الله وبركاته
هذى مشكلتنااااااااااااا (الشعب السعودي )
اللي هي حرف الواو ( الواسطه )
يعني اللي ماعنده واسطه يزرع بصل

ياحبيبي كانك توك تدري عن هذا الموضوع
حتى لو اعلنوا تلاقيه مداوم ومستلم العمل
بس يعلنوا مجاره للروتين والقوانين
حبيبي انت اطلب الفرج من الله واللي رزقهم قادر يرزقك
حتى انت اونا واي كان بمكان هذا الموظف
مارح تسعى لي انا الغريب وتترك قريبك
الصدق صدق
تحياتي لك

حسبنا الله ونعم الوكيل

يا حليلكم ؟؟؟
حاولوا تتعرفون على فراش عند أي واحد " كباريه " ترى يجيبها ويجيب عشره معها
الله يرزقنا
وبس

الله يعين الضحك واضح

لعبة قديم دي