السلام عليكم ورحمة الله وبركاته

انا فني حاسب آلي وخبير هاردوير وسوفت وير

وافكر افتح محل صيانة حاسب آلي منها هوايه ومنها اترزق

وراح اجيب بعض الاكسسوارات للحاسب الآلي كيبورد ماوس سماعات مايكات وغيرها

فالسؤال هنا :

كم احط ميزانيه للمحل بدون الاجار ؟
وش الافضل محل في شارع فيه كمبيوترات او محل في شارع نادر مايكون فيه محلات كمبيوتر ؟ طبعا المكان الرياض ؟
انا كان عندي محل سابقا قبل خمس سنوات لبيع الجوالات وكنت اتعب من السرقات لاطلعت اصلي رجعت لقيت الباب مكسور مع ان الشارع معروف وشارع عام .. اخاف افتح محل كمبيوتر واطلع اصلي والقى اجهزة الناس انسرقت .. وش الحل هنا ؟
نصائحكم ؟

وشكرا لكم

هلا اخوي شف على حسب المحل اذا المحل كبير يحتاج بضاعه كثير واذا المحل صغير وديكوره صغير بضاعه بسيطه لاكن يعني من 10-15 الف وانصحك لا تركز على الاكسورات كثير ترى مافيه فايده ركز على الصيانه والفورمات افضلك خلك جنب محلات الحاسب. _اتمنى اني افادتك _ خالص تحياتي

طبعا الفكرة هاذي راح تخلي الزبائن يتعلقون بالمحل وكل زبون يجيب لك زبائن , وربح بدون رأس مال

ممكن أفيد أي واحد بالمنتدى ناوي يسوي مثل هالمشروع ,. لكن ما ودي أحطها بالعام تسررق الفكرة وتنتشر

رمض العيون وش الفكرة اخوي

عند اخوي محل مايمشي ونبي الفكرة

الله يعطيك العافيه رقراق

الاكسسورات راح تكون بشي بسيط وعن الاحتياجات اليوميه والي تكون رخيصه من 50 ريال واقل



رمش العيون
تسلم على مرورك .. ياليت تطرح الفكره هنا ولا بالخاص .. وشكرا لك

عموما الفكرة سهلة جدآ ,,

فيه إلعاب لبلاستيشن3 وأكس بوكس لكن تشتغل على الكمبيوتر ,, لكن هالإلعاب سعرها غالي وموجودة بجرير , يعني سعرها ما بين 150 إلى 300 ريال .. لكن فيه منسوخ بسعر التراب موجود بسوق الوليه بالرياض , طبعآ اللعبة تتطلب مواصفات عالية مثل الرام 2 جيجا وأعلى وتتطلب بعض الإلعاب كرت شاشه , المهم أنت توفر القطع اللازمة والبرامج المساندة للعبة وأجهزة التحكم باللعبة . وصدقني لما تنزل له لعبة بيرجع لك مرة ثانية وبيقول لخوياه , أنا الحين يوميا تجيني أجهزة ما أعرف أصحابها يبون أنزل لهم إلعاب مشهورة مثل pes2010 وغيره وبصراحة إلعاب خياليه وروعة ,,

أنت تحط صور اللعبة على المحل ,, يجيك يقول أبي هاللعبة تقول له موجودة وش مواصفات جهازك تقوله ناقصك كذا وكذا وموجودة عندي بيقولك ركب أهم شيء تشتغل ,, والزبون لما يكرر الزياره خلاص يتعود على المحل ,, واللعبة تنزلها ب 20 ريال أنت المستفيد لإنه فيه قطع وفيه برامج ,,

أتمنى لك التوفيق

<<--- عندو محل دامج فيه الحاسب والجوال وللحين يطلب الحل بدا يحتظر مع انو في منطقه محتاجه للكمبيوترات هههههه

بس فكرتك هدي ماتنفعني لانو بالرياض وانا بالاحساء

والله الموفق