اللي يبي قرض او يفكر بقرض او اي استفسار يدخل

الافضليه للسعودي · #21 (**permalink**) 10-03-2010, 04:07 PM

اقتباس:

المشاركة الأصلية كتبت بواسطة فوكس العرب

يالغااالي كيفك ان شاء الله تمام

بخصوص القرض ابي استفسر كم اقل قرض تقدرون تعطونه للمقدم

وكم الفائده اللي تأخذونه منه

ولمدة كم القسط

ويعطيك العافيه

انشالله اكون افدتك

الافضليه للسعودي · #22 (**permalink**) 10-03-2010, 04:20 PM

اقتباس:

المشاركة الأصلية كتبت بواسطة غلا الهواجر

الله يوفقك ويفتحها عليك وين ماكنت ويحفظ لك والدينك ياارب

شاكرين لك هاللفته الطيبه منك

حبيت آستسفسر بخصوص بنك الجزيره ونظام التكافل الااجتماعي
واللي توظفوا فييه ماآهو بالظبط ؟؟ وهل من ناحية الشررع يعتبر فيه شبهه ؟؟

والله انا اخوك انا ماني شيخ واعترف لك انا موظف بنك وقسمي فيه ربا ولكن احاول الابتعاد قدر المستطاع عن الشبهات

انا من ناحيتي اي شي داخل فيه بنك ابتعد عنه لانهم دائما ما يتحايلون على الشرع بطريقه او باخرى وانا ما احط بذمتي ولكن اشوف اشياء من داخل البنوك تخوف او تثير شبهه
عالعموم انا ما احب افتي ولكن انصحك ابتعد عن الامور اللي فيها شبهه

وبالنسبه للمشايخ وفتاويهم (انا اقول انه الفتاوي اوكي ولكن هل البنوك تطبق اللي يعتمده الشيخ او هل هي تطبق نفس الاليات اللي تعرض على اللجان الشرعيه ؟؟؟) هنا تحصل اللخبطه ولاتدري
وتروح تسال شيخ يقولك لا حرام انا افتيت على اساس هم عرضوا علي الطريقه الفلانيه وووو

زبدة الموضوع ابتتتتتعد عن اي استثمار بالبنوك لانهم حراميه ياخي استثمر انت وجمع انت
ليه تقتطع مبلغ شهري للبنك علشان يجمع لك انت اجمع بدون لاشبهه ولا غيره

اما بالنسبه للوظائف وشرعيتها :

المشكله انو كل الشركات تربط مبالغ الرواتب كودائع والودائع اغلب انواعها محرمه لانها ربا
فما تدري هل راتبك اصله حلال ام انه مشغل في ربا

فلذلك لو حصلت وظيفه غيرها انصحك روح لها .

اتمنى اني قدرت افيدك ولو بالقليل
مودتي لك

عاشق الحجاز · #23 (**permalink**) 13-03-2010, 10:16 PM

انا فصلت من عملي وعلي قرض ما أكملت سداده لبنك الراجحي

الان البنك ايش راح يسوي بقرظه المتبقي علما انه لا عمل عندي لسداد قرضهم وباقي منه حوالي 30000

وشكرا لك

حلفت ماحب · #24 (**permalink**) 14-03-2010, 12:53 AM

اقتباس:

المشاركة الأصلية كتبت بواسطة عاشق الحجاز

انا فصلت من عملي وعلي قرض ما أكملت سداده لبنك الراجحي

الان البنك ايش راح يسوي بقرظه المتبقي علما انه لا عمل عندي لسداد قرضهم وباقي منه حوالي 30000

وشكرا لك

ارفع برقيه للديوان الملكي واشرح ظروفك

وان شاء الله بيساعدونك بس اتصل عليهم

لاء تقولي من وين اجيب رقمهم اتصل على 905

وقل ابي رقم الديوان واشرح ظروفك ببرقيه واتكل على رب البيت

والله يوفقك دنيا واخره قل امين بس والله يفرجها

الافضليه للسعودي · #25 (**permalink**) 14-03-2010, 01:05 PM

اقتباس:

المشاركة الأصلية كتبت بواسطة عاشق الحجاز

انا فصلت من عملي وعلي قرض ما أكملت سداده لبنك الراجحي

الان البنك ايش راح يسوي بقرظه المتبقي علما انه لا عمل عندي لسداد قرضهم وباقي منه حوالي 30000

وشكرا لك

راح يتصلون عليك ويطالبونك بالسداد (لمدة 6 اشهر ابتداء من تاريخ التعثر) بعدها راح يرسلون خطاب لوزارة التجاره قسم الحقوق المدنيه بعدها راح ينزل تعميم من قسم الشرطه حق الحي اللي انت كاتبه بالابلكيشن حق طلب القرض متى ما مسكك تفتيش وشيك على هويتك بالكمبيوتر بيحصل انو عليك تعميم بعدها بيمسكونك ويحولنكم للمحكمه حقت الحقوق ويفصل بينكم الشيخ

عالعموم مدة البلاغ تختلف من بنك لاخر حسب قوة ادارة التحصيل فمثلا تجد عميل لدى بنك متعثر بالسداد لمدة 5 سنوات ولاحد حوله وفجاه يعممون عليه بعدها والعكس ايضا تلقا عميل متعثر ببنك اخر وبعد سنه يعممون عليه

يعني الله يعييييينك على الراجحي لانه مايخلي حقه

الافضليه للسعودي · #26 (**permalink**) 15-03-2010, 06:11 PM

uuuuuuuuuuuuuuuup

أمير الرياض · #27 (**permalink**) 16-03-2010, 10:03 PM

طيب يالغالي هل البنك يعطي بيت ؟؟ او يعطي قرض كبير لشخصين في العسكريه

يعني مثلا انا واخوي عسكر هل يعطي البنك بيت او قرض لشرا بيت وكم ادفع شهري ..؟؟

الافضليه للسعودي · #28 (**permalink**) 20-03-2010, 04:23 PM

اقتباس:

المشاركة الأصلية كتبت بواسطة أمير الرياض

طيب يالغالي هل البنك يعطي بيت ؟؟ او يعطي قرض كبير لشخصين في العسكريه

يعني مثلا انا واخوي عسكر هل يعطي البنك بيت او قرض لشرا بيت وكم ادفع شهري ..؟؟

الراجحي بس يعطي الاخوان

دق على 800 حقهم بيخلصون موضوعك على طول

عضو متفائل · #29 (**permalink**) 21-03-2010, 12:58 AM

السلام عليكم ورحمة الله وبركاته

مشكور اخوي على الموضوع الرائع

لدي استفسار عن نقطتين الاولى شخص لديه كمثال بمبلغ 500000 ريال خمسمائة الف ريال ويريد ضمان بنكي بمبلغ مليون او مليون ونصف المليون لصالح شركة سعودية او اجنبيه هل هذا ممكن .

النقطه الثانية بالنسبه لبرنامج كفاله الذي اعلمه صعوبة دعم المشاريع الجديده واغلب الدعم للمشاريع القائمه ماريك في هذا وماذا تنصح من البنوك لتقيدم على برنامج كفاله .

كثير من البنوك تشترط على المتقدم للبرنامج رهن عقاري او اسهم او غيره
اذا كان شخص يملك 500000 ريال ولديه دراسة جدوى لاحد المشاريع الصناعية هل يستطيع رهن مبلغ 500000 ريال مقابل حصوله على 2 مليون ريال ورهن ايضا معدات المشروع بعد شرائها طبعا والحصول على المبلغ .

اجمل تحيه للجميع