السلام عليكم ورحمة الله وبركاتة

اخواني اخواتي عندي عدد من الاستفسارات عن التجارة في الذهب ليس بفتح محل فقط الشرا عندما يكون منخفض وابيع عندما يكون مرتفع . ولكن اخواني لااخفي عليكم ان ليس لدي اي فكرة عن هذا المشروع البسيط . ولو تتكرمو الي عنده اي فكرة عن هذا الموضوع ولو بنصيحه بسيطه

عدد من الاسئلة .


1- من فين اشتري سبائك الذهب؟

2-متى اشتري وكيف اعرف ان الذهب انخفض ؟ هل يوجد سوق مثل سوق الاسهم؟

3- هل مبلغ 50الف كافية في الدخول في هذا المشروع؟

4-هل يوجد مخاطر عالية في التجارة في الذهب؟

5-كيف اعرف هذا الذهب مخلوط او ذهب صافي ؟

في راسي اسئلة كثيرة بس مدري هل في احد في المنتدى عنده الخبرة او لا؟؟


في انتظار ردودكم ولكم مني اجمل تحية

نفس الاسئلة انتظر اجوبة عليها

بسم الله الرحمن الرحيم
اناعارف بتقول ملقوف لكن الي بقولة لك وجهة نظر لا اكثر
1| الي معك 50000 فقط لاغير وانت تدري ان الوحدة اذا بتزوج تشتري ذهب بمالايقل عن 25000 يعني اذا فكيت المحل زبونتين وتصفي المحل
2|الذهب واصل 1297 حسب المعلومات السطحية الي عندي يعني شوف مشروع ثاني

نـــــــصــيــحة((((الاكسسوارات فيها فلوووووووووس)))وارخص من الذهب

انا اشوف الذهب وصل ارقام فلكيه

غلط الدخول فيه الان

يرى الكثير بأن هبوط أسعار الذهب اقتربت
وفقك الله

الله يعطيكم العافية وماقصرتم .. انا ماابغى افك محل ذهب يعني ابغى اصير اشتري وابيع سبائك

هلا وغلا فيك

احب اشارك بموضوعك وافيدك لاني اشتغلت قبل كذا في الذهب وصارت عندي خبره كبيره ..

بس قبل كل شئ

احب اوضح لك /

الكيلو = 1 سبيكة ذهب
اذاً الكيلو = 1000 جرام (ذهب)

الايــام هاذي سعر كيلو الذهب = 134100 مائة واربعه وثلاثون الف ومائة ريال فقط


واللي عرفته منك .. ان راس مالك 50.000 ريال

طيب .. صعبه شوي تتاجر في سبائك الذهب لان اسعارها عاليه و مو متوفره عندك ..

بس
فيه اوزان اقل من سبيكة الذهب وتقدر تتاجر فيها وهي :

الاونصة ( الاوقية )

وزن الاونصة = 31.1 جرام

وسعرها في الايام هاذي = 4200 ريال .. اعتقد انه سعر معقول ومتوفر عندك <..

وللمعلومية /
اسعار الذهب في البورصات العالمية تسعر بسعر الاونصة
ومن خلال سعر الاونصة تقدر تطلع سعر الكيلو وسعر الجنيه والجرامات المتداوله في سوق الذهب ..

طيب

فيه وزن اقل من وزن الاونصة والمتداول بين الناس والكل يتاجر فيه وهي :

الجنيه

ووزن الجنيه = 8 جرام

وسعر الجنيه في الايام هاذي = 935 ريال

( وقبل اسابيع لما انخفض سعر الذهب .. كان الجنيه عليه طلب رهيب في السوق )

لان فيه ناس الحين بدأو يتوجهوا لشراء الذهب والاحتفاظ به بدلاً من الكــــاش ..

والكل سمع وشاف ايش اللي صار بالدولار والعملات الاخرى لما انخفظت قيمتها ..

وعلى فكره /
علاقة الذهب بسعر الدولار

علاقة طردية
(كلما انخفض سعر الدولار >> ارتفع سعر الذهب )


طبعا الجنيه عندنا بالسوق فيه منه نوعين /

1/ جنيه السعودي
2/ جنيه الجورج (الامريكي)

وكلها نفس الاوزان ( 8 جرام ) وبنفس السعر ( ولو بفرق بسيط )
وتلاقيها بأسواق الذهب
ولو انت بالرياض .. فتلاقيني .... اقصد بتلاقي الجنيه يباع بأشهر واكبر تجمع لمحلات الذهب ( اسواق طيبة بشمال الرياض )

والاشهر هاذي سوق الذهب شوي راكد بسبب ارتفاع الاسعار

وطبعا اسعار الذهب متغيره بكل لحظه لان البورصه شغاله 24 ساعه ما عدا ايام السبت والاحد

فيه معلومات كثيره واسرار خطيره ومايتسع الوقت لذكرها

ــــــــــــــــــــــــــــــــــــــــــــــــــ ــــــــــــــــــــــــــــــــ


واحب ابلغك اني اشتغلت في مجال الذهب لفتره طويلة وبعدها تركته وتوجهت لمجــال المجوهرات


لاني وجدت فيها اربااااااااح خيالية ( بس لاتعلم احد )

ولو قالك احد انه اشترى طقم مجوهرات مستعمل بـ 7000 ريال وباعه بــ 20.000 ريال
فصدقه >>


للأسف الوقت والمكان مايسمح اني اتكلم بشكل اوسع من كذا في مجال المجوهرات لان الحديث في المجال هذا يطووووول ..
وفيه من المعلومات والاسرار .. اللي يصعب ان احد يفيدك فيها (( لأجل مايكشف سره ))



وانا حاظر لك بأي سؤال او استفسار تطرحونه ..
وان شاء الله افيدك باللي اقدر عليه ..




واسف على الاطاله ..

مدري وش اقول يا افكار وطموح والله يوفقك ابغى منك تطرح كل في راسك من افكار ياافكار ... عن الذهب .. طيب انت تقول كل ماانخفض الدولار ارتفع الذهب . واذا ارتفع الدولار هل ينخفض الذهب . هل تقصد بالمجوهرات الذهب او الاماس
طيب يعني تنصحين بالجنيهات الذهب افضل .. ولك التحية