استفسار هااام للأخ سارق الدمعة

مرايم الهايم · #1 (**permalink**) 10-03-2010, 04:56 PM

بسم الله الرحمن الرحيم
اخوي سارق الدمعة
لدي تساؤل مهم جدا.. وانت الوحيد الذي سيجيب عليه بارك الله فيك
قالت لي اختي بأن صديقة صديقتها{بعيدة شوي صح} المهم انها هاذي الانسانة راحت البحرين علشان تقضي ملابس للجامعة نخيل وهو للحين مابعد طلعت النتائج هي ماشية البحرين الاثنين هاذا والاخت حظرت جنابها متأكدة100بالمية انها مقبولة طيب وشالسر؟؟ اقول لك
السر ان عمها الموقر بالجامعة يعني شغلته مو كبيرة مرة عاد مدري بالضبط ويش يشتغل المهم انه قال لها ان اسمها انرفع للديوان بس.. تخيل والاخت واثقة
الحق ينقال اني سمعت اختي تقول انها عندها خبرات عملية في قطاع اهلي الظاهر شركة وبس طيب كيف تثق انها مقبولة؟ الديوان مايفاضل الديوان مايختار ناس مااختارتهم الجامعة هل كيف{ لاحظ اخوي هل كيف تراها مهمه} هل كيف انها واثقة ماتخاف تنصدم المهم بكيفها بس اللي قاااااااهرني انها مقدمه على نفس وظيفتي يعني وشالسالفة فهمني اخوي تكفى واشرح لي بإسهاب تراني احيانا يكون فغهمي صعب شوي فهمني حبة حبة ويااااااااااااارب لك الجنة لاتتأخر علينا بالرد والاخبار

جراح السنين · #2 (**permalink**) 10-03-2010, 05:30 PM

اه يالقهر معاه حق تكون واثقه دام الجامعه فيها الاشكال الافي بالي
الله يمحقهن عن بكرة ابيهن

عاطل قفلت معه · #3 (**permalink**) 10-03-2010, 05:47 PM

يعطيك العافية

مرايم الهايم · #4 (**permalink**) 10-03-2010, 05:47 PM

اسسسسسسسسسسسسستغفر الله العلي العظيم واتوب اليه

عاطلة حدالدعسه · #5 (**permalink**) 10-03-2010, 06:55 PM

اختي الخبررررررره لها دورررررر في الديوان تزيد النقاط
انشالله تكون من نصيبك هالوظيفه لاكن لو ماصارت عااااااادي حياتي لاتنصدمين
انا كم مره اقدم وهاذا عندي خبرات ودورات ولا ياخذوني عااااااادي عاادي
لدرجة صار عندي تبلد ماقدمت معكم السنه لاني عرفت الدعوه وااااسطه
لاكن اذا الديوان لأ الديوان ماعنده واسطه عنده مفاضله حسب الخبرات والتقدير
انا لو أدري انه السالفه فيها ديوان كان قدمت
بس كنت افكر انه الجامعه بس زي كل سنه ولكذا ماقدمت
الله يؤفقك ويريح بالك
والحياه ماتوقف عند شي معين حاولي تكسبين خبرات وقدمي على الديوان كل سنه لين يجيك رسمي انشالله

جالس بهمي لحالي · #6 (**permalink**) 10-03-2010, 08:20 PM

يمكن متخرجه من زمان والحظ يلعب دور

رواء · #7 (**permalink**) 10-03-2010, 09:04 PM

الله يرزقك وبرزقني

بكالوريا انجليش · #8 (**permalink**) 10-03-2010, 10:49 PM

مرايم قلبي
اذا ربك كاتب لك الوظيفه بتاخذينها
واذا هي راحت البحرين عادي وش تبينها تسوي يعني تصرفها طبيعي /يعني تجلس ماتروح ولاتجي تحط يدها على خدها
حبيبتي انتي الي موتره نفسك بزياده
ومالومك بس صدقيني بتتعبين كذا
هذا انا قدامك ماانكر اني رغبانه موووووت بالوظيفه بس حاطه في بالي انها اذا مكتوبه لي باخذها لو اكبر واسطه
رررررريحي نفسك قلبووووووو