مازل بوسعنا نكتب للعاطلين والمعاناة التي يعيشونها بايامهم وفي لياليهم وفي كل يوم يمر
عليهم...
ولكن هذه المرة سأكتب عن شخص صديق وزميل زاملته اثناء دراسته بكلية الطيران الاردنية,,,
.................................
بأختصرها لكم ؛؛
هناك في احد الشوارع بجدة باحد المحلات وجدته يشتغل في محل لبيع الاكسسوارات والجوالات
وفاجئني عندما رأيته.. سلمت عليه وسالته كيف حالك وكيف الطيران معاك يازميلي العزيز ؟
رد عليه بقول: اي طيران ياصاحبي ؟
قلت ليش انت مااشتغلت وصرت طيار والا على الاقل مساعد مهندس والا ميكانيكي والا فني والا اي شيء؟
قالي وش شايف انت الحين ؟ منت شايفني بالمحل هذا؟ (كشك الجوالات)
قلت الا شايفك بس وش عندك هنا ..
رد يقول هذا محلي فتحته قبل فترة وبشتغل فيه.. اطقطق احسن لي من الجلسة بالبيت!!
تعجبت شوي وقلت له يعني انت هنا صاحب المحل منت جاي عشان تتسوق و..
طيب وش صار مع الطيران يابو فلان وين راحت رخصة لندن والهندسة الاردنية ..
مارد علي وراح جاب لي كاسة ماء,
شربت الكاسة ودار الحديث وترك الزباين وجلسنا نتذكر ايام الدراسة بالاردن وكيف كانت الايام تلك
وعن احلامنا قبل التخرج ..دار الحديث نصف ساعة وبعدها سالني هااا بشر انت وش سويت بالهندسة؟
وبشر هااا انشالله تزوجت؟
قلت له الله يرحم حالك ياصاحبي حالي ارحم من حالك .. انا والله مقدم على شركات الطيران من زمان جدتي وكل يوم اتصل فيهم اللي يقول انتظر لين يجي دورك بالسراء والثاني يقول نبي خبرة 5سنوات ووو....... الخ.
قالي نفس حالتي يعني قلت ايه بس انا ارحم منك شوي على الاقل ماعندي اسرة اصرف عليها والا اهتم على بناتي وكيف اجيب مصاريفهم مثلك!!
قال ايييييييييييييييييييييييييييييييييه ياصاحبي وحسيت منها انها طالعة من واحد يأس من الدنيا هذي وبانت عليه الهموم اللي ماكنت اراها فيه بايامنا الماضيات.. وقام يذكر لي وش سوى ووين راح بشهاداته والرخص اللي حصل عليها ... الى ان تقدم على الخطوط بوظيفة طيار ووجد نفسه ماسك سرا قبله تقريبا اكثر من اربعمائة طيار ,, يعني يمكن بعام 2040 يتم قبوله. قاطعته بالحديث وقلت له طيب انت بعد دراسة الطيران درست معي الهندسة بالاردن واصبحت الان مساعد مهندس ولغتك جدا جيدة بحكم دراستك باوروبا ..
رد علي وقال اذا قبلوك انت قبلوني انا؟
قلتله افااااااااااااااااا يابو فلان ليش طيب؟
قال لي ماعندي جواب لك وبعدين اسال نفسك انت ليش مو سوى تخرجنا من الهندسة؟؟
قلت والله انك صادق كيف فاتتني هذي,,,
حسيت بعد مضي نصف ساعة انه عنده زباين واني اشغلته عنهم. وقلت له يابو فلان طيب كيف الشغل معاك بالمحل هذا ؟؟
رد ههههههههه يضحك ليش ناوي تشتغل معانا ترى الشغل هنااا ماااشي؟؟
دخلو ثلاثة زباين قبل ارد عليه وقام يشوف شغله معهم .. وفضلت اني استأذنه عشان امشي (بلاشي اشغله زيادة)..... ومشيت وكان الحديث بيطول اكثر واخبركم اكثر لو بقيت لو نصف ساعة اخرى عنده.
.................................................. .....................
نسيت مااقول لكم ان صاحبي هذا درس الطيران بامريكا وحصل على الرخصة الدولية من لندن..
ولما رجع البلد قالو فيه زحمة طيارين عندنا يعني مانحتاج طيارين ..
وذهب الاردن عشان يدرس هندسة الطيران الميكانيكية بدل الطيران ولكن هااااااااااااااا هو كما لو انه لم يفعل شيء .....
حسبي الله ونعم الوكيل اللهم ارحمنا برحمتك ولاتكلنا الى غيرك اللهم بك نستغيث وعليك نتوكل اللهم فرج همنا وهم اخواننا المسلمين واحم حوزة الدين وانصرنا على القوم الظالمين..

لا اله الا الله محمد رسول اللة